Економија
ЕУ без договор за ликвидации на банките

Министрите финансии на земјите членки Европската унија не успеаја ноќта кон саботата да постигнат договор за заедничките правила за спасување или ликвидација на банките.
„Повторно ќе се сретнеме во среда“, изјави францускиот министер Пјер Московици, по состанокот во Луксембург кој траеше 18 часа. Додаде дека на состанокот биле изминати „90 отсто од патот“ и дека „договорот е блиску“.
Министрите за финанси на земјите членки на ЕУ настојуваат да постигнат договор за заедничките правила за ликвидации на банките кои ќе се најдат во проблеми без тоа да падне на товар на даночните обврзници. Веќе претходно одредија кој би требало да плати во случај на спасување или ликвидација на некоја банка и по кој редослед: први акционерите, потоа најслабо осигурените доверители, а по нив, доколку биде потребно, сопствениците на ткн сениор обврзници и како последно – штедачите, односно они е со депозити поголеми од 100 илјади евра.
Меѓутоа, земјите членки на ЕУ се поделени по ова прашање во две групи, чии ставови ирското претседателство со Унијата не успеа да ги приближи.
Во првата група се Франција, Велика Британија, Италија и Шведска кои сакаат одредена флексибилност во решавање на поединечните случаи. Париз сака, во некои околности, да може да ги заштити индивидуалните штедачи и малите и средни претпријатија.
Другата група земји, во којашто се Германија, Холандија, Финска и др., бараат најстроги можни правила за да се избегне несигурноста којашто би можела да предизвика бегство на инвеститорите и штедачите. Сакаат, исто така, во иднина за тие цели повеќе никогаш да не бидат употребувани јавните пари.
Постигнувањето на овој договор е клучен за воспоставување банкарска унија. Доколку не биде постигнат, можеби нема да има доволно време за конечно усвојување на законот до мај 2014 година, кога се одржуваат изборите за новиот состав на Европскиот парламент./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Во јуни годишен раст од 12,9 отсто на вкупните депозити и од 13,0 отсто на вкупната кредитна поддршка

Анализирано на годишно ниво, вкупните депозити бележат раст од 12,9%, којшто во поголем дел произлегува од зголемувањето на депозитите на секторот „домаќинства“.
На годишна основа, вкупните кредити бележат раст од 13,0% како резултат на растот на кредитирањето кај двата сектора, со поизразен придонес на корпоративниот сектор, извести Народната банка.
Најновото соопштение за монетарните движења е достапно на линкот.
Економија
Пониски цени на бензините од полноќ

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,42 % во однос на одлуката од 14.7.2025 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,559%, кај дизелот за 0,837%, кај екстра лесното масло за 0,048% и кај мазутот намалувањето е за 1,882%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,650%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Малопродажната цена на Мазутот М-1 НС се намалува за 0,314 ден/кг и сега ќе изнесува 40,158 ден/кг.
„Напоменуваме дека ова се максималните цени на нафтените деривати од 00:01 часот на 22.7.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
ВМРО-ДПМНЕ: Една година нема проблем со откуп и со висина на откупна цена на земјоделски производи

ВМРО-ДПМНЕ реагира на прес-конференцијата на Трајан Димковски, претседател на Комисијата за земјоделство, шумарство и водостопанство на СДСМ.
„СДС имаше неисплатени субвенции од 2021 година па навака. Кога дојде ВМРО-ДПМНЕ на власт, ги исплати сите заостанати субвенции и продолжи со редовна исплата.
За разлика од времето на СДС, сега субвенциите се исплаќаат редовно и завршуваат кај вистинските земјоделци.
Веќе една година нема проблем ниту со откупот ниту со висината на откупната цена, напротив, имаме досега највисоки откупни цени и за тутунот и за грозјето и за пченицата и за раноградинарските култури.
Пченицата се откупува сега за 12 денари, а министерството ќе покрие и други трошоци на земјоделците.
Откупните цени на винското грозје за 2025 година, поконкретно за Вранец се 21.3 денари, а за Смедеревка 18.9 денари.
МЗШВ нема скратено средства за земјоделците. Тоа е одлика на СДС, кога не им ги исплаќаа субвенциите и ги оставаа со празни раце, па си делеа тендери и фотелји меѓу нив.
Земјоделците јасно го имаа искажано револтот кон СДС, а го искажаа и сите останати граѓани“, стои во реакцијата на ВМРО-ДПМНЕ.