Во понеделникот на Волстрит берзанските индекси останаа речиси непроменети бидејќи инвеститорите останаа претпазливи по силниот раст на цените на акциите од почетокот на годината.

Во понеделникот на Волстрит берзанските индекси останаа речиси непроменети бидејќи инвеститорите останаа претпазливи по силниот раст на цените на акциите од почетокот на годината.Индексот Dow Jones ослаби за 0,09 отсто на 12.708 отсто, а за исто толку се лизна и индексот Nasdaq кој падна на 2.784поени, додека, пак, индексот S&P 500 зајакна за 0,05 отсто на 1.316 индексни поени. Благодарејќи на навестувањата за јакнење на американското стопанство, индексот S&P 500 од почетокот на 2012 година порасна за речиси 5 отсто. Минатата седмица го забележа најголемиот раст во последните месец дена Позитивно на пазарот влијаат и добрите квартални деловни резултати, иако тие не се и одушевувачки Според податоците на Thomson Reuters, досега деловните извештаи за последниот квартал ги објавија околу 15 отсто од компаниите чиишто акции се содржани во индексот S&P 500, а само 59 отсто од нив оствариле подобри резултати отколку што се очекуваше. Тоа е помалку отколку во третото тримесечје од изминатата фискална година, кога процените ги натфрлија 68 отсто од компаниите, додека во вториот квартал тоа го остварија дури 78 отсто од компаниите.Инвеститорите се надеваат дека тој процент ќе биде подобрен тековнава седмица, кога своите деловни извештаи ќе ги објават 117 компании чиишто акции се содржат во индексот S&P 500, како што се „Apple“, „McDonald’s“, „DuPont“, „Johnson & Johnson“.Се следат и случувањата во Европа, иако европската должничка криза веќе извесно време има мало влијание врз Волстрит, отколку кон крајот на минатата година.Во фокусот на инвеститорите, исто така, се и преговорите на грчката влада со приватните кредитори, при што постои надеж дека ќе биде постигнат договорот којшто би го спречил банкротот на Грција овозможувајќи и’ нова помош пред да во март во Атина стигне наплатата од 14,5 милијарди евра за нејзините државни обврзници.За да се отпишат околу 50 отсто од долговите на Грција, приватните кредитори бараат од владата во Атина камата од 4 отсто на новите обврзници со коишто би ги замениле старите. Грчката влада изрази подготвеност каматата да ја плати по стапка од 3,5 отсто, а за тоа ја има и поддршката од министрите за финансии на земјите членки на еврозоната, коишто по состанокот во понеделникот во Брисел испратија порака дека понудата на приватните кредитори не е доволнаНа европските берза пак цените на акциите во вторникот пораснаа. Така, индексот на лондонската берза FTSЕ зајакна за 0,94 отсто на 5.782 поени, индексот на франкфуртската берза DAX за 0,5 0 отсто на 6.436 поени, а индексот на париската берза CAC за 0,51 отсто на 3.338 индексни поени./крај/ро/мф/сн