Рејтинг агенцијата Standard&Poor’s предупреди дека за три години може да ги намали кредитните рејтинзи на некои земји од групата Г-20, доколку не спроведат реформи за да го спречат остриот скок на трошоците за здравствена заштита и другите расходи поврзани со стареењето на населението.

Рејтинг агенцијата Standard&Poor’s предупреди дека за три години може да ги намали кредитните рејтинзи на некои земји од групата Г-20, доколку не спроведат реформи за да го спречат остриот скок на трошоците за здравствена заштита и другите расходи поврзани со стареењето на населението.Најголемите вложувања на јавните финансии во следните четири децении поради притисокот на зголемувањето на бројот старо население врз системите на здравствено и пензиско осигурување, агенцијата очекува во развиените европски земји, но и во Јапонија и во САД. Групата Г-20 ги опфаќа дваесетте најразвиени земји и економиите во развој. „Постојаниот раст на трошоците на здравствената нега тешко ќе ги оптовари јавните финансии во следните децении. Доколку владите не ги измената, системите на социјална заштита најверојатно ќе станат неодржливи“, се истакнува во соопштението на S&P, аналитичарот на агенцијата Марко Мрсник, пренесува Reuters.Доколку владите не ги спроведат реформите, намалувањето ан рејтингот поврзано со трошоците за здравствената заштита веројатно ќе започне за три години и на крајот по 2020 година ќе резултира со поголем број земји чиишто државни обврзници ќе бидат прогласени за безвредни, предупредува агенцијата во својот најнов извештај од вторникот. Трошоците за здравствена заштита, веројатно ќе бележат највисоки стапки на раст во развиените земји чии системи за социјална заштита уште сега се на високо ниво, додека нивниот демографски профил нагло се влошува, предупредуваат од Standard&Poor’s.Демографските движења не се единствениот фактор кој ќе ги зголемува трошоците за здравственото осигурување и дури три две третини од нивниот прогнозиран раст може да ги генерираат поскапите технологии и пошироката покриеност на популацијата со здравствени услуги, го цитира агенцијата  во својот извештај резултатот од едно истражување спроведено од страна на Меѓународниот монетарен фонд (ММФ).Земјите од групата Г20 не можат да ги разрешат проблемите само со реформа на пензискиот систем, туку мораат да ги реформираат и системите за здравствена заштита, велат од Standard&Poor’s,Како што велат од агенцијата, сé уште не е предоцна земјите од групата Г-20 да почнат да го решаваат проблемот, но реформите со коишто би се сопрел растот на трошоците поврзани со стареењето на популацијата, мора да бидат поврзани со настојувањата до 2016 година да се избалансираат буџетите. Тоа би било доволно да се амортизира влијанието на растот на трошоците за здравствена заштита до 2050 година, сугерираат од Standard&Poor’s./крај/ро/мф/сн