Економија
FAO: Светските цени на храната стагнирале во декември на високо ниво
Цените на храната речиси стагнирале во декември 2014 година на светските пазари, откако влијанието на поскапувањето на млечните производи го неутрализираше осетниот пад на цените на шеќерот и пониските цени на житарките и маслата за јадење, соопшти во четвртокот агeнцијата при Обединетите нации за храна и земјоделство FAO со седиште во Рим.
Така во декември индексот на кошницата на основните прехранбени производи изнесувал во просек 206,7 поени, во однос на 206,4, поени колку што изнесувал во ноември 2013 година, пресметале во FAO. Кошницата опфаќа житарки, месо, млеко и млечни производи, масла за јадење и шеќер. Во целата 2013 година цените на храната биел во просек пониски за 1,6 отсто отколку претходната 2012 година, објави агенцијата.
„Минатиот месец иднекост на FAO на цената на храната останал зголемен поради силната побарувачка на одредени, високопротеински категории прехранбени продукти, што го зголеми вкупното ниво на цените, надоместувајќи го падот на цените на главните прехранбени култури поради обилните минатогодишни жетви“, изјавил Абдолреза Абасиан, главен економист во FAO.
Цените на млекото и млечните производи во декември пораснале за 5,2 отсто во однос на ноември 2013 година, со просечна вредност на соодветниот индекс на FAO од 264,6 поени. Главната причина е постојан силната побарувачка на млекото во прав, во прв ред во Кина, И во целата 2013 година иднекост бележеше рекордна висока вредност од 243 поени.
Противтежа на осетното поскапување на млекото и млечните производи ја сочинувал 6,3-процентниот пад на цените на шеќерот во последниот минатогодишен месец во однос на ноември, поради добрите приноси од шеќерната трска во Бразил, најголемиот светски произведувач и извозник на шеќер. Дополнителен тег претставуваше и рекордното производство во Тајланд, вториот според обемот светски извозник. Во просек, индексот на FAO во декември изнесувал 234,9 поени. Во целата 2013 година цените на шеќерот паднаа за 18 отсто во однос на 2012 година.
Индексот на FAO за цените на житарките во декември изнесувал просечни 191,5 поени, што значи дека житарките поевтиниле 1,4 отсто во однос на ноември. Та е воедно и најниската вредноста на овој индекс од август 2010 година. Големите глобални резерви по рекордната жетва во 2013 година и натаму ги притискаа особено цените на пченицата и пченката. Во целата 2013 година индексот на цената на житарките во просек изнесувал 219,2 поени искажувајќи пад на цените во однос на 2012 година за 7,2 отсто.
Речиси ист процентен пад во декември како и житарките забележале и цените на маслата за јадења, намалувајќи се за 1,3 отсто во однос на ноември, со просечна вредност ана соодветниот индекс на FAO од 196 поени. Во целата 2013 година овој индекс изнесувал во просек 193 поени, во однос на просечните 224 поени од претходната 2012 година.
Индексот на цените на месото на FAO, пак, останал речиси непроменет во декември во однос на ноември 2013 годна и изнесувал 188,1 поен. Во целата мината година, се задржал во близина на рекордно високото ниво од претходната 2012 година и изнесувал во просек 184 поени./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
МФ: Јавниот долг на крајот на првиот квартал 58,6% од БДП
Министерството за финансии денеска ги објави податоците за состојбата на јавниот долг заклучно со 31 март 2024 година. Согласно објавените податоци јавниот долг изнесува 8.769 милиони евра што претставува 58,6% од БДП.
„Во првиот квартал се издадени државни хартии од вредност во износ од 219,2 милиони евра, повлечени се средства во износ од 175,5 милион евра по основ на склучени кредитни аранжмани со странски кредитори, како што е повлекувањето на втората транша од ММФ од кредитната линија за претпазливост и ликвидност и 57,6 милиони евра по основ заеми за јавни претпријатија и АД основани од државата и општините, општините во градот Скопје и Градот Скопје. При тоа извршена е и исплата на обврски по основ на главнина за надворешен долг во износ од 82,7 милиони евра“, соопшти МФ.
„Министерството за финансии ја објавува состојбата на јавниот долг на квартално ниво, а при пресметката на јавениот долг во однос на БДП се користени податоци за вредноста на БДП за период 2005 – 2024 година, за 2022 година користен е податок за вредност на БДП објавен на веб страната на Државниот завод за статистика, додека податоците за 2023 се прелиминарни податоци на Државниот завод за статистика, а 2024 година е проектирана вредност на БДП на Министерство за финансии.
Исто така, денеска согласно утврдената динамика, Министерството за финансии ги објави податоците за состојбата на државниот долг кој заклучно со 31 март 2024 година изнесува 7.544 милиони евра што претставува 50,4% од БДП. Состојбата на државниот долг се објавува на месечно ниво.
Министерството за финансии транспарентно ги објавува овие податоци на својата веб-страница. Последниот податок укажува дека јавниот долг е во дефинираните граници со новиот Закон за буџети. Со новиот Закон за буџети е воспоставено правило со кое јавниот долг не треба да надминува 60% од БДП, што е согласно и со Мастришките критериуми. Министерството за финансии останува на определбата за одржување на јавниот долг на стабилно ниво и во рамки на утврдените критериуми“, се додава во соопштението на МФ.
Економија
Забележителен раст на приходите, инвестициите и добивката на Реплек во првиот квартал од 2024 година
Со раст на оперативните приходи од 25%, на обемот на инвестиции и на добивката во првото тримесечје споредено со истиот период минатата година, „Реплек АД“ продолжи со успех да го реализира бизнис планот за 2024 година и својата долгорочна развојна стратегија која се темели на зголемување на продажбата на странските и на домашниот пазар, на иновациите во портфолиото на производи, како и на значителни вложувања во технолошкиот напредок и во развојот и добросостојбата на своите вработени.
Неревидираниот консолидиран финансиски извештај за работењето на Реплек АД во првиот квартал од 2024 година покажува дека во секторот фармација компанијата остварила раст на приходите од 26,9% во однос на истиот период минатата година. Во најголем дел ваквиот раст се должи на растот на приходите од продажба на странските пазари, каде се генерираат дури 80 % од вкупните приходи и кои во овој временски период се зголемени за 23 %, надминувајќи вредност од над пет (5) милиони евра. Позитивно влијание на ваквиот раст на приходите од извоз има отворањето на новиот пазар за производите на „Реплек АД“ во Туркменистан, што се очекува да придонесе за натамошно зголемување на извозните перформанси и резултати на компанијата.
Истовремено со растот на извозот, „Реплек АД“ продолжи да ја јакне и својата позиција на домашниот пазар, каде во Q1 2024 е остварен раст на приходите од продажба од 50 %, во споредба со истиот период лани.
Значителен раст во овој период од годината е забележан и кај инвестициите кои се зголемени приближно за пет и пол пати во однос на првите три месеци од 2023 година.
„Позитивните резултати на стартот на оваа година ни влеваат дополнителна енергија и мотив да продолжиме уште посилно во остварување на целите дефинирани во деловниот план за оваа година и во нашата стратегија за долгорочен одржлив развој. Остануваме посветени на инвестирањето во натамошна технолошка модернизација, како и на иновациите кои треба дополнително да збогатат нашето портфолио на производи, коишто веруваме дека ќе ни овозможат натамошно зајакнување на нашите позиции на домашниот пазар и ќе ни отворат нови можности и перспективи на странските пазари. Паралелно продолжуваме и со вложувањата кои треба да ја гарантираат натамошната добросостојба на нашите вработени. Веруваме дека ваквите напори ќе вродат со плод, ќе придонесат за натамошен раст на компанијата и ќе донесат дополнителна вредност за сите“, изјави главниот извршен директор на „Реплек АД“, Душан Пецовски.
Инаку, растот на приходите од продажба се одрази и на растот на консолидираната добивка пред оданочување на „Реплек АД“, која за првите три месеци од оваа година бележи зголемување за 24 % во однос на истиот период од минатата година.
(ПР текст)
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.