Министрите за финансии на еврозоната ги одбија предлозите на приватните кредитори за реструктуирање на грчкиот долг, со што преговорите се вратени на почеток, а повторно се отвора и можноста за банкрот на Грција.

Министрите за финансии на еврозоната ги одбија предлозите на приватните кредитори за реструктуирање на грчкиот долг, со што преговорите се вратени на почеток, а повторно се отвора и можноста за банкрот на Грција.На вчерашниот состанок во Брисел министрите за финансии на еврозоната заклучија дека е неприфатлива понудата на приватните кредитори од четири отсто по купон на новите долгорочни обврзници што Грција би требало да ги издаде наместо постоечките државни обврзници.Банките и останатите приватни финансиски институции кои ги претставува Меѓународниот монетарен фонд(ММФ) бараа купонот да изнесува четири отсто ако веќе мораат да ја намалат номиналната вредност на долгот за 50 отсто.Купонот е посебен дел од вредносната хартија врз чија основа на неговиот законски сопственик периодично би му се исплаќале одредени суми. Во поширока смисла, и обврзницата содржи купони врз чија основа на законскиот сопственик му се исплаќаат камати на вложените пари. Во правилото кај обврзниците купоните гласат на фиксен процент од нивната номинална вредност. Во таа насока, купонот во брокерски жаргон ја означува висината на окаматената обврзница.Грција не е подготвена да плаќа повеќе од 3,5 отсто по купон. Таквиот став го поддржуваат министрите за финансии на еврозоната и ММФ.Жан-Клод Јункер, претседавач со земјите од еврозоната, изјави дека Грција со приватните кредитори мора да постигне договор со кој каматите на заменските обврзници ќе бидат „дебело“ под четири отсто. Тој додаде дека „министрите ги советувале грчките колеги во преговорите да инсистираат каматите на новите акции да бидат значително под четири отсто за цело време на траење на новите обврзници, што значи дека каматите би морале да се спуштат дури и под 3,5 отсто многу пред 2020 година.Целта на ваквото реструктуирање е намалување на грчкиот долг за 100 милијарди евра, што е намалување на долгот во однос на БДП од 160 отсто на 120 отсто и тоа сè до 2020 година. ЕУ, како и претставниците на ММФ, сметаат дека така реструктуираниот долг би станал одржлив за Грција.Во случај Грција и кредиторите да не постигнат договор, последиците би можеле да бидат катастрофални за финансиските пазари. Преговорите околу вклучувањето на приватниот сектор се водат веќе седум месеци без никаков успех. Доколку договорот не биде постигнат до март, до кога Атина мора да врати 14,5 милијарди евра долг што стига за наплата, Грција ќе мора да прогласи банкрот, пренесува Ројтерс.Но, и покрај таквите показатели, еврокомесарот за економски и финансиски работи Оли Рен, изјави дека очекува постигање на договор за неколку дена. /крај/ин/ст