Економија
С&П го намали рејтингот на Нокиа
Меѓународната рејтинг агенција Standard & Poor’s Ratings го намали долгорочниот корпоративен кредитен рејтинг на финската телекомуникацска компанијата „Nokia Oyj“ од „BBB“ на „BBB-“ и краткорочни рејтинг на компанијата од „А-2“ на „А-3“ .
Меѓународната рејтинг агенција Standard & Poor’s Ratings го намали долгорочниот корпоративен кредитен рејтинг на финската телекомуникацска компанијата „Nokia Oyj“ од „BBB“ на „BBB-“ и краткорочни рејтинг на компанијата од „А-2“ на „А-3“ со негативна перспектива за нејзиниот рејтинг, објави во петокот агенцијата на својата интернет страница .„Дејствието за рејтингот ја одразува слабата профитабилност на одделите за производство на паметните телефони и кои произлегуваат од ревизијата на основната оцена за показателот на профитабилноста на компанијата Nokia во целина во 2012 година“, се наведува во соопштението на S&P.Агенцијата смета дека стратешкото партнерство на компанијата со Microsoft би можело да помогне таа да ја подобри конкурентската позиција на одделите за производство на паметни телефони на среден рок.„Негативната прогноза ја одразува веројатноста за намалување на рејтингот на компанијата во наредните две години, во случај на влошување на финансиските перформанси на одделот за уреди и услуги (Devices & Services), додава агенцијата.Кон крајот на јануари финската компанијата објави дека во 2011 година остварила голема загуба, што во најголем дел се должи на лошиот резултат во последниот квартал, поради падот на продажбата на мобилните телефони.За цела 2011 година, Нокиа остварила загуба од 1,2 милијарди евра, додека во претходната година компанијата имала нето добивка од 1,8 милијарди евра.Во четвртото, пак, тромесечје од минатата година, Нокиа имала загуба од 1,07 милијарди евра, додека во последното тромесечје од 2011 година имала добивка од 745 милиони евра.Вкупните приходи на компанијата за целата година изнесувале 38,66 отсто, што е пад за девет отсто, додека во периодот октомври-декември бил остварен приход од десет милијарди евра, што е за 21 отсто помалку на годишно ниво.Компанијата Nokia Oyj е специјализирана за производството на мобилни телефони и развој на софтвер за мобилни телефони, како и мрежна опрема. Бројот на вработените е повеќе од 123 илјади луѓе, а нејзините производи се продаваат во 160 земји. Групацијата кон крајот на 2011 година имаше вкупно 130 илјади вработени, вклучувајќи ги и оние во Nokia Siemens.Во првата седмица од февруари, пак, Nokia објави дека планира да укине уште четири илјади работни места во нејзините фабрики во Финска, Унгарија и Мексико, во рамките на напорите да ги намали трошоците за префрлување на работите во склопувањето на смарт телефоните во Азија, а претходно издаде соопштени во коешто наведува дека работните места ќе се укинуваа етапно во текот на 2012 година, а се разгледува работењето на компанијата уште од 2011 година, кога го најави затворањето на погонот во Романија.Компанијата, исто така, наведува во соопштението дека во април минатата година најавила кастрење на вкупно 7.000 а во септември и на уште други 3.500 работни места. Нејзината филијала за мрежна опрема Nokia Siemens, во ноември најави откази за 17 илјади работници./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.