Контакт

Економија

ЕУ: Грција се враќа на патот на економки раст

Објавено пред

Грција се враќа на патот на економски раст кој би требало да се забрза во 2015 година со раст на бруто домашниот производ (БДП) на 2,9 проценти, со зголемување на вработеноста и намалување на јавниот долг, кои, сепак, ќе останат на рекордно ниво, соопшти Европската комисија.

Во економската прогноза за Грција, Комисијата потврди дека очекува пораст на БДП-то на 2.9 проценти во 2015 година, по растот од 0.6 проценти оваа година.

Стапката не невработеност во земјата, која шест години е во рецесија, иако останува висока би требало од минатогодишните 27 проценти да се намали на 26 оваа година и на 24 проценти во 2015 година.

Долгот на Грција, кој во 2013 година го достигна врвот од 177 проценти од БДП, се очекува оваа година да се стабилизира, а следната година да се намали на 171,9 проценти.

Дефитицитот на буџетот кој лани беше поголем од 13 проценти од БДП, оваа година би требало да се намали на 2.2 отсто и во 2015 да биде еден процент од БДП.

„Се очекува економскиот раст да се засили во 2015 година, со инвестициите како главен двигател и со можностите создадени со тековните структурни реформи. Економскиот раст во еврозоната ќе овозможи зголемен извоз, како и зголемени приходи од туризмот и од поморскиот превоз“, проценува ЕУ.

Од 2010 година Грција доби две кредитни линии од вкупно 240 милијарди евра и бришење на долгот од 107 милијарди евра од страна на приватните кредитори – комерцијалните банки.

И покрај тоа, јавниот догл на земјата стагнира, па главните донатори (Европската комисија, Европската централна банка и Меѓународниот монетарен фонд) ветија дека до крајот на летово ќе ги разгледаат можностите за намалување на долгот.

Доверителите ветија дека ќе и помогнат со уште еден кредит, но зависно од тоа дали ќе има примарен буџетски суфицит (расходи без сервисирање на долг).

Грција веќе соопшти дека има примарен буџетски суфицит поголем од 1,5 милијарди евра, прв за повеќе од 10 години, и суфицит на тековниот платен биланс од 1,2 милијарди евра (0,7 % од БДП), првпат од далечната 1948 година./крај/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

(Видео)Димковски го презентираше буџетот за агросекторот за 2022 година

Објавено пред

Заменик-министерот за земјоделство, шумарство и водостопанство, Трајан Димковски го презентираше Буџетот за агросекторот за 2022 година.

“Вкупниот буџет за 2022 година за секторот земјоделство, што подразбира неколку институции изнесува околу 9,13 милијарди денари. Во оваа сума спаѓаат основните буџети на Министерството за земјоделство, шумарство и водостопанство, Агенцијата за финансиска поддршка во земјоделството и руралниот развој, Агенцијата за поттикнување на развојот на земјоделството, Агенцијата за храна и ветеринарство, Државниот инспекторат за земјоделство, Државниот инспекторат за шумарство и ловство и Управата за хидрометеоролошки работи.”изјави Димковски

Основниот буџет на Министерството за земјоделство, шумарство и водостопанство за 2022 година е проектиран на 2,025 милијарди денари. Средствата од буџетот ќе овозможат континуитет во реализирањето на мерките и политиките за развој на земјоделскиот сектор. Најголемата сума во износ од 1,27 милијарди денари од буџетот на Министерството за земјоделство, шумарство и водостопанство, е наменета за Управата за водостопанство.

„Веќе неколку години го потенцираме значењето на обезбедување услови за развој на стабилно, конкурентно и модерно земјоделско производство. Тоа не е можно без вода. Затоа, и во 2022 година, продолжуваме со инвестиции во водостопанството кои опфаќаат продолжување на започнатите проекти и изградба на нови системи“, потенцираше Димковски.

Тој изјави дека сите започнати проекти од областа на водостопанството, ќе продолжат и во наредната година според динамиката на градба, потенцирајќи дека Браната „Конско“ ќе биде завршена.

Димковски најави дека во 2022 година ќе започне нов проект – Програма за наводнување на Северна Македонија, во износ од 10 милиони денари.

Додаде дека во 2022 година, Агенцијата ќе располага со 6.14 милијарди денари од кои околу 5,6 милијарди денари се наменети за финансиска поддршка во земјоделството и руралниот развој или подетално околу 4,5 милијарди денари се наменети за редовна исплата на субвенциите и 1,15 милијарди денари за капиталните инвестиции во руралниот развој.

Овие средства ќе овозможат континуирано реализирање на Програмата за финансиска поддршка во руралниот развој, програма во која се инкорпорирани и популарните мерки како што се „Млад земјоделец“ и „Рурална жена“.

“Во буџетот за 2022 година планирани се средства во износ од 500.000.000 денари за современа рурална инфраструктура. Овие средства се наменети за проекти за локална патна инфраструктура, водоснабнителни и канализациони системи, опрема за детски, младински или пензионерски културни центри, означување на културни и природни знаменитости во рурални средини, одбележување и унапредување на планинарски и велосипедски патеки и други проекти значајни за локалниот развој.” изјави Димковски

Заменик-министерот Димковски на крајот од своето излагање потенцираше дека буџетот за агросекторот за 2022 година е креиран домаќински, без непотребни трошоци и со силен стимулативен ефект за, развој и заштита на земјоделското производство и приближување до европските аграрни политики.

Прикажи повеќе...

Економија

Донесена ревидираната Фискална стратегија за 2022-2024

Објавено пред

Владата ја донесе ревидираната Фискална стратегија за 2022-2024.

Ревидирањето на Фискалната стратегија е во согласност со праксата на развиените земји и е неопходнo заради промените настанати во тековната 2021 година во однос на макроекономските и фискалните параметри.

Подобрувањето на управувањето со јавни финансии, а со тоа и на Фискалната стратегија како еден од најважните стратешки документи на една влада е поставено меѓу клучните приоритети на Владата, а се базира на определбата за постигнување на фискална консолидација и одржливост на јавните финансии; на забрзан економски раст, на зголемен обем на реализација на јавните инвестиции, на подобреното буџетско планирање согласно меѓународни пракси, на зголемувањето на фискалниот капацитет и дисциплина на општините, како и на подобрената фискална транспарентност.

Среднорочната фискална стратегија e во согласност со среднорочните фискални цели и стратешките приоритети на Владата како и на утврдените стратешки приоритети за 2022 година како што се обезбедување забрзан и одржлив економски раст, повисок животен стандард и квалитет на живот на граѓаните; справување со последиците предизвикани од светската пандемија предизвикана од пандемијата со КОВИД-19; успешно водење на пристапните преговори со Европската Унија; развивање на одбранбена политика во функција на развојот, независноста, територијалниот интегритет, безбедноста на граѓаните и колективната безбедност; владеење на правото, независност на правосудството, доследна и неселективна борба против криминалот и корупцијата со широка и обврзувачка транспарентност; квалитетно образование достапно за сите, согласно побарувачката на пазарот на трудот, развој и унапредување на културата и спортот; модерна и ефикасна јавна администрација, базирана на дигитализација која обезбедува квалитетни и брзи услуги за граѓаните и деловните субјекти; целосно спроведување на Охридскиот рамковен договор, градење на граѓанска држава со етничка и социјална кохезија, врз принципите на меѓусебна толеранција и почитување; и заштита на животната средина, зелен развој, намалување на аерозагадувањето и влијанието на климатските промени.

Прикажи повеќе...

Економија

А1 Македонија со најдобрата новогодишна промоција во мобилната телефонија досега

Објавено пред

Неограничен мобилен интернет засекогаш на најбрзата мобилна мрежа

А1 Македонија со задоволство најавува збогатување на новогодишната кампања и продолжува со неверојатно атрактивни поволности овој пат за корисиците на мобилната телефонија. Со најновата промоција, корисниците на мобилната телефонија за прв пат добиваат единствена можност за неограничен мобилен интернет вклучен во тарифата и тоа засекогаш.

„Годината ја завршуваме со најатрактивната празнична промоција досега, со која корисниците на услугите добиваат уште повеќе бенефиции за вистинска и неограничена комуникација. Нашата намера е да ги разубавиме празниците за своите корисници и да ја дочекаат новата 2022 година непречено споделувајќи ги убавите мигови со своите најблиски. Отсега, со неограничен мобилен интернет засекогаш, корисниците добиваат можност безгрижно да сурфаат на најбрзата мобилна мрежа на најголемиот мобилен оператор во земјава. Атрактивните смартфони и уреди по најповолни услови пак, како дел од најновото портфолио ќе придонесат за премиум корисничко искуство при сурфањето на мобилен и следење на омилените содржини”, изјави Методија Мирчев, извршен директор во А1 Македонија.

Со новогодишната промоција, сите корисници кои ќе го обноват својот постоечки договор или склучат нов договор во A1 Neo M+ тарифниот модел ја имаат ексклузивната можност да добијат неограничен мобилен интернет на најбрзата мобилна мрежа со најповолни услови за домашниот буџет и да изберат од широката палета смарт телефони – Samsung A12 за неверојатни 0 денари или Samsung A52s 5G за 499 денари/месечно. Дополнително, преку опцијата за размена во апликацијата Мојот А1, корисниците ја имаат можноста за активирање на дополнителни бенефити, односно до 5GB-интернет во роаминг секој месец. Сите детали за најновата понуда можете да ги добиете на www.a1.mk

 

(ПР-текст)

Прикажи повеќе...

Најново

Македонија8 часа

(Видео) Алтернатива влегува во Владата

Алтернатива на Африм Гаши влезе во Владата, соопшти партискиот портпарол. Ова доаѓа по состанок на Централниот совет. Со мнозинство гласови,...

Свет11 час

Путин и Бајден во вторник ќе разговараат за Украина

Претседателите на Русија и на САД, Владимир Путин и Џозеф Бајден, ќе разговараат во вторник на 7 декември, соопшти Кремљ....

Свет11 час

(Видео) Инциденти и апсења на протестите во Австрија – полицијата употреби бибер спреј

Во центарот на Виена попладнево се одржуваат бројни протести на противниците на ковид-мерките и задолжителната вакцинација, поради што многу улици...

Свет13 часа

Русија е можно во јануари да ја нападне Украина, тврди украинскиот министер за одбрана

Американскиот државен секретар Ентони Блинкинен го предупреди својот руски колега дека Москва ќе плати „висока цена“ доколку ја нападне Украина....

Македонија13 часа

15 починати и 355 новозаразени со Ковид-19

Денес се регистрирани 355 нови лабораториски позитивни случаи на SARS CoV-2, со што вкупната бројка на дијагностицирани лица со КОВИД-19...

Македонија16 часа

Владата ги замрзна цените на основните артикли

На денешната 124-та редовна седница, Владата донесе Одлука за определување на највисоки цени на основни прехранбени производи во трговијата на...

Регион16 часа

Омикрон се поблиску до нас – Потврден прв случај во Хрватска

Новиот сој на корона вирусот, кој Светската здравствена организација (СЗО) го нарече омикрон, официјално е регистриран во Хрватска. Оваа информација,...

Топ17 часа

Тешка сообраќајна несреќа во Маџари, загина велосипедист

Велосипедист го загуби животот во сообраќајна несреќа која се случила синоќа во 01.30 часот после полной во Маџари. Според инфорациите...

Свет18 часа

Уапсени родителите на тинејџерот кој изврши масакр во училиште во Мичиген

Џејмс и Џенифер Крамбли, родители на 15-годишниот Итан кој уби четворица ученици и рани седум други во масовно пукање во...

Европа19 часа

Тензично во Виена – Протестите против ковид мерките ќе го блокираат градот

Центарот на Виена попладнево ќе биде целосно блокиран поради бројните протести на противниците на мерките за Ковид и задолжителната вакцинација....

Свет20 часа

Бајден подготвува план за руско-украинската криза

Американскиот претседател Џо Бајден во петокот изјави дека развива обемни иницијативи за да му ја отежне инвазијата на рускиот претседател...

Свет1 ден

СЗО: Омикрон-варијантата е присутна во 38 земји

Омикрон-сојот на коронавирусот досега е потврден во 38 земји во светот, изјави денеска Марија ван Керхове, експерт од Светската здравствена...

Македонија2 дена

Од 10 декември почнува украсувањето на Скопје за Нова година

Од Град Скопје соопштија дека новогодишното украсување на Скопје ќе почне на 10 декември. „На повикот на градоначалничката на Скопје,...

Македонија2 дена

342 нови случаи на Ковид-19 и седум починати за 24 часа

Министерството за здравство информира дека во последните 24 часа направени се 2.349 тестирања, а регистрирани се 342 нови случаи на...

Македонија2 дена

Димитров: Токму европската интеграција е процес во кој гледам шанса за обединување

Заменик претседателот на Владата задолжен за европски прашања Никола Димитров како член на Националниот совет за европски интеграции при Собранието,...

Македонија2 дена

(Видео) Со највисоки државни почести преземени телата на загинатите – семејствата во тага и неверување

Со највисоки државни почести беа преземени телата на 45 македонски државјани кои трагично го загубија својот живот во автобуската несреќа...

Забава2 дена

Алек Болдвин навестува крај на кариерата по фаталното пукање

Алек Болдвин откри дека неговата актерска кариера најверојатно е завршена по фаталниот инцидент во кој загина снимателката Халина Хачинс на...

Свет2 дена

По Шаленберг, оставка најави и министерот за финансии на Австрија

Австрискиот министер за финансии, Гернот Блимел, најави оставка. Неговата оставка следи откако лидерот на Народната партија на Австрија (ОВП), Себастијан...

Свет2 дена

Стапија на сила санкциите на САД, ЕУ, Британија и Канада кон Белорусија

САД, Европската Унија, Велика Британија и Канада воведоа нови санкции за белоруски физички и правни лица. САД воведоа ограничувања за...

Свет2 дена

Омикрон има способност да избегне имунитет од претходна инфекција со коронавирус, предупредуваат научници

Омикрон има значителна способност да избегне имунитет од претходна инфекција со ковид, покажува првата вистинска студија во светот за ефектот...

Досие