Економија
Најголемите банки ќе и плаќаат 15 млн. евра на ЕЦБ за надзор

Најголемите банки во еврозоната ќе плаќаат надомест во висина од 15 милиони евра на Европската централна банка (ЕЦБ), објави во вторникот централната монетарна институција на еврозоната.
Превземањето на нова улога на европско тело за надзор на банките почнувајќи од ноември оваа година ќе донесе трошици во следната година во иснос од 260 милиони евра, соопшти ЕЦБ.Од тој износ околу 60 отсто ќе отпаѓа на трошоци за вработените, 10 отсто се трошоци за режија, а 30 отсто останати трошоци, како што се патувања, советодавни и информатишко-технолошки услуги, наведуваат од ЕЦБ.Иако точниот износ на трошоците ќе биде потврден дури во 2015 година, прелиминарната анализа покажала дека годишниот надомест за банките кои се под директна контрола во 2015 година би се движел од 150 илади до 15 милиони.Поголем дел од банките ќе плаќаат помеѓу 700 илјади и два милиони евра.Во рамки на новиот Единствен надзорен механизам УЦБ директно ќе надзира до 130 системски важни финансиски институции, чиј имот надминува 30 милијарди евра.Малите банки кои не спаќаат во категоријата сисмески значајни ќе останат под надзор на телата во матичните земји./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.