Економија
Македонија го усогласува платниот промет со европските стандарди
Модерен, ефикасен, брз и стабилен систем за платен промет, со поголемо прифаќање на безготовинските плаќања, зголемување на ефикансноста на надворешните плаќања и создавање на услови за лесно приклучување кон платните системи во Единствената европска платежна област.
Ова се дел од целите на Стратегијата за развој на платниот промет на Република Македонија за периодот 2013-2017 година, што во вторникот во Скопје ја потпишаа гувернерот Димитар Богов, вицепремиерот и министер за финансии Зоран Ставрески и претседателот на Здружението на банкарство Ѓорѓи Јанчевски.Развојот на националниот платен систем во наредниот петгодишен период е насочен кон задоволување на потребите на корисниците на платежните услуги што произлегуваат од промените во деловните процеси, кон примена на последните технолошки достигнувања и кон натамошно усогласување на работењето со меѓународните и европски стандарди и правила, се вели во заедничката изјава.„Со стратегијата се дават насоките кои што треба да се движиме во унапредувањето на платната инфраструктура на Република Македонија и во овој период треба да направиме значителен напредок кон онаа платна инфраструктура и начинот на функционирање на платните системи во Европската унија“, изјави гувернерот Богов. Според него, потпишувањето на Стратегијата покажува добро ниво на меѓуинституционална соработка каде што беа вклучени, повеќе институции од финансиската сфера и е пример како треба да се продолжи со работа и понатаму.Вицепремиерот Ставрески истакна дека реформата на платниот систем била една од најуспешните реформи спроведени во Македонија во изминатите десетина година. „Со новата национална стратегија, којашто денеска ја потпишавме, продолжуваме во насока на модернизација на платните системи во Република Македонија, нивно усогласување со европските стандарди, намалување на безготовинското плаќање, настојуваме да овозможиме да се намалат и цените за платежните услуги, “изјави Ставрески. Тој оцени дека самиот факт дека со денешното потпишување учествуваат трите главни чинители покажува дека постои висок степен на координација и во делот на дефинирање на стратегиските цели и во делот на оперативните инструменти за нивна реализација.Претседателот на Здружението на банкарство Ѓорѓи Јанчевски оцени дека денешното потпишување е еден логичен пат од далечната 2000 година кога почна спроведување на реформскиот закон за платен промет.„Ова значи дека не останавме на тоа ниво, туку како што се развиваше Република Македонија ние правевме надоградба на тој закон, и дојдовме од едно ниво да имаме сигурен, стабилен платен систем во кој банките се носители’, рече Јанчевски.Тој изрази уверување дека Стратегијата ќе придонесе да се надминат некои надминат некои сериозни ограничувања кои ги имале банките, пред се во платниот промет со странство.Стратегијата за развој на платниот промет на Република Македонија за периодот 2013-2017 година е насочена кон осум клучни приоритетни области.Првата насока е правната рамка, односно усогласувањето со законодавството во ЕУ. Втората насока е унапредување на платежната статистика и усогласување со методологијата на платежната статистика на Европската централна банка.Третата насока се системите за плаќање, порамнување и клиринг на трансакциите во државата, при што се предвидува анализа и постепена примена на меѓународните европски стандарди и правила за работа.Четвртото поглавие од Стратегијата е наменето за интерниот платен систем за државните органи и институции, при што ќе се посвети поголема функционална поврзаност со другите платни системи во земјата и вклучување на податоците на платежната статистика.Во петтата насока, надворешните плаќања, се предвидува зголемување на ефикасноста преку постепено укинување на обврската на банките да известуваат за платните трансакции со странство за потребите на статистиката за билансот на плаќања.Со шестата насока, надзор на системите за плаќање и порамнување, Стратегијата предвидува натамошно усогласување со меѓународната методологија и стандардите за работа на платните системи и системите за порамнување на хартиите од вредност.Последните две насоки се наменети на зголемување на безготовинските плаќања и јакнењето на институционалните капацитети./крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.