Во средата на Волстрит цените на акциите забележаа пад, поради стравувањата од продлабочување на должничката криза во еврозоната, па така индексот S&P 500 е повторно во минус во однос на почетокот на годината.

Во средата на Волстрит цените на акциите забележаа пад, поради стравувањата од продлабочување на должничката криза во еврозоната, па така индексот S&P 500 е повторно во минус во однос на почетокот на годината.Индексот Dow Jones падна за 1,14 отсто на 12.151 поен, додека S&P 500 забележа намалување за 1,25 отсто на 1.249 поени а индексот Nasdaq ослаби за 1,34 отсто на 2.589 индексни поени. На самиот почетокот од тргувањето во средата владееше добро расположение, бидејќи инвеститорите се надеваа дека големата побарувачка на аукцијата на италијанските трезорски записи го најавува ублажувањето на должничката криза во еврозоната.  Инвеститорите впишаа 9 милијарди евра од овие записи на рок од шест месеци по каматна стапка од 3,25 отсто, што е за половина пониска камата отколку на претходната иста аукција. Меѓутоа, оптимизмот во врка со европските должнички проблеми набрзо спласна по податоците дека ноќните депозити на европските банки кај Европската централна банка  (ECB) ги достигнаа рекордните 590 милијарди евра, што јасно укажува дека банките не се многу расположени да си позајмуваат меѓу себе, и попрво ги положуваат парите на сметките на централната банка по пониска камата.Ваквото однесување на банките го предизвика стравот од кредитна криза , застој на меѓубанкарскиот пазар на пари сличен на оној од 2008 година, па и курсот на еврото нагло падна, паѓајќи на само 1,2938 долари, најниското ниво во последните 11 месеци. „Се чини дека стабилноста на еврото, тонењето на неговиот курс под нивото 1,30 долари, ги наведе инвеститорите на продажба на акциите. Меѓутоа, падот на цените можеби е претеран, потенциран со слабиот обем на тргувањето, па ова би можело да претставува само еднодневна распродажба“, вели за Reuters, Рајан Детрик, стратег во компанијата „Schaeffer’s Investment Research“.Под најголем притисок во средата беа рударскиот и енергетскиот сектор, коишто претходните денови ба најголемите добитници. Поради падот на цените на сировините, индексот S&P 500 на рударскиот сектор во средата потона за 2,2 отсто. Поради тоа овој индекс S&P 500 повторно потона во негативниот дел во однос на почетокот на годинава. Сега е во минус од 0,6 отсто а индексот Nasdaq е во загуба од 2,4 отсто. Индексот Dow Jones, пак, од почетокот на годинава досега е во плус од 5 отсто. /крај/ро/мф/сн