Контакт

Економија

Скромно темпо на вработување на САД на почетокот на годината

Објавено пред

Американските работодавачи отворија во јануари 113.000 нови работни места, што упатува на заклучок дека економијата потешко зема замав, иако стапката на невработеност се спушти на најниско ниво во последните пет години, покажаа податоците на министерството за труд објавени во петокот.

Министерството воедно ги ревидираше нагоре податоците за ноември и декември 2013 година, според кои во двата месеца биле отворени 34 илјади работни места повеќе во споредба со првичната проценка.Во приватниот сектор во првиот месец од годината биле отворени нето 142 илјади нови работни места, додека во јавниот сектор затворени се 29 илјади работни места.Бројот на вработени во производниот сектор зголемен е за 21 илјада, додека во малопродажбата е намален за 12 илјади. Градежниот сектор забележа раст на бројот на вработените за 48 илјади.Стапката на невработеност падна во јануари на 6,6 отсто, од 6,7 отсто колку што изнесуваше во декември, бележејќи пад трет месец по ред. Без работа во јануари биле 10,2 милиони Американци. /крај/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Технолошко индустриската зона во Гевгелија прва зелена и здравствена зона во земјава

Објавено пред

Технолошко индустриската зона во Гевгелија ќе стане првата “зелена“ инвестициска зона во земјава која ќе се фокусира на поддршка на зелените индустрии и ќе функционира како Јавно приватно партнерство. Во оваа зона за првпат се отвора можност и за инвестиции во здравствениот сектор. ТИРЗ ја изработи во партнерство со меѓународната консултантска компанија Deloitte.

„Отвораме можност за прва зелена и здравствена зона во Северна Македонија. Целосно го менуваме концептот на развој. Луѓето, земјата се ограничени ресурси и ќе извадиме најголема добивка за сите граѓани. Со овој нов модел се очекува да се вложат 120 милиони евра во инфраструктурата и развој на зоната во Гевгелија и да се поттикнат инвестиции во обем од 400, како и да се отворат над 3000 работни места. Со студијата и договорот за јавно-приватно партнерство поставуваме јасни и мерливи цели. Колку државата треба да заработи од еден метар квадратен земја што се дава. Не преку цена на продажба, туку преку реална економија што ќе се случува на тој метар квадратен. Од компании што ќе плаќаат данок на добивка, персонален данок и придонеси за вработените. Моделот предвидува земјиштето да го добие оној што ќе понуди највисоки приходи за државата, за граѓаните. Платите за прв пат во вакви договори за ЈПП имаат значајна улога. Ова е и тест на новиот концепт на ТИРЗ кој веќе не се базира на тоа дека Северна Македонија е земја на евтина работна сила, туку инвестициска дестинација за висококвалитетни инвестиции,“ порача Јован Деспотовски, директор на ТИРЗ.

Тој додаде и дека зоната во Гевгелија ќе се финансира преку моделот на новиот Зелен стратешки фонд кој се базира на инвестиции во проекти кои генерираат конкретни приходи за ТИРЗ и инвеститорите, а во исто време нема дополнително оптоварување ниту за буџетот, ниту за граѓаните.

Зоната во Гевгелија предвидува и можност за развој на здравствена економска зона, која би била прва ваква и во земјава, но и во регионот.

„ Идејата за здравствена зона произлезе од анализата и во консултации со Министерството за здравство. Државата ќе поддржи и инвестиции во напредни технологии во здравствениот сектор и здравствени услуги. Клучен аспект е близината на границата со Грција, којашто е сериозен пазар за овој сектор и отвора можност за значителни приходи и нови високо платени работни места,“ појасни Деспотовски.

Договорот за Јавно приватно партнерство за оваа зона треба да биде реализиран до крајот на 2022 година, а според студијата развојот ќе оди во три фази. Првата фаза опфаќа можност за наем на 50 хектари земја за кои концесионерот треба да изготви финансиска план, план за изградба, дизајн и одржување на зоната како и проекција на потенцијалниот приход за државата. Втората фаза на проширување на зоната со дополнителни 70 хектари, ќе зависи од успешната имплементација на првата фаза односно дали се постигнати цели за приход на државата по метар квадратен.

Студијата за изводливост ќе биде поднесена до Владата по што ќе започне реализација на процесот. Ова е дел од новиот пристап за развој на ТИР Зоните, а зоната во Гевгелија е пилот модел по кој ќе се развиваат и други вакви индустриски зони низ земјата.

Прикажи повеќе...

Економија

Развојна банка: 11 декември е краен рок за „Ковид 3” кредитната линија

Објавено пред

Развојната банка согласно задолжението од Владата и Анекс кон договорот за администрирање на фонд за микро и мали претпријатија, на својата веб-страница објави јавен повик со кој им се нуди можност на кредитокорисниците на кредити од третата бескаматна кредитна линија „Ковид 3“, да поднесат барање за продолжување на грејс-периодот и рокот на отплата на кредитите за 12 (дванаесет) месеци.

Согласно јавниот повик, компаниите треба да поднесат електронско барање до банката, кое може да се преземе од веб-страницата на банката. Барањето се прикачува електронски, на веб-форма објавена во самиот повик. Како услов за одобрување на барањето за дополнително утврдување на грејс – периодот и продолжување на рокот на отплата на кредитот е кредитокорисникот, пред поднесување на барањето, да ги има подмирено сите доспеани обврски по основ на главница и камата по кредит од кредитната линија од Фонд за микро и мали претпријатија (Ковид 3).

Поднесеното барање за дополнителен рок и грејс–период, не го елиминира правото во иднина да се поднесе барање за отпуштање на долгот од 30% од износот на кредитот, согласно утврдените критериуми наведени во договорот за кредит.

Јавниот повик и барањето за дополнителен грејс – период, како и упатството за поднесување на барањето се достапни на следниот линк.

Повикот важи заклучно со 11.12.2021 година, кога е и последниот ден за поднесување на барањата.

Прикажи повеќе...

Економија

За еден месец, гасот поскапел повеќе од 5 отсто, а лебот 3,8 проценти

Објавено пред

Кај гасот за домаќинствата, лебот и житото и кај туристичките аранжмани во ноември бил забележан најголем пораст на трошоците во споредба со еден месец претходно. Од друга страна, најголемо намалување на цените е забележано кај свежото и кај разладеното овошје и кај воздухопловниот патнички транспорт.

Според податоците на Државниот завод за статистика, индексот на трошоците на живот во ноември, во однос на претходниот месец, изнесува 100.7, а индексот на цените на мало изнесува 100.3.

Пораст на индексите на трошоците на живот во ноември 2021 година, во споредба со претходниот месец, е забележан кај лебот и житото – 3,8 отсто, прехранбените производи, неспоменати на друго место – 2,9 %, сирењето и урдата – 2,3 %, месото – 2,1 %, маслото и маснотиите – 1,9 %, шеќерот, џемот, медот, чоколадата и кондиторските производи – 1,8 %, виното – 1,3 %, рибата и морските плодови, пивото – 1,2 %, минералната вода, газираните пијалаци, соковите од овошје и зеленчук – 0,7 % и жестоките пијалаци – 0,3 %.

Во ноември исто така пораст на индексите на трошоците на живот е забележан и кај гасот за домаќинствата – 5,8 %, туристичките аранжмани – 3,9 %, чистењето, поправката и изнајмувањето облека – 3,2 %, горивата и мазивата за сопствени превозни средства, информатичката опрема за обработка на податоците – 3,1 %, стаклените садови, кујнскиот прибор и другата опрема – 2,3 %, услугите за одржување и поправките на живеалиштето – 2,1 %, поправките и изнајмувањето на обувките – 2,0 %, парамедицинските услуги – 1,9 %, течните горива за домаќинствата, патниот патнички транспорт, фризерските салони и центрите за разубавување – 1,7 %, домашните услуги и услугите за домаќинствата – 1,6 %, опремата за прием, снимање и репродукција на звук и слики, рестораните, кафулињата и слично, накитот, часовниците и рачните часовници – 1,3 %, мотоциклите, градините, растенијата и цвеќињата – 1,2 %, медицинските услуги, одржувањето и поправката на сопствените превозни средства – 1,0 %, материјалите за одржување и поправки на живеалиштето, услугите за рекреација и спорт, другите апарати и производи за лична хигиена – 0,9 %, поправките на мебелот, покуќнината и покривките за подот, другите лични предмети – 0,8 %, цврстите горива за домаќинствата – 0,7 %, теписите и другите подни покривки, малите електрични апарати за домаќинствата, фармацевтските производи, другите медицински производи, резервните делови и приборот за сопствените превозни средства, другото образование, електричните апарати за лична хигиена – 0,5 %, другите услуги поврзани со станот неспоменати на друго место, големите алатки и опрема, малите алатки и другите додатоци, терапевтските помагала и опремата, моторните возила, канцеларискиот материјал и материјалите за цртање – 0,4 %, текстилот за домаќинството, стоматолошките услуги, домашните миленици и сродните производи – 0,3 %, облеката, актуелните ренти исплатени од станари, услугите за сместување – 0,2 %.

Намалување на индексите на трошоците на живот во ноември 2021 година, во споредба со претходниот месец, е забележано кај свежото и кај разладеното овошје – 7,0 %, свежиот и разладениот зеленчук, освен компирите и другите коренести плодови – 0,8 % и млекото – 0,3 %.

Исто така, намалување на индексите на трошоците на живот е забележано и кај воздухопловниот патнички транспорт – 17,5 %, фотографската и кинематографската опрема и оптичките инструменти – 1,3 %, медиумите за снимање – 1,2 %, опремата за спорт, кампирање и рекреација на отворено – 1,0 %, обувките – 0,7 %, големите електрични апарати за домаќинство – 0,2 %.

Индексот на трошоците на живот во ноември 2021 година, во однос на ноември 2020 година, бележи зголемување од 4,8 %, а индексот на цените на мало бележи зголемување од 6,2 %.

Прикажи повеќе...

Најново

Економија19 минути

За еден месец, гасот поскапел повеќе од 5 отсто, а лебот 3,8 проценти

Кај гасот за домаќинствата, лебот и житото и кај туристичките аранжмани во ноември бил забележан најголем пораст на трошоците во споредба...

Македонија2 часа

Лажен оџа и неговите соработници осомничени за полов напад врз 9-годишно девојче и за измами во Гостивар

Основното јавно обвинителство Гостивар донесе наредба за спроведување истражна постапка против едно лице, кое лажно се претставувало како оџа и...

Македонија2 часа

Тетово привремено го укина јавниот превоз, од Општината велат дека претпријатието е во хаос

Јавниот автобуски превоз во Тетово е привремено стопиран по четири месеци. Општина Тетово како причини за прекинот го наведе работењето...

Македонија2 часа

Ангел Димитров: Република Северна Македонија не е подготвена да почне преговори за членство во ЕУ

Тешко е дека постои земја што повеќе од Бугарија би посакувала пристапување на Република Северна Македонија во Европската Унија. Но,...

Европа3 часа

Компанијата „Фајзер“ обвинета за ширење лаги за вакцината на „Астра зенека“, дури и дека предизвикува рак

Фармацевтскиот гигант „Фајзер“ е обвинет дека подмитувал експерти за да ја дискредитираат вакцината против Ковид-19 на „Астра зенека“, пренесуваат светските...

Македонија3 часа

Заев ги информираше коалиционите партнери за постигнатиот договор со Алтернатива

Претседателот на Владата, Зоран Заев имаше средба со лидери на партии од владината коалиција на која ги запозна со постигнатиот...

Свет3 часа

СЗО: Крвната плазма да не се користи во третманот на болните од Ковид-19

Крвната плазма земена од оздравени пациенти не треба да се користи во третманот на луѓе заболени од Ковид-19, а кои...

Свет5 часа

Путин и Бајден преку видеоврска за многубројни прашања

Рускиот и американскиот претседател, Владимир Путин и Џо Бајден, денеска ќе имаат виртуелен самит на кој ќе разговараат за многубројни...

Свет5 часа

САД ги предупреди граѓаните за Божик да не патуваат во Франција и Португалија

САД ги повикаа своите граѓани да избегнуваат да патуваат во десетина земји, вклучително и Франција и Португалија, поради зголемениот број...

Свет6 часа

(Видео) Силно невреме направи хаос на Хаваите – поплавени улици, откорнати далноводи

Силно невреме проследено со силен ветер и екстремно силен дожд денеска ги поплави патиштата и ги откорна далноводите на Хаваите....

Топ18 часа

Пронајдена лабараторија за производство на дрога во викендичка во Катланово

Лабораторија за производство на дрога е пронајдена во викендичка во с.Градмановци, Катланово. „Полициски службеници од СВР Скопје- Единица за недозволена...

Регион19 часа

Прв ковид-отказ во Хрватска, наставник одбил да се вакцинира и останал без работа

Прв отказ поради одбивање вакцина против коронавирус во училиште во Хрватска. Се работи за наставник од Техничкото училиште во градот...

Свет19 часа

Кортунов: Не е веројатен компромис помеѓу Бајден и Путин

Андреј Кортунов, претседател на рускиот совет за надворешни работи, кој е близок до Министерството за надворешни работи, рече дека двете...

Регион19 часа

Пропадна владината одлука – во Словенија нема да има задолжителна вакцинација

Словенечкиот Уставен суд пресуди дека владиниот декрет со кој се воведува задолжителна вакцинација за државните службеници е неуставен. Новото правило...

Македонија20 часа

Деспотовски ги покани Ковачевски и Ременски, заедно да ги презентираат програмите

Јован Деспотовски, еден од тројцата кандидати за лидер на СДСМ, ги покани другите двајца Димитар Ковачевски и Фросина Ременски заеднички...

Свет23 часа

Објавен документ на американските служби: Русите ќе ја нападнат Украина со 175.000 војници?

Не стивнуваат тензиите меѓу Москва, Киев и Вашингтон поради шпекулациите дека рускиот претседател Владимир Путин подготвува инвазија на Украина. Сега...

Македонија23 часа

Нови 101 случај на коронавирус, починаа 13 лица

Во последните 24 часа направени се 1.299 тестирања, а регистрирани се 101 нови случај на Ковид-19: Скопје – 59, Кавадарци...

Македонија1 ден

Димитар Ковачевски почна со презентација на програмата пред членовите на СДСМ

Актуелниот кандидат за претседател на Социјалдемократскиот сојуз, Димитар Ковачевски, пред членството на партијата во Општина Карпош ја презентира својата изборна...

Македонија1 ден

Ескобар: Работиме со европските партнери за брза интеграција на Северна Македонија во ЕУ

Со нашите европски партнери работиме за да обезбедиме брза европска интеграција на Северна Македонија, изјави американскиот заменик-помошник на државниот секретар...

Регион1 ден

Радев на консултации пред врачувањето на мандатот, Петков вели: „Неопходно е да се формира влада“

Времето на едноличната премиерска власт заврши, истакна бугарскиот претседател Румен Радев пред претставниците на „Промената продолжува“, а за време на...

Досие