Економија
Словенија издаде две доларски обврзници, јавниот долг над 75 отсто
Словенија во понеделникот вечерта успешно ја заклучи книгата на нарачки за двете доларски обврзници, задолжувајќи се за над три милијарди долари, објави во вторникот деловниот весник „Finance“ и љубљански „Dnevnik“.
По последните расположиви податоци, на инвеститорите им е продадена петгодишна обврзница по комата која малку надминува четири отсто, како и обврзници со доспевање на десет години по камата нешто над пет отсто.Откако минатата недела се чинеше дека промената на околностите на меѓународниот финансиски пазар од продажбата на двете транши доларски обврзници нема да биде ништо, заклучувањето на книгата нарачки се оценува како успех на министерот за финансии Урош Чуфер, и поради тоа што преку системот “cross currency swap“ кредитот е добро обезбеден од валутен ризик, наведуваат медиумите. Министерството за финансии ја потврди продажбата на обврзници во износ од 3,5 милијарди долари, односно три милијарди евра.Поради поголемиот расположив капитал во САД, Словенија во последните години и пол на американскиот пазар издаде пет обврзници, а во Европа само една тригодишна во износ од 1,5 милијарда евра и тоа по каматна стапка од 4,7 отсто, наведува „Dnevnik“.Со последното задолжување словенечкиот долг надмина 75 отсто од БДП, што сепак е малку под просекот на еврозоната, но значи и ескалација на порастот на јавниот долг , кој во последните три години двојно се зголеми, а повеќето кредити кои Словенија оваа година ги зема ќе бидат наменети за враќање на старите финансиски обврски, пишува весникот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Биткоинот силно паѓа
Биткоинот денес падна на најниско ниво за повеќе од шест месеци, бидејќи инвеститорите ја намалуваат изложеноста на ризични средства поради неизвесноста околу следниот потег на Федералните резерви на САД. Водечката криптовалута во светот падна на 86.325,81 долари, што е најниската вредност од 21 април. Цената подоцна се стабилизираше на околу 86.690 долари.
XRP падна за 2,3%, додека етерот изгуби повеќе од 3% од својата вредност и се тргува далеку под нивото од 3.000 долари.
Во исто време, главните индекси на Волстрит забележаа падови, откако почетниот ентузијазам предизвикан од импресивните резултати на технолошкиот гигант Nvidia брзо исчезна.
Веројатноста дека биткоинот ќе ја заврши годината под 90.000 долари се зголеми на 50%, според податоците од платформата за опции Derive.xyz, бидејќи трговците сè повеќе се заштитуваат од понатамошни падови, објавува „Ројтерс“.
Биткоинот е во опаѓачка траекторија од почетокот на октомври, кога достигна рекордно високо ниво од 126.223,18 долари. Изгуби повеќе од 7% од својата вредност од почетокот на годината и е на пат да го забележи својот прв годишен пад од 2022 година.
Една од главните причини за падот на биткоинот е попретпазливиот став на неколку претставници на Федералните резерви на САД, кои предупредуваат на сè уште превисока инфлација во САД и советуваат воздржаност во понатамошните намалувања на каматните стапки. Ова ги намали пазарните очекувања и изврши притисок врз биткоинот и другите ризични средства како што се акциите.
Економија
Бислимоски – Сјаојен: Енергетската транзиција е приоритет број еден
Над 55 % од расположливите енергетски капацитети во државава се од обновливи извори и определбата на земјава е јасна дека енергетската транзиција е приоритет број еден – е пораката што претседателот Марко Бислимоски и членовите на РКЕ ја истакнаа на средбата со амбасадорката на Народна Република Кина, Џианг Сјаојен.
Соговорниците ги споделија искуствата во секторот, истакнувајќи дека полето на соработка може да се прошири, ако се земе во предвид дека материјали со кинеско производство се повеќе се употребуваат при реализација на значаен дел на инвестициите во енергетиката.
„Инвеститорите се добредојдени во земјава, но соработката мора да биде базирана на законските прописи кои се синхронизирани со европските правила што подразбираат јавни и транспарентни тендерски постапки “ посочи Бислимоски.
На средбата се разговараше и за тоа како новите технологии – паметните мрежи, батериите за складирање на електрична енергија, можат да придонесат за побрза енергетска транзиција
Економија
Минималните семејни трошоци во ноември 65.173 денари, со изнајмен стан надминуваат 80 илјади
Минималните месечни трошоци што едно четиричлено семејство ги има во ноември достигнуваат 65.173 денари, додека доколку семејството живее во изнајмен стан од 60 квадратни метри, вкупните потребни средства се искачуваат на 80.548 денари.
За храна и пијалоци се издвојуваат 23.534 денари, додека 6.130 денари се потребни за режиски трошоци, соопшти Сојузот на синдикатите, кој ја изработува синдикалната минимална кошница.
Во однос на минатиот месец, кога за покривање на основните трошоци биле потребни 65.544 денари, сега е забележано намалување од 371 денар.

