Економија
Промовиран Законот за индустриски-зелени зони
Законот за индустриски-зелени зони беше претставен во четвртокот во ЗЕЛС со цел единиците на локалната самоуправа да бидат информирани за можностите за развој на општините што овој закон ги носи.
Презентирајќи го законот, министерот за економија Ваљон Сараќини истакна дека истиот овозможува формирање на индустриски и зелени зони во единиците на локална самоуправа, со основна цел да се забрза економскиот развој на општината со привлекување странски и домашен капитал. „Без разлика дали основач на индустриската – зелена зона е Единицата на локална самоуправа или Владата, општините добиваат конкретни бенефиции како што се самостојно менаџирање и располагање со земјиштето, можност за економски раст и развој на локалната самоуправа, зголемување на можностите и интересот на потенцијалните инвеститори за инвестирање во Македонија како и зголемување на бројот на нови работни места”, потенцираше Сараќини. Со Законот за индустриски – зелени зони, покрај единиците на локалната самоуправа, бенефиции ќе имаат и деловните субјекти кои ќе започнат свој бизнис во зоните. Тие дополнително ќе бидат определени со подзаконските акти кои ќе ги донесат единиците за локална самоуправа.„Деловните субјекти градежното земјиште, кое е предмет на оттуѓување во општините ќе го добијат по почетна цена од едно евро во денарска противвредност по метар квадратен”, информираше СараќиниТој додаде дека како бенефиција за деловните субјекти ќе биде изградба на објекти на комунална инфраструктура со цел обезбедување на непречен пристап до зоната, поставување на водоводна, фекална и атмосферска канализација и друга инсталација која ќе го обезбеди основачот на зоната, општината или. Претседателот на ЗЕЛС и градоначалник на град Скопје Коце Трајановски, изразувајќи задоволство до соработката со Министерството за економија, истакна дека во овие индустриски зелени зони, се предвидени дејности од лесна и незагадувачка индустрија и дека инвеститорите ќе добијат можност за инвестиции во нови области, каде на транспарентен начин, може да си обезбедат земјиште кое е опремено со целата потребна инфраструктура.„Од неодамна, со измените во Законот за градење, намален е и временскиот период за добивање на одобрение за градба. Познато ви е дека од 1 јуни оваа година, постапката за добивање на дозвола за градба се врши единствено по електронски пат”, рече ТрајановскиТој додаде дека општините при спроведување на Законот за индустриски-зелени зони ќе ја добијат поддршката од ЗЕЛС токму преку реализирање на електронската аукција. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.