Македонија планира во иднина да изврши подобрување на неколку патни правци во државата, при што одредени делници ќе се издаваат под концесија, а за една делница ќе се задолжува во меѓународни финансиски институции.

Македонија планира во иднина да изврши подобрување на неколку патни правци во државата, при што одредени делници ќе се издаваат под концесија, а за една делница ќе се задолжува во меѓународни финансиски институции.Претходниот обид за издавање на делниците, кои се дел од Коридорот 8, под концесија, со што обврската на концесионерот беше да изгради автопат, завршија неуспешно, бидејќи официјална понуда не пристигна и покрај тоа што првично дури 48 компании пројавија интерес за тендерот распишан од Министерството за транспорт и врски.Ресорниот министер Миле Јанакиески информираше дека економскиот совет при владата денеска ги разгледа можните варијанти за понатамошна изградба на патните правци кои беа дел од концесиите, при што се определиле приоритетите.„Во однос на патниот правец Гостивар-Кичево беше заклучено повторно да се оди со концесија, бидејќи согласно френкфенцијата на сообраќајот се смета дека ова делница е најповолна“, рече Јанакиевски.Тој информираше дека на патниот правец Кичево-Гостивар во блиска иднина нема да се гради автопат, туку истиот ќе се реконструира и ќе биде проширен во најголемиот дел за уште една дополнителна лента.„За патниот правец Скопје-Блаце одлучено е да се стапи во контакт со косовските власти и заеднички да се настапи пред меѓународните институции, пред се за давање под концесија, но доколку не успее концесијата, да се оди за обезбедување на средства“, рече Јанакиевски.Идентично како и кај делницата Кичево-Охрид, одлучено е да се постапи и за делницата Куманово-Деве Баир, која ќе се проширува и реконструира.„Одлучено е за патниот правец Миладиновци-Штип-Свети Николе да се оди со задолжување кај меѓународните финансиски институции“, рече Јанакиески.Тој додаде дека согласно проектната програма, изградбата на посочениот патен правец чини 250 милиони евра и изрази надеж дека парите ќе бидат обезбедени преку Европската банка за обнова и развој.Министерот за транспорт и врски истакна дека со тек на време јавноста ќе биде информирана за тоа како напредува процесот околу обезбедувањето на средства за наведените за планираното подобрување на патната инфраструктура. Предвидено е задолжувањето кај ЕБРД да не биде одеднаш, туку да се одвива етапно, односно по потребите што ќе ги диктира изградбата. /крај/со/ап/