Економија
Невоедначена изведба на европските пазари на акции
Европските берзи во вторникот забележаа невоедначена изведба, па германскиот и британскиот пазар ја црпеа поддршката од растот на вредноста во цикличните сектори, додека францускиот и шпанскиот пазар беа притиснати од продолжувањето на стравовите од кризата во еврозоната.
Европските берзи во вторникот забележаа невоедначена изведба, па германскиот и британскиот пазар ја црпеа поддршката од растот на вредноста во цикличните сектори, додека францускиот и шпанскиот пазар беа притиснати од продолжувањето на стравовите од кризата во еврозоната. Индексот на лондонската берза FTSE 100 зајакна за 1,20 отсто на 5.639 поени, индексот на берзата во Франкфурт DAX за0,94 отсто на 6.132 поени, додека индексот на париската берза CAC 40 беше во минус од 0,75 отсто на 3.198 индексни поени.Индексот на шпанската берза IBEX, пак, беше во минус од еден процент, откако инвеститорите ги проучија предупредувањата на шпанскиот министер за стопанство Лиус де Гундоса, дека буџетскиот дефицит на Шпанија за 2011 година би можел да биде поголем и од 8 отсто од БДП-то, колку што процени новата влада. Тоа ги заживеа стравувањата дека Шпанија е во многу тешка ситуација и оти може да се соочува со подолг период од пренапрегнатиот буџет и падот на стопанските активности. „Тоа покажува дека Шпанија е во многу тешка ситуација и дека новата влада мора да ги заостри веќе најавените мерки за штедење“, изјави за Reuters, Арно Путие од компанијата „IG Markets Franc“. Меѓу најголемите губитници во Шпанија беа банките, па така „Sacyr“ ослаби за 1,6 отсто, „Banco de Sabadell“ за 1,3 отсто a „Banco Santander“ за 0,9 отсто.Индексот на париската берза CAC 40, исто така, ослаби откако инвеститори тргнаа во продажба на акциите којашто носеше добивка на фармацевтската компанија „Sanofi“ којашто од крајот на минатогодишниот ноември зајакна за 22 отсто, како и поради паѓањето на вредноста на акциите на водечките банки. Така, акцијата на „Societe Generale“ ослаби за 2,7 отсто, на „Credit Agricole“ за 2,1 процента а на „BNP Paribas“ за 1,3 отсто. Француските банки изминатите неколку месеци имаа послаби резултати од другите европски банки поради стравувањата дека Франција ќе го загуби највисокиот кредитен рејтинг „ААА“. Германскиот индекс DAX зајакна поттикнат од острите добивки на производителите на автомобили како што „BMW“ чија акција скокна за 3,3 отсто. Лондонскиот индекс FTSE 100, пак, беше во добивка на врз силните добивки на рударските компании, предводени од „Rio Tinto“ кој доби на вредноста 5,6 отсто./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.