Шведскиот премиер Фредрик Рејнфилд во понеделникот навечер во Брисел рече дека Чешка и’ се придружила на Велика Британија и дека нема да му пристапи на новиот фискален пакт кој треба да загарантира финансиска дисциплина за да се спречи повторувањето на сегашната криза.

Шведскиот премиер Фредрик Рејнфилд во понеделникот навечер во Брисел рече дека Чешка и’ се придружила на Велика Британија и дека нема да му пристапи на новиот фискален пакт кој треба да загарантира финансиска дисциплина за да се спречи повторувањето на сегашната криза. „Сите земји изразија намера да пристпата на буџетскиот пакт, освен Велика Британија и Чешка“, изјавил за новинарите коишто го следат самитот на Европската унија во Брисел, шведскиот премиер Фредрик Рејнфилд, пренесува AFP.Информацијата ја потврдил и претседателот на Европскиот совет, Херман ван Ромпуј, со кусата порака поставена на неговиот микроблог на Твитер дека „25 земји членки ќе го потпишат фискалниот пакт“.Фискалниот пакт би требало да биде потпишан на самитот на Унијата којшто ќе се одржи на почетокот од март, а со него земјите потписнички ќе се обврзат дека ќе водат избалансирана буџетска политика, ќе го запрат растот на долговите и ќе почнат да ги намалуваат. Одредбите дека структурниот буџетски дефицит не смее да надминува 0,5 отсто од БДП-то а јавниот долг 60 отсто од БДП-то, земјите членки треба да го вградат во своите устави или во законите коишто имаат устовна моќ. Доколку дојде до прекршување на договорените правила, според договорот, би следеле казни.Медиумите претходно известија за детали од нацрт договорот. Така, како репер за стапувањето на сила на одредбите од фискалниот пакт е одредена 2013 година. Покрај тоа, со проектот се претпоставува дека земјите потписнички ќе можат да го нарушат буџетот без санкции при услови на длабока рецесија во еврозоната или во ЕУ. Исто така, медиумите објавија дека догворот ќе стапи на сила откако ќе го ратификуваат владите не на сите 17 земји од еврозоната, туку на само 12. Претходно, меѓународната рејтинг агенција Standard&Poor’s го намали кредитниот рејтингот на девет земји од еврозоната, вклучувајќи ги Франција, Италија, Шпанија и Португалија, нагласувајќи дека пактот за буџетската стабилност нема да помогнат за стабилноста на земјите од еврозоната целосно да се надмине должничката криза. Според експертите на Агенцијата, акцентот на скусувањето на буџетските расходи на земјите од еврозоната, особено, може да доведе до значителен пад на потрошувачите, што од своја страна ќе ја поткопа даночната основа во регионот./крај/афп/мф/сн