Еврото во понеделникот зајакна во однос на американскиот долар на меѓународните пазари на валути, поткрепен од бранот купувања, иако инвеститорите и натаму се претпазливи во очекувањето на важните настани во еврозоната кои се очекуваат оваа седмица.

Еврото во понеделникот зајакна во однос на американскиот долар на меѓународните пазари на валути, поткрепен од бранот купувања, иако инвеститорите и натаму се претпазливи во очекувањето на важните настани во еврозоната кои се очекуваат оваа седмица. Еврото така во однос на доларот зајакна за 0.4 отсто на 1.2764 долари откако накусо се лизна на 1,2666 долари на електронската платформа EVS, на најниското нивно во однос на американската валута од септември 2010 година. Швајцарскиот франк, пак, зајакна во однос на еврото на 1,2134 франка за евро, откако гувернерот на Швајцарската народна (централна) банка (SNB) си поднесе оставка поради скандалот со девизните трансакции на неговата сопруга. „Целата мината седмица и преку викендот слушавме дека е изложен на силен притисок да си поднесе оставка, но не сакаше да попушти. Учесниците на пазарот ја губат вербата дека SNB без Хилдебранд може да го сочува зацртаниот лимит за франкот. По неговото заминување прогнозите за идните чекори на SNB малку се обвиени со неизвесност. Кој ќе биде новиот челник и што тој ќе стори“, коментира за Reuters Дејвид Сонг од њујоршката компанија „DailyFX“.Еврото, пак, поддршката ја црпеше од купувањето со кое трговците настојуваа да ги пополнат своите позиции испразнети со неодамнешните продажби. „Јакнењето на еврото во споредба со крајот на мината седмица, претставува само прилагодување на позицијата, имајќи предвид дека трговците главно го продаваа еврото. Трендот дополнително го поддржаа податоците за американската вработеност во декември“, додава Сонг. Извештајот на американската влада за тамошниот пазар на трудот во декември покажа дека американските работодавачи минатиот месец отвориле 200 илјади нови работни места, додека стапката на невработеност се намали на најниското ниво во последните речиси три годни – на 8.5 отсто. Таквите податоци ја поткрепуваат наклонетоста на инвеститорите кон имот со поголеми приноси, како што е еврото. Во меѓувреме, вниманието ан пазарите се пренасочи на првите овогодишни аукции на шпанските и италијанските државни обврзници, кои ќе бидат одржани оваа седмица. Во моментов нема сигнали дека се подобрила побарувачката на инвеститорите за поризичен имот од еврозоната. Загриженоста дека Италија можеби ги поттикна германските и француските челници да ги зајакнат врските со италијанскиот премиер Марио Монти, кој минатата седмица се состана со францускиот претседател Николас Саркози а во среда ќе се сретне во Берлин со германската канцеларка Ангела Меркел. Сите тројца, пак, ќе се сретнат во Италија на 20-ти јануари, непосредно пред состанокот на министрите за финансии на земјите членки на Европската унија, закажан за 23-ти јануари, и самитот на ЕУ кој ќе се одржи на 30-ти јануари./крај/ро/мф/сн