Во средата на Волстрит берзанските индекси забележаа пад, како последица на неизвесноста во врска со грчката должничка криза, но и поради падот на акциите на Apple, најголемата светска компанија според пазарната капитализација.

Во средата на Волстрит берзанските индекси забележаа пад, како последица на неизвесноста во врска со грчката должничка криза, но и поради падот на акциите на Apple, најголемата светска компанија според пазарната капитализација. Индексот Dow Jones падна за 0,76 отсто на 12.780 поени, индексот S&P 500 за 0,54 отсто на 1.343 поени, додека индексот Nasdaq за 0,55 отсто на 2.915 индексни поени. Во текот на три ипол часовната телефонска конференција со министрите за финансии од земјите членки на еврозоната грчкиот министер Евангелос Венизелос, во средата навечер ги убедуваше своите колеги дека Атина пронашла дополнителни 325 милиони евра буџетски заштеди и ги исполнила и другите услови за да го добие вториот пакет меѓународна финансиска помош од 130 милијарди евра. Меѓутоа, министрите од еврозоната порачаа дека Грција мора да одговори на некои прашања, па одлуката за помош ја одложија до нивниот редовен состанок закажан за во понеделник. Тоа значи дека продолжува неизвесноста околу Грција, којашто ноже да банкротира доколку не добие барем дел од помошта до половината на март, кога за наплата и’ пристигнуваат обврзниците во висина од 14,5 милијарди евра. Банкротот на Грција лоши ќе влијае врз задолжувањата на другите презадолжени членки на еврозоната, па продолжува периодот на несигурност на пазарите. Поради тоа, во средата паднаа цените на акциите во девет од десетте сектори на индексот S&P 500 Само индексот во рударскиот сектор стагнираше. Од 30 акции, пак, во составот на индексот Dow Jones, само пет забележаа раст на цените, и тоа скромен.Во центарот ан вниманието на инвеститорите беше движењето  на акцијата на компанијата Apple. Нејзината цена во првиот дел од тргувањето достигна рекордни 526 долари, но подоцна забележа остар пад, па денот го заврши со загуба од 2,3 отсто, на 497 долари за акција. Инвеститорите беа загрижени од информацијата дека Apple побара од најголемиот интернет продавач Amazon да не го продава неговиот iPаd во Кина, бидејќи тамошна компанија по судски пат се обидува да го спречи продавањето на производите на Apple на пазарот на втората по обемот светска економија поради спорот околу името iPad.Инаку Apple соопшти дека Amazon не е авторизиран дистрибутер за iPad во Кина.Така, падот на акцијата на Apple значително влијаеше на индексот S&P 50, а особено на индексот Nasdaq во кој оваа акција има голема тежина./крај/ро/сн