Економија
Лаптоп со соврешени перформанси од Dell

Компанијата Dell понуди нов производ на пазарот, лаптоп со совршени перформанси. Со користењето на алуминиумот Dell ја намали тежината и создаде нов модерен модел на компјутер.
Компанијата Dell понуди нов производ на пазарот, лаптоп со совршени перформанси. Со користењето на алуминиумот Dell ја намали тежината и создаде нов модерен модел на компјутер.
Самата изработка на лаптопот делува доста цврста и беспрекорна.
Конфигурацијата Intel i5 со Turbo-Boost кој може да достигне до 3ghz со своите 6gb RAM има дури и премногу работна меморија за секојдневна употреба. Dell конструирал и вградил харддиск од 500gb кој е речиси стандарден за денешните лаптопи.
Тежината на лаптопот од само 1.98 кгр во практиката се покажува како одлично решение. Богатата опрема којштоа за почнува со вргадениот оптичкиот уред, е една од огромните предности пред другите конкурентски противодители и му додаваат тежина на самиот лаптоп.
Секако, на лаптопот има SD-card слот на левата страна заедно со приклучоци за слушалки и микрофон. На задниот дел, пак, има приклучоци за LAN, HDMI и DisplayPort, како и два USB приклучока. На десната страна се наоѓа оптичкиот уред и индикатор и копче коштое при притискање го покажува моменталниот капацитет на батеријата.
Една од најдобрите компоненти на лаптопот на Dell е тастатурата со копчиња како чоколадца (chocolate style) којашто има и заднинско осветлување. Самото пишување на тастатурата преставува вистинско задоволство.
Аудио квалитетот е стандарден за лаптоп од оваа категорија на професионални лаптопи. LED екранот во почетокот прекрасно, но корисниците не треба да ги вознемири доколку се појави рефлексија. Тоа значи дека работат на поголема амбиентална светлина.
При секојдневната употреба на лаптопот, според тестирањата на стручни лица, е и предобар за стандарден корисник. Едитирањето на фотограиите е брзо, гледањето видео до 1080p е одлично, иако големината на екранот не може да придонесе за комплетно доживување на видеото. Сепак, двојниот графички излез дозволува приклучување на ТВ и тогаш може да се почувствува целосниот потенцијал на видеото.
Ваква конфигурација може да се најде и за пониска цена. Цена од 900 евра го прави малку скап, но за перформасите и кавлитетот се исплати. Корисниците коишто го тестирале се пожалиле на премногу pop-up боксови кои ве прашуваат дали сакате да се регистрирате за програмите на Dell или McAfee. кои се дел од софтверскиот пакет на лаптопот. Преголема бука се јавува од вентилаторот кој е инсталиран, но имајќи предвид дека воопшто не и’ попречува на потрошувачката на батеријата, може да се каже дека лаптопот е идеален за работа на отворено./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Објавен јавен повик за надомест на трошоци за одржување на висински пасишта и ливади и поддршка на традиционално сточарство

Денеска е објавен Јавниот повик 08/2025 за доставување на барање за исплата на средства од Програмата за финансиска поддршка на рурален развој за 2025 година.
Поддршката е наменета за надомест на трошоци за одржување на висински пасишта и ливади и поддршка на традиционално сточарство, со цел зачувување на руралните подрачја и промовирање на одржливо земјоделство.
Право на поддршка имаат земјоделски стопанства регистрирани согласно Законот за земјоделство и рурален развој во Единствениот регистар на земјоделски стопанства при Министерството за земјоделство, шумарство и водостопанство.
Висина на поддршката:
• 100% од исплатената просечна нето-плата во период од 1 јануари 2024 година до 31 декември 2024 година, како трошок за чување и напасување на добитокот (овци, кози и/или говеда) на пасишта и ливади, односно регистрирани одгледувалишта кои се наоѓаат во населени места со надморска висина еднаква или повисока од 700 метри;
• 60% од исплатената просечна нето-плата во период од 1 јануари 2024 година до 31 декември 2024 година, како трошок за чување и напасување на добитокот (овци, кози и/или говеда) на пасишта и ливади, односно регистрирани одгледувалишта кои се наоѓаат во населени места со надморска висина пониска од 700 метри.
Услови за доделување:
• 1 вработено лице на 150 овци;
• 1 вработено лице на 100 кози;
• 1 вработено лице на 50 говеда, но не повеќе од 620.000 денари по вработено лице.
Задржување на истиот број вработени најмалку една година по исплатата.
Барањата со потребната документација потребно е да се поднесат најдоцна до 30.07.2025 година.
Економија
Божиновска: Македонија ја гради новата енергетска мапа на Балканот

Македонија влегува во клучна фаза на трансформација на енергетскиот систем, земјата не само што вложува во стабилноста и модернизацијата на сопствената мрежа, туку стана активен играч во регионалното поврзување и енергетската интеграција, изјави министерката за енергетика, Сања Божиновска.
Според неа, со новите интерконектори, стратешките трансформаторски станици и инвестициите во паметна енергетска инфраструктура, државата го поставува курсот кон енергетска независност и улога на регионален енергетски коридор.
Божиновска најави дека во следните денови официјално започнува изградбата на гасниот интерконектор со Грција.
„Интерконекторот е долг 68 километри, ќе пренесува не само природен гас, туку и водород, остварена e заштеда од 12 милиони евра и ќе биде изграден од македонска компанија – директна корист за домашната економија“, рече таа.
Во меѓувреме, додаде Божиновска, Македонија и Србија направија значаен исчекор кон ново енергетско поврзување – минатата недела се потпиша Меморандум за соработка меѓу НОМАГАС и Србијагас за изградба на интерконектор меѓу Клечовце и Врање, со вкупна должина од 70 километри, од кои 23 километри ќе бидат на македонска територија. Во рамки на проектот ќе се изградат и мерни станици од двете страни на границата. Студиите за изводливост и за влијание врз животната средина се веќе во тек, со поддршка од Инвестициската рамка за Западен Балкан (WBIF).
„Преку овие две стратешки поврзувања, Македонија се позиционира како нова транзитна точка за природен гас на релација Југ – Север, односно од ТАП гасоводот и ЛНГ терминалот во Александруполис кон Србија и Средна Европа, со капацитет до 3 милијарди нормални метри кубни годишно. Ова е директна поддршка на енергетската диверзификација на целиот регион, со зголемена употреба на гас од различни извори“, рече таа.
Изградбата на 400/110 kV врската Охрид – Елбасан, пак, ќе го заокружи електроенергетското поврзување на Македонија со сите соседни држави – стратегиски проект за цел регион.
„Ова е новата сила на македонската енергетика. Со регионалните интерконектори, Македонија веќе не е само краен потрошувач – станува активен учесник во преносот и стабилноста на енергетиката во Југоисточна Европа. Ова е патот кон сигурна енергија, економска отпорност и стратешка позиција на енергетската карта на Балканот. Македонија ја гради новата енергетска мапа на Балканот.“, вели министерката за енергетика, рударство и минерални суровини Сања Божиновска.
Економија
Министерката Димитриеска-Кочоска ќе учествува на 4. меѓународна конференција за финансирање на развојот во Севилја

Министерката за финансии Гордана Димитриеска- Кочоска заедно со претседателката Гордана Сиљановска-Давкова од денеска ќе престојува во работна посета на Кралството Шпанија.
Министерката Димитриеска-Кочоска ќе се обрати на Тркалезна маса „Leveraging private business and finance“ во рамки на 4. Меѓународна конференција за финансирање на развојот (FfD4), којашто под покровителство на Организацијата на Обединетите нации ќе се одржи во Севиља.
На Конференцијата, на којашто е најавено учество на педесетина шефови на држави и влади, министри, претставници на меѓународните организации, на бизнис заедниците и граѓанското општество, треба да биде усвоен „Договорот од Севиља“.
Целта на лидерскиот собир е изнаоѓање на решенија за справувањето со финансиските предизвици во исполнувањето на Целите за одржливиот развој и Агендата 2030, реформирање на меѓународната финансиска архитектура и поттикнување на инвестиции од страна на приватниот сектор.
Во рамки на посетата, предвидено е претседателката Сиљановска-Давкова да одржи билатерална средба со премиерот на Шпанија, Педро Санчез, а на средбата ќе присуствува и министерката Димитриеска -Кочоска.