Економија
Македонците најмногу штедат во денари
Интересот на домаќинствата за штедење во денари во последно време континуирано расте, а на крајот од вториот квартал од годината депозитите во домашна валута и официјално станаа најбројни.
Како што информираше во четвртокот Народната банка на Македонија на крајот од вториот квартал од 2012 година депозитите во денари ја зазедоа главната позиција во валутната структура на депозитите, со учество од 50,7 отсто. Ваквата состојба се должи на растот на довербата кај граѓаните во домашната валута, но и на повисоките каматни стапки што ги нудат комерцијалните банки за штедење во денари.Советот на Народната банка на денешната седница го разгледа и усвои Извештајот за банкарскиот систем на Република Македонија за вториот квартал, при што беше заклучено дека банкарскиот сектор е стабилен.Остварената добивка е повисока за 70,8 отсто во однос на добивката остварена во истиот период од претходната година, за што придонесе не само поголемиот износ на ослободената исправка на вредноста, туку и повисокиот нето каматен приход и подобрувањето на оперативната ефикасност на банките, стои во соопштението.Кредитите кон приватниот сектор на квартално ниво бележат пораст, што условило само за умерено намалување на ликвидната актива со која располагаат банките. Ликвидната актива го задржа високото учество во вкупната актива од 30,2 отсто. Зголемувањето на кредитите кон приватниот сектор и зголемувањето на вложувањата во државни хартии од вредност придонесоа за пад на вложувањата во благајнички записи.Кредитниот ризик на кој се изложени банките, искажан преку стапката на нефункционални кредити, се намали во вториот квартал, поради зголемената наплата преку преземање на обезбедувањата. Солвентноста на банкарскиот систем, изнесуваше 17,4 отсто.Советот на Народната банка беше информиран и за најновите макроекономски движења, при што беше заклучено дека продолжувањето на неизвесноста во однос на кризата во евро-зоната услови продолжување на неповолните тенденции кај економската активност. Со оглед на високата трговска интегрираност на македонската економија во евро-зоната, слабите економски остварувања и полошите прогнози за евро-зоната и понатаму упатуваат на намалена странска ефективна побарувачка за македонски производи и релативно послаба економска активност. Показателот за инфлациските движења во септември е повисок во однос на проекцијата, во услови на побрз раст на цените на храната од очекуваниот. Имајќи предвид дека растот на инфлацијата произлегува од фактори од страната на понудата, не се очекува дека тој ќе делува врз движењата на девизниот пазар. Народната банка најавува дека редовно ги следи економските движења и доколку оцени дека има потреба, соодветно ќе реагира. НБМ информира дека изврши либерализација во однос на доставувањето на документацијата потребна за издавање дозвола за менувачки работи и во однос на дополнителните услови коишто треба да ги исполни менувачот за да започне со вршење менувачки работи. Се предвидува дека олеснувањата за овластените менувачи ќе овозможат поголема ефикасност на оваа дејност на посредување. /кра/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ поскап дизел
Регулаторната комисија за енергетика, водни услуги и услуги за управување со комунален отпад донесе Одлука со која се врши зголемување на малопродажните цени на нафтените деривати во просек за 0,46 % во однос на одлуката од 16.12.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,841%, кај дизелот има зголемување за 1,628%, кај екстра лесното масло зголемувањето е за 1,794% и кај мазутот намалувањето е за 0,485%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,5411%.
Од 24.12.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 76,50 (денари/литар)
Моторен бензин ЕУРОСУПЕР БС – 98 79,00 (денари/литар)
Дизел гориво ЕУРОДИЗЕЛ БС (Д-Е V) 71,00 (денари/литар)
Масло за горење Екстра лесно 1 (ЕЛ-1) 70,50 (денари/литар)
Мазут М-1 НС 45,823 (денари/килограм)
Малопродажните цени на бензините ЕУРОСУПЕР БС-95 и на ЕУРОСУПЕР БС-98 не се менуваат.
Малопродажната цена ЕУРОДИЗЕЛ (Д-Е V) се зголемува за 0,50 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 1,00 ден/лит.
Малопродажната цена на Мазутот М-1 НС се зголемува за 0,058 ден/кг и сега ќе изнесува 45,823 ден/кг.
Напоменуваме дека ова се максималните цени на нафтените деривати од 00:01 часот на 24.12.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Економија
Уште два дена за поднесување на ДДВ-04 пријавите
Управата за јавни приходи ги потсетува даночните обврзници кои имаат обврска да поднесат ДДВ – 04 пријави, дека рокот за поднесување на истите истекува во среда на 25 декември 2024 година. До денес, од вкупно 7.397 очекувани ДДВ 04 пријави, поднесени се само 1.831 пријава, што претставува само 24,75% од вкупниот број.
Остануваат уште 5.566 ДДВ- 04 пријави кои треба да се поднесат во преостанатите два дена.
Според податоците, најголем процент на поднесени ДДВ- 04 пријави е забележан во РД Тетово, додека најмалиот процент се забележува во РД Битола.
„Не го одложувајте процесот! Поднесете ги вашите ДДВ – 04 пријави на време и избегнете непотребен стрес или санкции. Покажете одговорност и усогласеност во вашето деловно работење и бидете пример за одговорни даночни обврзници. Уште денес, поднесете ги сите потребни документи до вашите сметководители со цел навремено изготвување на ДДВ – 04 пријавите и доставување во рокот“, велат од УЈП.
За дополнителни информации или поддршка, може да се обратите во Контакт центарот на:
Е-пошта: [email protected]
Телефонски броеви:
📞 Од фиксна линија: 0800 33 000
📞 Од мобилен телефон: 02 3253 200
Економија
Финтек-иднината пристигна: MINT Fintech Group со нова апликација и ребрендирање
MINT Fintech Group, еден од лидерите во финтек секторот во Македонија, вчера во Офицерски дом во Битола, свечено го прослави својот 8-годишен јубилеј.
Настанот, кој обедини водечки личности од деловниот и светот на финансиите, беше посветен на ребрендирањето на компанијата и премиерата на нејзината револуционерна мобилна апликација.
Новата апликација на MINT Fintech Group, нуди интегрирано решение кое ги обединува најважните финансиски услуги, како што се плаќања, осигурување, програми за лојалност, туристички услуги и менувачки курсеви, сето тоа на едно место. Со својата едноставност и современ дизајн, апликацијата овозможува максимално корисничко искуство и транспарентност.
На настанот се обрати генералниот директор на MINT Fintech Group, Никола Јошевски, кој ја истакна важноста на оваа нова фаза за компанијата:
„Со ова ребрендирање и лансирање на апликацијата, ние не само што воведуваме нова технологија, туку создаваме екосистем кој ќе ги редефинира финансиските услуги во Македонија. Нашата цел е да бидеме партнери на клиентите во секој аспект од нивните финансиски потреби, нудејќи им безбедност, удобност и брзина како никогаш досега.“
На свеченоста беа претставени клучните предности на апликацијата и персонализирани понуди за корисниците. Посетителите имаа можност да погледнат и изложба „Патот на парите, од праисторијата до денес” и да ги истражат временските епохи од првите монети до апликацијата.
За MINT Fintech Group
Основана пред осум години, MINT Fintech Group стана симбол на иновации во финансискиот сектор во земјата. Со тим од посветени професионалци и модерна технолошка платформа, компанијата продолжува да воведува нови стандарди на пазарот, поставувајќи ја основата за финансиските услуги на иднината.
(ПР)
Ова беше година на револуционерни реформи, не потклекнавме на обидите за политички притисок, рече претседателот на Уставниот суд
Претседателот на Уставниот суд, Дарко Костадиновски денеска одржа прес-конференција на која даде свое осврт за 2024 година, од аспект на...
(Видео) По тротинети ќе се изнајмуваат и електрични автомобили
Министерството за енергетика рударство и минерални суровини и министерството животна средина и просторно планирање, денес објавија чекор напред кон одржлива...
(Видео) Се одбројуваат денови до отворање на ски-центарот „Михајлово“, граѓаните предлагаат доживотен мандат за градоначалникот Јанчев
По интензивните врнежи од снег во Михајлово, се одбројуваат деновите за отворање на скијачкиот центар, напиша градоначалникот на Кавадарци, Митко...
(Видео) Курто Дудуш ги повика скопјани Новата година да ја дочекаат во Шуто Оризари: „Данела има недостиг на идеја“
Градоначалникот на Шуто Оризари ги повика скопјани на 31 декември да дојдат на плоштадот во општината најавувајќи богата музичка програма....
Пронајден скопјанец: прегазил жена, па се обидел да избега
Вчера во 09.15 часот во СВР Скопје било пријавено дека на крстосница од ул.„Македонско- косовска бригада“ и ул.„Св. Прохор Пчински“...
МЕПСО го раскина договорот со изведувачот на проектот за 400 kV интерконекција помеѓу Македонија и Албанија
АД МЕПСО информира дека е раскинат договорот со „Енергоинвест“ ДОО Сараево, Босна и Херцеговина, изведувач на изградбата на 400 kV...
ДУИ бара ревизија на приватизацијата: Владата да ги стави интересите на граѓаните пред оние на олигарсите
Јасно е дека олигарсите кои ја заробија државата објавија војна на еднаквоста и на принципите на еднакви можности за сите...
СДС тоне според рејтингот, но се обидува да го спаси и заштити Груби, велат од ВМРО-ДПМНЕ
„СДС со секој изминат ден тоне во сопственото политичко мочуриште, СДС се губи на политичката мапа а рејтингот им е...
„Измамата со кошничката се гледа во маркетите – повисоки цени наместо пониски“, велат од СДСМ
„Зголемените трошоци за живот се претворија во сериозен товар за македонските семејства. Наместо да се намалат цените сега се зголемија....
Утрово, најладно во Берово, најмногу снег на Попова Шапка
Утрово најладно било во Берово каде што се измерени -7 степени, -6 се измерени во Попова Шапка, -5 во Скопје-Петровец,...
Сопругата на Асад побара развод, не сака да живее во Москва
Сопругата на соборениот сириски претседател Башар ал Асад, Асма ал Асад, поднесе барање за развод откако во Москва изрази незадоволство...
Ранетата учителка од „Пречко“ закрепнува: „Со телото спасила можеби 10 животи“
Незапаметената трагедија во петокот ја шокира, ја разбесни и најмногу ја растажи Хрватска, но и многу соседни земји. 19-годишен млад...
(Видео) Српската полиција: На протестот имаше помалку од 30.000 луѓе; Архивата на јавните собири: Имаше 2-3 пати повеќе
Архивата на јавни собири во Србија објави проценка колку луѓе учествувале на протестот што се одржа вчера на белградскиот плоштад...
Мал авион се урна во шума во Мексико, најмалку седум загинати, објавени фотографии
Најмалку седум лица загинаа во падот на мал авион синоќа во шумска област во западната мексиканска држава Халиско. „Авион Цесна...
(Видео) Се урна мост во Бразил: едно лице загина, сулфурна киселина заврши во реката
Мост кој поврзува две бразилски провинции на северот на земјата се урна синоќа, при што загина најмалку едно лице, а...
Студен бран со врнежи од дожд и снег
Под влијание на циклонска активност и студена воздушна маса од север времето денеска ќе биде облачно и студено со врнежи...
(Видео) Мицкоски: Ако Груби бил чист како солза, немало да бега
Ако Артан Груби бил чист како солза, немало да има потреба да биде бегалец од правдата, туку ќе дојде тука...
Водата во Скопје е санитарно исправна и може непречено да се користи, велат од Водовод
Секторот Санитарна контрола на ЈП Водовод и канализација Скопје на ден 22.12.2024 година изврши вонреден мониторинг на водоснабдителниот систем на...
(Фото+видео) Медицински хеликоптер падна врз болница во Турција, има загинати
Најмалку четири лица загинаа кога хеликоптер на брза помош падна врз болница во Турцијa. Несреќата се случила во градот Мугла,...
(Фото) Одреден притвор за мажот кој со автомобил влета на божиќен пазар во Германија, познати се нови детали за нападот
Мажот обвинет за убиство на четири жени и деветгодишно момче удрирајќи со автомобил во нив на божиќен пазар во германскиот...
