Еврото во вторникот падна од највисокото ниво во последните три месеца во променливото тргување на меѓународните пазари

Еврото во вторникот падна од највисокото ниво во последните три месеца во променливото тргување на меѓународните пазари, имајќи ја предвид дека загриженоста поради грчките преговори со приватните кредитори во втор план ги потисна подобрите од очекуваните активности во услужниот сектор во еврозоната. Така еврото накусо во вторникот достигна до 1,3063 американски долари, највисокото ниво во речиси трите последни седмици, за пота да се најде под притисокот на продажбата и со него да се тргува по 1.2997 долари, што значи дека забележа дневна загуба од 0,2 отсто. Но и натаму единствената европска валута сигурно се одржува над најниското ниво во последните 17 месеци од 1,2624 долари, на кое се спушти на 13-ти јануари 2012 година. Еврото, исто така, и беше под притисок и во однос на швајцарскиот франк, спуштајќи се на најниското ниво во последните четири месеци од 1,2057 франка. Во однос на јапонскиот пак, еврото зајакна на 100,84 јени, близу највисокото ниво во последните четири седмици. Доларот, пак, во однос на јенот зајакна приближувајќи се на највисокото ниво во последните четири седмици, и со него се тргуваше по 77,39 јени. Извештајот на лондонскиот институт Markit покажа дека еврозоната сé уште може да ја избегне рецесијата, што се припишува на ненадејниот залет на активностите во услужниот сектор на еврозоната кој го амортизираше продолжениот пад на активностите во секторот на производството во јануари. Во таквите околности, еврото накусо скокна на највисокото ниво во денот, за потоа да се најде под притисок.Неизвесноста во врска со способноста на Грција да го избегне хаотичниот банкрот придонесе за променливоста на тргувањето по одлуката на министрите за финансии од земјите членки на еврозоната да ја одбијат понудата на приватните кредитори во врска со замената на државните грчки обврзници, оценувајќи го како превисок купон нивното барање. Имено кредиторите изјавија дека се подготвени да прифатат купон од најмалку 4 отсто, доколку ја отпишуваат номиналната вредност на грчките обврзници кои ги држат кај себе за 50 отсто.„Индексот на менаџерот на набавка (PMI) за услужниот сектор во еврозоната веројатно помогна, ное тргуваме со еврото врз основ ана изгледите за раст. Повеќе нé загрижуваат структуралните последици на кризата во еврозоанта и вестите коишто ги чекаме во врска со договорот меѓу Грција и кредиторите“, вели за Reuters Карл Хамер, главен валутен стратег во SEB.Притисокот врз еврото предизвикаа и оцените дека Португалија, која што се смета за втора најризична земја во еврозоната, би можела да биде следниот кандидат за банкрот, по Грција. Новите насоки на инвеститорите би можел да им даде новиот дводневен состанок на челниците на американската централна банка Fеd,  чиешто редовно месечно заседавање започнува во вторникот навечер по средноевропско време.крај/ро/мф/сн