Рускиот премиер Владимир Путин кој е на власт 12 години и повторно се кандидираше на претседателските избори во март годинава, во понеделникот вети „нова економија“ во Русија, признавајќи дека тамошното стопанство го нагризува корупцијата и дека не е привлечно за инвеститорите.

Рускиот премиер Владимир Путин кој е на власт 12 години и повторно се кандидираше на претседателските избори во март годинава, во понеделникот вети „нова економија“ во Русија, признавајќи дека тамошното стопанство го нагризува корупцијата и дека не е привлечно за инвеститорите. „Русија не може да си дозволи да има стопанство кошето не гарантира ниту стабилност, ниту независност, ниту благосостојба. Потребно ни еново стопанство“, се вели во еден од текстовите посветени на економијата што во рамките на предизборната кампања ги објавува премиерот Владимир Путин во економскиот дневен весник Ведомости.Путин кој се соочува со најголемите досега протести во Русија откако тој е на власт поради забелешките за неправилност на парламентарните избори од декември, признава дека земјата ја нагризува „системската“ корупција, дека климата за претприемништвото  “не е задоволувачка“, како и дека е „недозволива“ зависноста од извозот на сировините.„Во однос на конкуренцијата, нашата земја многу помалку е привлечна за инвеститорите. Забележуваме голем одлив на капиталот. Главниот проблем е недоволната транспарентност, недостигот од контрола на општеството над јавните функционери, царината, даночните служби, правосудниот систем и силите на поредокот. Станува збор за системска корупција, доколку работите ги именуваме со вистинското име“, предупредува во денешниот напис премиерот Путин кој во периодот од 2000 до 2008 година ја извршуваше функцијата претседател на Руската Федерација. Притоа, тој признава дека и покрај реформите „кои се спроведуваат во земјата последните години“ на иницијатива на актуелниот претседател Дмитриј Медведев, не е остварен „значителен напредок за да се поправи деловната клима“. Во истиот напис, Путин вели дека смета оти е возможно до 2016 година да се намали учеството на државата во голем број руски стратешки компании, како и „излегување на државата од капиталот на крупните нестратешки компании, коишто не се вклучени во монополите со природните ресурси и одбранбената индустрија“.Во коментарот за овој напис, редакцијата на Ведомости изразува жалење што премиерот Путин економските проблеми „не ги доведува во врска со нужната политичка реформа. „Путин институционалната реформа ја споменува само еднаш, кога зборуваше за потребата од привлекување на капиталот. А што тој правеше сиве овие години“, прашува уредништвото на весникот./крај/рн/мф/сн