Контакт

Економија

Словенија најдобра, Македонија на четврто место по квалитет на услуга

Објавено пред

Македонија втора година по ред е на последно место по дополнителна продажба и заблагодарување на купувачите, покажа најновото истражување за квалитет на услуга.

Во Македонија вкупниот резултат за квалитет на услуга е подобрен во споредба со претходната година, меѓутоа се уште не можеме да се вратиме на високото второ место кое беше постигнато во 2011 година. Старите навики тешко се искоренуваат, па така повторно сме последни по дополнителна продажба и заблагодарување на купувачите.

Иако Македонија се наоѓа на истото, четврто место, како и лани, вкупниот резултат за квалитет на услуга бележи пораст од 67,70 отсто на 70,95 отсто, односно за 3,25 процентни поени. Оваа година Словенија повторно се враќа на првото место со 76,74 отсто, додека Хрватска падна за една позиција, на второ место со 75,85 отсто. Пред Македонија се наоѓа и Србија со 72,32 отсто, додека на дното на табелата се Црна Гора и Босна и Херцеговина со 66 отсто односно 65,80 отсто.

Најчесто поздравуваат Хрватите (83,96%), а најмалку Црногорците (61%). Во Србија се најдобри во утврдување на потребите (75,50%), додека во Босна и Херцеговина се најслаби во оваа категорија (53,33%). Во Црна гора вработените најдобро ги познаваат производите кои ги продаваат (100%), додека во Босна и Херцеговина овој резултат е најслаб (81,88%). Дополнителни производи најмногу се нудат во Словенија (50,52%), додека најмалку во Македонија (38,30%). Во заблагодарувањето на купувачите се најдобри Хрватите (86,39%), а најслаби Македонците (60%).

Најдобри резултати во Македонија се постигнати во автомобилските салони со над 80 отсто исполнетост на стандардите. На второ место е туризмот и угостителството, следени од банките на трето и телекомуникациските провајдери на четвртото кои забележаа резултати од 80 отсто и пониски.

Под 70 отсто е услугата на бензинските станици и во малопродажните објекти, додека супермаркетите се стандардно најслаби во поглед на услугата со под 60 отсто.

Истражувањето е спроведено од 17 мај до 22 јуни 2013 година, од SWOT Research во соработка со агенциите за Mystery shopping од регионот, петти пат по ред.

Целта на ова истражување е да се подигне свеста за важноста на квалитетот на услугата, како и да се истакнат најдобрите во регионот.

Истражувањето беше спроведено во шест земји од регионот, Словенија, Хрватска, Босна и Херцеговина, Србија, Црна Гора и Македонија.

Во рамки на проектот, тајните купувачи посетија вкупно 800 различни објекти – автомобилски салони, туристичко – угостителски објекти, банки, малопродажни објекти, телекомуникациски компании, бензински станици и супермаркети. При посетите, се обрнуваше внимание на петте основни елементи на добра услуга: поздрав, утврдување на потребите/желбите на купувачите, познавање на производот, нудење дополнителен производ и заблагодарување за посетата. Според англискиот збор GUEST (гостин) за Greet, Understand, Explain, Suggest, Thank.

Во последните пет години како се спроведува GUEST истражувањето, може да се забележи дека вкупните резултати за квалитет на услуга се движат од 65% до 80%. Со текот на годините, забележителен е благ пораст во свесноста за важноста да се пружи добра услуга на купувачите./крај/со/бб

Економија

Извршниот директор во ММФ: Централната банка дејствуваше соодветно за време на кризата, но неопходно е внимателно следење на инфлациските движења

Објавено пред

Централната банка, како професионална и независна институција дејствуваше соодветно за време на корона-кризата со мерки за поддршка, што придонесе за одржување на целокупната стабилност“ – истакна Пол Хилберс, извршен директор во Меѓународниот монетарен фонд за Конституенцата во којашто членува нашата земја. Тој додаде дека „тековната поставеност на монетарната политика е соодветна, но неопходно е внимателно следење на инфлациските движења“.

Овие констатации беа дадени за време на Годишните средби на Меѓународниот монетарен фонд (ММФ) и Светската банка, на кои учествуваше тимот на Народната банка предводен од гувернерката, Анита Ангеловска-Бежоска. Оваа година, како и минатата, средбите се одржуваат виртуелно поради пандемијата.

Извршниот директор Хилберс посочи и дека одржувањето на независноста на Народната банка е висок приоритет и дека ММФ ја цени стручноста и истрајноста на раководството и стручниот тим на Народната банка, особено во напорите да се надминат ефектите на корона-кризата.

„Народната банка спроведе политики и неуморно работеше заедно со централните банки од Европската Унија за надминување на негативните ефекти предизвикани од корона-кризата. ММФ оддава особено признание за овие залагања. Професионалноста, стручноста и посветеноста се на највисоко ниво кога станува збор за одлуките што ги спроведува Народната банка. Исто така, даваме целосна поддршка за мерките на монетарната политика за одржување на макроекономската и финансиската стабилност“ – нагласи извршниот директор.

За време на состаноците, посебно внимание им беше посветено на најновите проекции на ММФ, што укажуваат на натамошно закрепнување на македонската економија, во услови на поволно надворешно опкружување, поголема доверба и стимулативните мерки од политиките. Проекциите укажуваат и на намалување на инфлациските притисоци и стабилна надворешна позиција на економијата.

Гувернерката Ангеловска-Бежоска посочи дека Народната банка внимателно ги следи економските случувања и потврди дека економските изгледи се во согласност со очекувањата на ММФ. Таа истакна дека со оглед на целокупната неизвесност предизвикана од пандемијата на ковид-19, Народната банка и понатаму внимателно ќе ги следи сите показатели, вклучително и движењето на цените и инфлациските очекувања. Централната банка е подготвена да реагира доколку е потребно.

Министерот Фатмир Бесими, кој го предводи тимот на Министерството за финансии, исто така учествуваше на Годишните средби на ММФ и Светската банка.

Прикажи повеќе...

Економија

Владата: Продолжува да расте просечната месечна нето-плата

Објавено пред

Во согласност со податоците на Државниот завод за статистика, просечната месечна исплатена нето-плата од вработен во август 2021 година изнесува 28.642 денара.

Тоа значи зголемување од 4 % во однос на истиот месец минатата година, поточно за 1.107 денари. Зголемување на просечната нето-плата е регистрирано и во однос на јули годинава кога платата изнесувала 28.540 денари, соопшти Владата.

Зголемувањето, како што образложуваат од таму, се должи, пред сѐ, на зголемување на просечната месечна исплатена нето-плата од вработен во секторите: објекти за сместување и сервисни дејности со храна (15,1 %), уметност, забава и рекреација (14,2 %) и други услужни дејности (13,5 %).

Во согласност со статистиката, највисока просечна нето-плата е регистрирана во секторот информации и комуникации, потоа следуваат финансиски дејности и дејности на осигурување.

„Податоците на Државниот завод за статистика го потврдуваат трендот на раст на платите, кој е резултат на економските мерки и политики што ги спроведува Владата за раст на просечната и на минималната плата. Доколку последниот податок го споредиме со август 2017 година кога просечната плата била 22.912 денари, разликата е 5.730 денари“, пишува во владиното соопштение.

Од таму додаваат дека се посветени на реализација на стапките на економски раст од 4-5 % и покачување на платите за 20 до 30 отсто сѐ со цел подобрување на стандардот на граѓаните и економијата во земјата.

Прикажи повеќе...

Економија

Хоџа: Успешно завршен проектот „Поддршка за развој на земјоделските задруги“

Објавено пред

Mинистерот за земјоделство, шумарство и водостопанство, Арјанит Хоџа, присуствуваше на завршен настан по повод затворањето на проектот „Поддршка за развој на земјоделските задруги“. Завршниот настан се реализира во присуство на претставници од релевантни национални и меѓународни организации, институции, ѓраѓански организации, задруги, земјоделци и групи на земјоделци.

Проектот „Поддршка за развој на земјоделските задруги“ е од исклучителна важност за развој на задругарството во Република Северна Македонија. Финансиски е поддржан од Европската Унија, имплементиран од страна на CARE International и Македонската развојна фондација за претпријатија. Краен корисник се МЗШВ и сите земјоделци, информираат од Министерството.

На настанот поздравни обраќања имаа министерот Арјанит Хоџа, Константинос Супилас – програмски менаџер на делегацијата на ЕУ, Сумка Бучан – регионална директорка на CARE, Лазар Неданоски – извршен директор на МРФП и Сузана Димитриевска – претседателка на Македонската асоцијација на земјоделските задруги.

„Во изминатиот период Министерството направи сериозен исчекор во развојот и поддршката на задругарството. Земјоделците ги препознаа поддршката од државата и реалниот бенефит што го имаат од членството во задруги. Тие имаат можност да купуваат државно земјоделско земјиште, поволности при бодирањето за финансиска поддршка и можности за субвенционирана набавка на опрема и механизација, која ќе им го олесни производството и ќе придонесе за поголеми резулати во нивното работење. Исто така, достапни се европските фондови, набргу ќе почне и ИПАРД 3-програмата, со што се отвораат нови можности и нови средства на располагање“, изјави Хоџа.

Тој се заблагодари на поддршката што континуирано ја добиваме од Делегацијата на Европската Унија, како и на сите учесници во проектот.

Константинос Супилас – програмски менаџер на Делегацијата на ЕУ, изјави дека е многу задоволен што денеска одбележуваме завршување на уште еден проект, реализиран со поддршка од Европската Унија. Тој им се заблагодари на сите учесници што беа директно вклучени во процесот и кои заеднички ги постигнаа проектираните цели на проектот.

Вкупниот износ на проектот е 1,98 милион евра и има цел да се зголемат конкурентноста на пазарот и соработката меѓу земјоделците во земјата преку создавање поволни услови за развој на постојните и создавање нови земјоделски задруги.

Прикажи повеќе...

Најново

Македонија12 часа

Во Македонија 482 нови случаи на коронавирус, 12 починати

Во последните 24 часа во Македонија се потврдени 482 нови случаи на коронавирус, а 12 лица починаа, информира Министерството за...

Македонија18 часа

(Видео) Заев најави дека во вториот круг СДСМ ќе ги поддржи кандидатите на своите коалициски партнери

Премиерот Зоран Заев кажа дека во вториот круг од локалните избори СДСМ ќе ги поддржи кандидатите на своите коалициски партнери....

Свет19 часа

Русија се соочува со рекорден број починати и заболени со коронавирус – Путин донесе построги мерки

Во Русија, петти ден по ред, е поставен нов рекорд, 1.075 починати од Ковид-19 и 37.678 нови инфекции во изминатите...

Македонија19 часа

Две дози вакцина примиле 46 отсто од полнолетните граѓани, а 4.720 примиле трета доза

Во текот на вчерашниот ден аплицирани се вкупно 6.830 дози вакцини, од кои 638 се аплицирани како прва доза, 1.472...

Свет21 час

Австрија ги заострува мерките – воведува „локдаун“ за невакцинираните

Во Австрија од 1 ноември вработените ќе можат да доаѓаат на работа само доколку се вакцинирани, ако прележале коронавирус или...

Регион22 часа

Хрватските граѓани од денеска во САД можат да патуваат без визи

Од денеска на хрватските граѓани им е овозможено да патуваат во САД без виза, објави Американската амбасада во Загреб. Оваа...

Свет23 часа

Нови детали: На снимањето на филмот имало и други проблеми и инциденти

Пиштолот од кој актерот Алек Болдвин пукаше на снимањето на филм и ја уби директорката на фотографија, му го дал...

Македонија2 дена

Ангел Димитров: Сè потешко ми е да информирам за работата на заедничката комисија за историски прашања

Сè потешко ми е да ве информирам за работата на нашата комисија. Не сме во позиција бидејќи не се постигнати...

Македонија2 дена

Регистрирани 411 нови случаи на Ковид-19, пријавени се 4 починати лица

Министерството за здравство информира, во согласност со податоците од Институтот за јавно здравје, дека во последните 24 часа биле направени...

Свет2 дена

Вакцината на „Фајзер“ со ефикасност од 90,7 отсто кај децата на возраст меѓу 5 и 11 години

Неодамнешните истражувања покажаа дека вакцината на „Фајзер“ против коронавирусот е 90,7 проценти ефикасна во спречувањето симптоматски инфекции кај деца на...

Свет2 дена

(Видео) Емотивно во Брисел на последниот самит на Меркел – канцеларката испратена со овации

Лидерите на ЕУ собрани на самитот во Брисел со внатрешна церемонија се простија од Ангела Меркел, за која ова беше...

Економија2 дена

Лидерите на ЕУ бараат итни мерки против поскапувањето на горивата и струјата

Денеска, на самит во Брисел, лидерите на Европската Унија се согласија за серија мерки што на краток рок треба да...

Македонија2 дена

260 луѓе целосно вакцинирани починале од Ковид-19 од август до сега

Министерството за здравство ја објави анализата на вакцинирани, од позитивни случаи со Ковид-19, во период од 6 август заклучно со...

Топ2 дена

Скопјанец фатен со 45 килограми марихуана во Прилеп

Основното јавно обвинителство Прилеп отвори истрага против едно лице од Скопје, на возраст од 31 година, за неовластено производство и...

Свет2 дена

Алек Болдвин усмрти камерманка на снимање на филм со куршум од реквизит

Актерот Алек Болдвин (68) со куршум од реквизит ја застрела камерманката Халина Хачинс (42) и го повреди режисерот Џоел Соуз...

Регион3 дена

Во Србија над 7.000 новозаболени и рекордни 59 починати

Во последните 24 часа во Србија починаа 59 лица, а потврдени се 7.327 нови случаи на коронавирус. Според локалните медиуми,...

Македонија3 дена

Во Македонија потврдени 490 нови случаи на коронавирус, починаа 11 лица

Во последните 24 часа во Македонија се потврдени 490 нови случаи на коронавирус, а 11 лица починаа, информира Министерството за...

Топ3 дена

Жена загина во сообраќајна несреќа на патот Скопје – Тетово

Четириесет и петгодишна жена загина во сообраќајна несреќа што се случила утринава на патот Скопје – Тетово. Според информациите на...

Македонија3 дена

35 Авганистанци ја напуштија земјава и заминаа за Грција каде што ќе добијат траен престој

35-мина граѓани на Авганистан кои привремено престојуваа во Северна Македонија денеска заминаа за Грција, која им обезбеди трајно прибежиште, информираа...

Македонија3 дена

Единствениот лек против Ковид-19 ќе биде достапен и во Македонија

Министерството за здравство ја информира јавноста дека ќе го набави лекот „молнупиравир“, единствен лек против Ковид-19. Министерството стапило во контакт...

Досие