Економија
Економскиот дел од извештајот на ЕК најпозитивен до сега
Дел од извештајот на Европската комисија за напредокот на Македонија, кој што се однесува на економијата, е еден од најпозитивните, а можеби е и најпозитивниот што Македонија го добила досега.
Ова беше констатирано на Тркалезната маса што во вторникот во Скопје на организираше Европската бизнис асоцијација, со цел да се отвори дебата за економскиот напредок.
Според вицепремиерот за економски прашања Владимир Пешевски, можеби главната причина за позитивниот извештај се должи на фактот што Македонија покажа поголема дисциплина на фискален план од поголем број на членки на ЕУ.
„Македонија, која не е членка на ЕУ, успеа со добрите политики што ги спроведуваше, поуспешно да се справи со кризата, отколку некои членки на ЕУ. Тоа е доказ дека Македонија ако стане членка на ЕУ, ќе биде фактор на стабилност внатре, наместо фактор на нестабилност“, рече Пешевски.
Тој истакна дека Македонија во моменти на европска должничка криза, одржува ниска инфлација, надворешниот долг е на релативно ниско ниво и е меѓу најниско задолжени држави, што веројатно е една од причините за промена во гледањето од страна ЕУ.
„Тоа е она што и дава на Македонија за право да биде малку погласна во своите барања, да биде малку поубедлива и нашиот збор да тежи малку повеќе, отколку порано, бидејќи покажуваме дека зрелоста на државата да се справи со вакви состојба дури и кога не е членка на ЕУ, е поголема, отколку способноста на некои држави и влади кој што се членки да се справат со сопствената криза“, рече Пешевски.
Тој се согласи со констатациите дека е нормално да има и негативни забелешки, но изрази уверување доколку некои постоечки членки на ЕУ поминат низ ваков извештај, ќе добијат понегативни оценки од Македонија.
„Тоа секако не треба да ни биде утеха, туку укажува дека имаме уште работа. Тоа го знаеме сите добро. Невработеноста останува највисок приоритет или најгорлив проблем“, изјави Пешевски.
На дебатата присуствува и претставниците на трите стопански комори во Македонија кои истакнаа дека имаат дадено свој придонес за тоа извештајот да биде позитивен.
Извршниот директор на Сојузот на стопански на Македонија, Митко Алексов предложи, како што рече, три носечки столба, за кои смета дека ќе придонесат за подобар амбиент.
„Продолжување со активностите и реформите за подобрување на деловната клима во земјата, иако имаме постигнато значителен напредок во овој дел, сметаме дека тоа не е категорија, туку дека состојбите се менуваат со тек на време и мора да бидеме постојано фокусирани во овој дел“, рече Алексов.
„Вториот дел, кој е многу битен пред се за малите и средените претпријатија е креирање на Македонија во пазар сам за себе. Преку самиот раст на малите и средни претпријатија ќе се овозможи пораст на потрошувачката. Преку ова ќе се обезбеди намалување на невработеноста, која е едно од негативно оценетите сегменти, а ќе се придонесе и за подобрување на стандардот на населението“, рече Алексов.
Тој појасни дека третиот столб е подобрување на производствениот и извозниот капацитет преку окрупнување на компаниите, формирање на разни видови на кластерско здружување на претпријатија, со што ќе подобри нивната конкурентност и иновативност.
Претставник на Стопанската комора на Македонија Љубица Нури оцени дека извештајот генерално покажува сумарно е напредок, но кога ќе се анализираат поглавјата, за четири од нив не се воопшто задоволни, во шест е постигнат напредок, а останатите се со умерен напредок.
„Потребно е да се направи преиспитување на стратегијата на приоритетите и да се размислува регионално, односно да се обезбедат оние поглавја што ќе обезбедат слободен проток на стоки, капиталот и работна сила. Земјите во регионот да направат скрининг и да тргнеме паралелно во трансформација на тие области дури и со Црна Гора, за да дојдеме до единствен економски пазар, што би поттикнало и инвестиции и трансфер на технологија, технички развој и вработувања“, изјави Нури.
Претседател на Комората на северозападна Македонија, Мендерес Кучи смета дека фокусот не треба да биде на тоа колку закони донесуваме, туку колку тие се применливи во пракса и се почитуваат од страна на институциите и тие на кои се однесуваат.
„Иако добиваме редовно позитивни оценки од ЕК во пракса работите не ни се такви како на хартија. И тоа автоматски генерира нешто што е за сомнеж зошто покрај позитивните вреднувања што би требало да значи прогрес, од друга страна економијата во државата не е аналогна на тоа што се презема, изјави Кучи.
Вицепремиерката за евроинтеграции Теута Арифи, повеќе се осврна на политичкиот дел од извештајот и побара целиот овој елан и ентузијазам кој го покажуваме сега како општество да биде поддржан не само од страна на Комисијата на ЕУ, туку и од земјите членки на ЕУ. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Лоши прогнози за германската економија
Германската економија ќе падне за 0,2 проценти оваа година оставајќи ја земјата во рецесија, според новите прогнози на Германскиот економски институт (IW). Германија е силно погодена од трговскиот конфликт предизвикан од царините на американската влада, објасни IW.
Глобалната неизвесност ги обесхрабрува бизнисите да инвестираат и тоа придонесува за падот, а со тоа и големите купувања, како што се нови машини и возила. Високите оперативни трошоци во Германија дополнително ја комплицираат ситуацијата.
IW заклучува дека Германија, со домашен бруто-производ (БДП) кој се намалува за 0,2 проценти во 2024 година ќе остане во рецесија.
Најголемиот ризик за глобалната економија оваа година, според IW, е трговската политика на САД. Без царинските политики на САД, глобалното економско производство во 2025 година можеше да биде повисоко за 0,8 проценти, соопшти институтот.
Перспективите за индустрискиот и градежниот сектор остануваат мрачни. Се очекува индустриските компании да генерираат помала додадена вредност оваа година по падот од 3 проценти во 2024 година. Високите цени на енергијата, зголемувањето на платите и зголемената регулатива вршат дополнителен притисок врз бизнисите.
Градежните компании, по пад од 3,7 проценти во 2024 година, продолжија да се соочуваат со дополнителни ограничувања оваа година, при што високите трошоци за изградба предизвикани од регулативата продолжуваат да го попречуваат секторот.
IW исто така забележа дека овие трендови сега влијаат на пазарот на трудот, при што бројот на вработени се намалува од средината на 2024 година. До летото бројот на невработени би можел да достигне три милиони, бројка што не е евидентирана од 2010 година, велат економистите.
Раководителот на одделот за макроекономски истражувања на IW, Михаел Гремлинг, изјави дека новата германска влада има можност да го промени трендот посочувајќи на планираниот посебен инфраструктурен фонд што би можел да помогне во стимулирањето на економијата.
Економија
Димитриеска – Кочоска во Брисел: Реформите остануваат клучни за конкурентноста на европската економија
Целосна имплементација на новиот Закон за буџети и спроведување прудентна фискална политика преку усвојување конкретни мерки за фискална консолидација, намалување на дефицитот, зајакнување на ефикасноста на прибирање на приходите во буџетот, се дел од препораките за РС Македонија од заедничките заклучоци од овогодинешниот 11-ти по ред Економски и финансиски дијалог меѓу ЕУ и земјите кандидати за членство на кој учествуваше министерката за финансии Гордана Димитриеска-Кочоска.
„Усвоените заеднички заклучоци во рамки на дијалогот коишто се однесуваат на зајакнување на фискалното управување, имплементирање на капиталните инвестиции, зајакнување на оперативноста на даночната администрација и следење на фискалните ризици, се во линија на реформите предвидени како со реформската агенда, така и со Програмата за реформи во управувањето со јавните финансии“, рече министерката за финансии.
Таа додаде дека во услови на глобална економска нестабилност, фискалната политика е насочена да одговори на неизвесностите присутни во глобалната и домашната економија. Притоа, додаде, имајќи предвид дека фискалниот простор е ограничен како резултат на последователните кризи, фискалната политика е исправена пред предизвикот за постигнување фискална консолидација, но истовремено и финансирање иницијативи коишто го поддржуваат растот.
„Во услови на геополитички турбуленции и трговска војна, ние треба да им овозможиме на нашите компании да се развиваат преку креирање динамична деловна средина која ќе го ослободи нивниот потенцијал за раст. Значајно за приватниот сектор е подготвеноста на нашите влади да обезбедат квалитетна даночна политика, квалитетна инфраструктура, расположива и квалитетна работна сила, пристапна енергија, помал административен товар и правна рамка којашто ќе овозможи креирање на регионални ланци на снабдување. Она што ние како креатори на политики и носители на одлуки треба да размислиме и одлучиме е како да се креира динамично деловно окружување кое ќе им помогне на нашите компании брзо да се прилагодат на сегашната остра конкуренција на глобалниот пазар“, рече министерката за финансии.
Во таа насока, таа потенцира дека Владата е посветена на трансформативни реформи во земјата фокусирани на дигитална трансформација, одржлива енергетска транзиција, јакнење на човечкиот капитал, јакнење на владеењето на правото и подобро управување со јавните финансии, коишто области се во фокусот на реформската агенда на земјата.
Според учесниците, Економскиот и финансиски дијалог, и понатаму ќе игра значајна улога во постигнување на пошироките цели на добро управување и економски просперитет, и се сoгласија дека дијалогот треба да продолжи да игра централна улога во утврдување на заедничките насоки за политики за поддршка на одржлив среднорочен економски раст и постепено усогласување со економските критериуми за пристапување во ЕУ. Учесниците нагласија дека клучна улога за остварување на напредок е спроведување на заедничките заклучоци, како и програмите на економски реформи и реформските агенди .
Дискусијата на годинешниот Економски и финансиски дијалог беше фокусирана на конкурентноста на Европа во контекст на сегашните геополитички случувања и потребата за поедноставување на правната рамка со цел намалување на административниот товар врз компаниите. За да може економијата да креира раст и работни места, во услови на трговска војна, на компаниите треба да им се овозможи да ја зајакнат конкурентноста преку инвестиции и иновации.
На годинашниот Економски и финансиски дијалог во Брисел учествуваат министрите на тековното и двете последователни претседателства со Советот на ЕУ, претставници на земјите членки на ЕУ, претставници на Европската комисија, Европската централна банка, Европска инвестициска банка, како и министрите за финансии и гувернерите на централните банки од земјите на Западен Балкан, Турција, Грузија, Молдавија и Украина.
Економија
Бислимоски: Oд 1 јуни ќе бидат на располагање дополнителни 500 GWh, со кои ќе може да се тргува на слободниот пазар во Косово, одлична бизнис-можност
Од 1 јуни македонските снабдувачи и трговци со електрична енергија ќе имаат можност да снабдуваат нови 1.000 потрошувачи од косовскиот пазар, каде што почнува дополнителната фаза на либерализацијата на пазарот со електрична енергија. Ова беше повод Регулаторната комисија за енергетика, водни услуги и услуги за управување со комунален отпад (РКЕ) да иницира состанок на кој косовскиот регулатор пред македонските снабдувачи и трговци ги презентира чекорите како полесно да пристапат на пазарот кај нив.
„Откога ги презедовме сите неопходни активности како регулатори и извршивме заемно признавање на лиценците за снабдување и трговија, сега сакаме компаниите да ги мотивираме да ја искористат оваа можност. Поголем пазар носи поголема конкуренција, а бенефитот е пониски цени за електрична енергија. Сега, за помалку од еден месец, односно од 1 јуни, ќе бидат на располагање дополнителни 500 GWh, со кои ќе може да се тргува на слободниот пазар на Косово и ова е одлична бизнис-можност за наште снабдувачи и трговци“, посочи Марко Бислимоски, претседател на РКЕ.
Претседателот на косовскиот регулатор, Канцеларијата на енергетскиот регулатор од Република Косово (ЕРО), Имер Фејзулаху, им посака добредојде на македонските снабдувачи истакнувајќи дека тие имаат повеќе искуство со оглед на тоа дека македонскиот пазар е одамна либерализиран.
„Ова е само меѓучекор кон приклучување кон единствениот пазар што го бара од нас Европската Унија. Во прилог на сите ни е да има намалени административни бариери, а зголемена конкуренција“, изјави Имер Фејзулаху од ЕРО (Канцеларијата на енергетскиот регулатор од Република Косово) (Energy Regulatory Office).
Со цел да се зголеми конкурентноста на пазарите во двете држави, РКЕ и ЕРО во 2023 година потпишаа меморандум за соработка со кој заемно се признаваат лиценците за снабдување и тргување со електрична енергија.
Мелони и Ердоган разговараа за претстојните руско-украински преговори во Истанбул
Италијанската премиерка Џорџа Мелони телефонски разговараше со турскиот претседател Реџеп Таип Ердоган за преговорите за прекин на огнот во Украина,...
Силен земјотрес го погоди грчкиот остров Крит
Земјотрес со магнитуда од 6,1 степен го погоди островот Крит во Грција во средата, објави ЕМСЦ. Според објавените информации, земјотресот...
ИК на ВМРО-ДПМНЕ: Мицкоски да предложи нови кадровски решенија, одењето на Таравари значи паѓање на уште една маска
Извршниот комитет на ВМРО-ДПМНЕ одржа седница на која се дискутираше за актуелната економска и политичка состојба во државата Во рамки...
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест
„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат...
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
(Видео) Манасиевски: Таравари се интересира само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци, кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
