Економија
Швајцарија го загрозува пристапот до европскиот пазар, предупредува Брисел
Брисел и упати предупредување на Швајцарија дека со изгласувањето на референдумот за ограничување на имигрантите од ЕУ, самата го загрозува пристапот до единствениот европски пазар на стоки и услуги, пишува Financial Times.
„Ние ги почитуваме демократскиот избор на швајцарскиот народ. Но четирите фундаментални слободи – слободно движење на луѓе, стоки, капитал и услуги се неделиви. Единствениот пазар не е швајцарско сирење. Не може да постои единствен пазар, исполнет со дупки во него“, изјавила потпретседателката на Европската комисија (ЕК) Вивијан Рединг.
Швајцарија не е членка на ЕУ, а таа веќе има воведено квоти за имигрантите од земји кои не се членки на Унијата, но според договорот потпишан во 1999 година, швајцарските и европските граѓани можат слободно да се движат на двете територии.
Сепак, со изгласувањето на иницијативата на ултраконзервативата Швајцарска народна партија (SVP), односно со поддршката на 50,3 проценти од гласачите, швајцарската влада сега ќе мора да ги зголеми квотите за да ги покрие и пристигнувањата на имигранти од земјите членки на ЕУ исто така.
Резултатите од гласањето најверојатно ќе предизвикаат и силен ефект низ Европа, каде расположението против имигрантите постојано се зголемува, пред сè во најголемите економии, како што е и случајот со Британија, пишува Financial Times.
Британскиот премиер Дејвид Камерон вети референдум за членството на Британија во ЕУ, и тој би требало да се оддржи во 2017 година, а доколку земјата одлучи да излезе од Унијата тогаш таа би можела да се најде во слична положба како Швајцарија, обидувајќи се да го задржи националниот суверенитет а истовремено да го задржи пристапот од европскиот пазар.
Во однос на Швајцарија, Рединг изјавила дека се сомнева оти членките на ЕУ би прифатиле преговори околу договорот за слободното движење на луѓето и дека со овој потег се создава несигурност во односите меѓу ЕУ и Швајцарија.
„Бизнис заедницата ќе направи кост бенефит анализа и ќе одлучи каде ќе ги воспостави своите компании“, изјавила Рединг.
Швајцарската влада, која се изјасни против оваа иницијатива, го прифатила фактот дека гласањето може да доведе до „систематска промена“, во односот на земјата со ЕУ, но предупредила дека ќе следи и период на несигурност околу целата ситуација.
Нето миграцијата во Швајцарија во последните седум години, на годишно ниво изнесува помеѓу 60 илјади и 80 илјади, што претставува околу еден процент од популацијата на земјата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.