Укинување или намалување на царинските стапки репроматеријали за резерви автомобилски делови, полиетиленски фолии, алатни машини, железнички товарни вагони и автобуси, најави во неделата македонската влада.

Овие укинувања и намалувања како директна поддршка на пет стопански гранки ќе стапат на сила стануваат од први јануари 2013 година.Вицепремиерот и министер за финансии Зоран Ставрески на денешната пресконференција истакна дека ова мерка се прави во функција на подобрување на условите за стопанисување на домашните производители, развој на индустријата и поголем извоз на странските пазари.“Преку значително намалување и укинување на царинските стапки  Владата директно ќе им помогне на пет-шест сектори што се значајни за македонската индустрија,  кои во вакви околности кога се соочуваат со предизвиците на европската и светската економска криза  и очекуваат поддршка од Владата.  Како и досега излегуваме во пресрет  и продолжуваме со мерки што се добри  за стопанството бидејќи значат помало оптоварување на фирмите“,  рече Ставрески. Тој информираше дека се укинува стапката од 15 отсто за облоги и плочки за кочници, фрикциони производи и други делови од нетемперирано леано железо со цел да им се помогне на фирмите кои произведуваат автомобилски делови.Во металопеработувачката индустрија за над 105 производи, пред се алатни машини, се намалуваат стапките кои  досега изнесуваа пет отсто  повеќе. Намалување на царините ќе има и за транспортниот сектор со цел обнова  на возниот парк и намалување на трошоците на  транспортните компании, а се намалуваат и царините за автобусите и минибусите од прва категорија од 10 проценти на 5 проценти, додека царините за автобусите и минибусите од втора категорија се намалуваат од 15 на пет отсто. Царините за вагоните и цистерните пак, кои досега изнесуваа четири отсто, сега се укинуваат, како директна поддршка за компаниите од транспортниот сектор во патниот и железничкиот сообраќај.Измени има и кај царинските стапки за фолии од полиетилен, што делумно се употребуваат во прехранбената индустрија и во графичката индустрија кај копир апаратите, каде се укинува целосно стапката што досега изнесуваше шест отсто.Директорот на Царинската управа на Македонија, Ванчо Каргов информира дека фискалните импликации  од намалувањата изнесуваат околу 30 милиони денари на годишно ниво. “Ќе продолжиме и  понатаму да согледуваме кои се местата во оваа област за да се продолжи со намалување и елиминирање  на царинските стапки, пред се за зголемување на конкурентноста на нашето стопанство и истовремено да не се оштети некој друг сектор што веќе постои во македонија“, рече Каргов. /крај/со/ап/