Економија
Драги: Слабата понуда на кредити штети на закрепнувањето на еврозоната

Претседателот на Европската централна банка (ЕЦБ) Марио Драги предупреди дека ЕЦБ би можела да преземе целни мерки со кои би се поттикнало кредитирање на мали и средни претпријатија и на тој начин би се поттикнало кревкото економско закрепнување во еврозоната.
„Неможноста од пристап до кредити ги погодува профитабилните компании во државите како што се Шпанија и Португалија со што се кочи растот во овие две економии, истакна Драги во понеделникот на годишната конференција на гувернери која се одржува во португалскиот град Синитра.Тој предупреди дека слабата понуда на кредити штети на закрепнувањето на еврозоната.Се очекува дека ЕЦБ ќе преземе одредени мерки на редовното месечно заседание закажано за 5 јуни.Драги не сакаше да говори за можни мерки кои би се презеле, но напомна дека меѓу инструментите кои и стојат на располагање на ЕЦБ е и зголемувањето на достапноста на кредитите на банките за можат тие да ги пренасочуваат кон компаните.Покрај тоа ЕЦБ би можел да откупува хартии од вредност кои се темелат на кредити за мали компании, што би бил посреден начин на зголемување на понудата на пари на финансиските пазари.„Тоа би можело да го ублажи притисокот на закрепнувањето што го генерира привремената ограничена понуда на кредити“, рече Драги, истакнувајќи дека четвртина од профитабилните компании во Шпанија, односно третина во Португалија тешко доаѓаат до кредити.Голем број на економисти очекуваат дека ЕЦБ на состанокот во јуни дополнително ќе ја намали клучната каматна стапка, од рекордно ниски 0,25 отсто, што би довело до благо намалување на цената на кредитите кои банките ја плаќаат при задолжувањето кај ЕЦБ.Воедно постои можност ЕЦБ да воведе и негативна каматна стапка на депозити на банките и со тоа да ги натера парите да ги плсираат, наместо да ги „трупаат“ кај централната банка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.