Министерот за економија Ваљон Сараќини и градоначалниците на општините од северозападна Македонија во вторникот одржаа заеднички работен состанок, на кој се разговараше за можностите за спроведување на реформите во рамките на општинските институции.

Посебен акцент бил ставен на соработката на општините со комората, соработката со дијаспората, промоција на инвестиции, како и користење на фондовите на Европската Унија во регионот на северозападна Македонија, а се’ со цел поголем економски развој на локалните економии.„Навистина сум задоволен што овие средби веќе бележат континуитет, што иницијативата на Комората на Северозападна Македонија се претвори во партнерство, преку кое деловните субјекти, градоначалниците и државните институции имаат можност поблиску да соработуваат, да ги решаваат предизвиците во ’од, да ги доближат новитетите едни пред други и да си помогнат меѓусебно со цел побрз економски развој“, истакна Сараќини, Тој информираше дека со цел полесно изнаоѓање на средства за поедини проекти и добивање на целосна поддршка од државните институции, Министерството за економија иницираше отворање на Канцеларии за поддршка на бизнисот. Најпрво во Кичево, каде тим од министерството одржува повремени средби со бизнисмените, потоа Арачиново и во Струга. Вакви канцеларии ќе се отворат и во други општини, каде што ќе се почувствува потреба од поддршка, како во однос на добивање на вистинската информација во право време, што за бизнисот значи пари, така и за техничка поддршка при аплицирање со проекти за искористување на други фондови, меѓу кои и европските. „Кога сме веќе кај европските, односно ИПА фондовите, тие нудат многу силни можности за развој на општините и тоа во сите нивни пет компоненти, за поттикнување на регионален развој, рурален развој и за прекугранична соработка. Покрај ИПАРД-от, кој најмногу ги засега земјоделците, за бизнисмените и општините е посебно важен инструмент е ИПА – Компонента 2, со примена од 2014 до 2020 година“, информираше Сараќини.Мендерес Кучи, претседател на Стопанската комора на Северозападна Македонија, истакна дека барањата на општините се конкретни и дека нивниот стратешки партнер е токму локалната самоуправа.Во однос на тоа како се искористува дијаспората во рамки на локалниот развој, Кучи нагласи дека потенцијалот на истата е голем, но не е доволно искористен, а проблем за тоа, според него, се законските одредби кои или не се почитуваат, или имаат двојно толкување./крај/