Европската банка за обнова и развој (ЕБРД) – за годинава прогнозира остро забавување на стопанскиот раст во 29 земји на потегот од средна и источна Европа до средна Азија

Европската банка за обнова и развој (ЕБРД) – за годинава прогнозира остро забавување на стопанскиот раст во 29 земји на потегот од средна и источна Европа до средна Азија, предупредувајќи дека натамошното влошување на условите во еврозоната би можело да има натамошни големи последици врз регионот во целина. Во 2012 година за регионот во целост ЕБРД сега прогнозира просечен економски раст од 3,1 отсто, што укажува на острото забавување во споредба со растот од 4,8 отсто во минатата 2011 година, се наведува во најновиот извештај на банката објавен во вторникот.Притоа се предупредува на значителната опасност од намалувањето на прогнозите доколку се влоши должничката криза во еврозоната, а истовремено се нагласува дека основното сценарио врз коешто се базираат најновите прогнози не предвидуваат натамошно зголемување на кризата во зоната на единствената европска валута. Во ЕБРД нагласуваат, исто така, дека влошувањето на превирањата во еврозоната во ткн „нова“ Европа  би предизвикале системски предизвика поради длабоката поврзаност на нејзиниот банкарски систем со банките со седиште во еврозоната, особено доколку на нив се надоврзат некоординарани мерки. Со тоа негативните последици од кризата во еврозоната би се прелеале врз другите држави, сметаат експертите на ЕБРД. Регионот во којшто дејствува ЕБРД, исто така, би трпел негативни ефекти од последичното забавување на американското стопанство и другите економии во светот, како падот на цените на стоките што ги следат овие појави. Според основното сценарио, ЕБРД претпоставува дека намалувањето на задолженоста кај меѓународните банки активни во регионот во којшто дејствува банката, ќе биде координирано, како што тоа беше случај во периодот на кризата од 2008 и 2009 година. Тоа би вклучувале соработка на владите, меѓународните агенции и банките, најверојатно во рамките на новата виенска иницијативи „Виена 2,0“.„Од апсолутна важност е да осмислиме заеднички одговор на реструктуирањето на западните банки кој во целост би водел сметка за ефектите врз економиите во формирање. Секој неуспех по ова прашање значително би ги закочил економиите во формирање.“, смета Ерик Берглоф, главен економист во ЕБРД.Иако прогнозата за 3,1-процентниот раст во целиот регион во кој дејствува ЕБРД горе-долу во склад со проекциите од октомври минатата година, најновите прогнози ја покажуваат сé поизразената разлика меѓу 29-те земји опфатени со истражувањето. Во ЕБРД регионот на средна и југоисточна Европа го оценуваат како најмногу изложен на притисоците од еврозоната и укажуваат на тоа дека Словенија и Унгарија најверојатно во 2012 година ќе влезат во рецесија. Меѓу каналите по кои превирањата од еврозоната ќе се пренесуваат и врз стопанските активности во транзициските земји, се истакнуваат финансиските, трговските и странските дознаки. За подрегионот на централна Европа и балтичките земји, во којашто ЕБРД ја смета и Хрватска, предвидува дека ќе забележи раст од 1,4 отсто, наспроти 1,7 отсто колку што беше прогнозирано во рамките на октомвриските проекции.Во подрегионот на јужна и источна Европа, во кој спаѓа и Македонија, намалена е претходната прогноза за стапката на раст од 1,6, на 1 отсто. За Македонија проекцијата за годинава се предвидува забавување на растот на 1,8 отсто. што преставува за 0,6 отсто надолна корекција на банката во споредба со нејзиниот октомвриски извештај, кога на Македонија за 2012 година и се предвидуваше економски раст од 2,4 отсто.За подрегионот на источна Европа и Кавказ, прогнозите се намалени на 2,6 отсто во споредба со претходно очекуваниот раст од 3,2 отсто.За Русија и Турција прогнозите се потврдени на 4,2 односно 2,5 отсто. За подрегионот на средна Азија и се прогнозира раст од 7 отсто во 2012 година, малку поголем во однос на претходно прогнозираниот од 6,6 отсто./крај/ебрд/мф/сн