Првата група од 120 туристи од Холандија преку аранжманите на тур-операторот „Арке травел – ТУИ“ денеска со чартер лет пристигна во Охрид, со што и официјално започна стартот на новата летна туристичка сезона.

На аеродромот „Св.Апостол Павле“ гостите  со погача, сол, но и торта и вино ги поздравија министерот за економија Ваљон Сараќини и амбСараќини ги пречека првите холандски туристи во Охридасадорката на Кралството Холандија во Скопје, Мариет Схурман. Посакувајќи им добредојде, министерот Сараќини на гостите им порача за време на нивниот престој тука колку што е можно повеќе да ја запознаат Македонија, нејзините убавини, а своите импресии да им ги пренесат на нивните пријатели кога ќе си заминат дома. Сараќини во изјава за медиумите нагласи дека напорно ќе се работи оваа година да биде зголемен бројот странски туристи, како и дека оваа сезона на охридскиот аеродром се очекува седмично да се реализираат девет летови со туристи. „Според договорите и информациите што ги имаме со туроператорите, само од земјите од Бенелукс очекуваме во Охрид дневно да престојуваат 700 туристи. Оваа година се планира само од Холандија да има над 14 илјади туристи“, рече Сараќини заблагодарувајќи се на Амбасадата на Кралството Холандија во Скопје за успешната промоција на Македонија како атрактивна туристичка дестинација. Амбасадорот на Холандија Мариет Схурман потсети дека преку вакви чартер летови минатата година Македонија ја посетија 22 илјади гости од Холандија. „Некои од туристите кои за првпат дојдоа во Македонија минатата година со еден од чартер летовите, се вратија и годинава, и според тоа може да заклучиме дека уживале во престојот овде. Луѓето од Македонија се една од главните причини, затоа што се многу дружељубиви, љубезни и одлични домаќини. Холанѓаните се чувствуваат овде како дома, затоа што имаме многу заеднички карактеристики – отвореноста, работливоста и желбата за уживање во животот. Секако дека туристите доаѓаат овде и поради нештата што ги нема во Холандија, како планините и снегот“, рече Схурман. Туристите од Бенелукс, пред се’ оние од Холандија, кои беа најбројни гости во Охрид од западните земји во 80-ите години на минатиот век, после три децении минатата година првпат повторно организирано летуваа во Македонија. Интересот на туристите за македонската туристичка понуда, нивните позитивни искуства, резултираа со зглолемување на бројот закупени легла од страна на туроператорите и зголемување на бројот чартер летови од Холандија за оваа 2012 година. /крај/со/ап/