Економија
Државите наследнички на СФРЈ ќе ги поделат одмрзнатите 25 милиони евра

Државите наследнички на поранешна Југославија со судска пресуда добија право да поделат 25 евра од фондовите на некогашната Народна банка на СФРЈ, кои беа замрзнати во Франција, пренесува Танјуг.
Трговскиот суд во Париз кон почетокот на мај донесе правосилна пресуда за одмрзнување на средствата кои банката на некогашната заедничка држава ги ставила на сметка на банката Credit Lyonnais/Credit Agricole. Се работи за точно 24,44 милиони евра без камата, средства биле блокирани уште од 1996 година, објавил во четврток босанскиот весник Nezavisne novine, повикувајќи се на извори од Министерството за финансии на Босна и Херцеговина.
Расположливите средства би требало да бидат распределени меѓу државите наследнички на поранешната СФРЈ во согласност со претходно постигнатиот договор за сукцесија.
Француската банка не сакала да допушти располагање со овие пари без судска пресуда, а формалната постапка пред Трговскиот суд во Париз беше започната во 2013 година од Народната банка на Србија.
Договорит за сукцесија на имотот на поранешната СФРЈ од државите наследнички беше потпишан во 2001 година, а Хрватска го ратификуваше во 2004 година. Со анексот на тој договор е дефинирана и поделбата на расположливите финансиски средства.
Се уште постојат спорови околу средствата кои биле ставени на девизната сметка на поранешна СФРЈ, чувани кај југословенските банки за заедничко вложување во странство, а кои кога беше потпишан договорот беа проценети на 645 милиони долари./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.
Економија
Одржана работна мисија на Светската банка во Народната банка: натамошна поддршка за унапредување на решавањето банки

Финансиски експерти од Центарот за советување за финансискиот сектор (ФИНСАК) при Светската банка остварија средба со гувернерот на Народната банка, д-р Трајко Славески и со надлежните тимови на Народната банка. На средбата се разговараше за досегашните и за идните активности во рамките на техничката поддршка којашто Центарот за советување за финансискиот сектор веќе подолг временски период ѝ ја дава на Народната банка.
Во фокусот на оваа техничка поддршка е операционализацијата на функцијата за решавање банки, во согласност со новиот Закон за решавање банки. Активностите во овој домен се насочени кон подготовка на упатства, работни процедури и алатки што ќе ѝ овозможат на Народната банка ефикасно и навремено да ги спроведува своите надлежности во оваа важна област. Станува збор за практична поддршка при градењето на капацитетите потребни за подготовка на плановите за решавање банки и при оценувањето на можноста за нивно решавање, соопштуваат од Народната банка.
Покрај ова, како дел од пошироката соработка, се разгледаа и сегашните активности поврзани со управувањето со климатските ризици од страна на банките. Техничката поддршка од ФИНСАК во оваа област вклучува помош за подобрување на супервизорските пристапи преку вградување на климатските фактори во процената на ризиците на банките, како и за воспоставувањето на климатските стрес-тестови за банкарскиот систем.
Соработката на Народната банка со ФИНСАК е долгогодишна и од неа досега произлегоа значајни постигнувања, особено во делот на подготовката на подзаконските акти коишто произлегуваат од Законот за решавање банки. Решавањето банки претставува важен инструмент за заштита на финансиската стабилност, којшто овозможува контролирано справување со проблематични банки без нарушување на интересите на депонентите и на даночните обврзници. Народната банка и натаму активно ќе работи на зајакнување на регулативата и на институционалниот капацитет во согласност со најдобрите меѓународни практики, со цел да обезбеди сигурен и отпорен финансиски систем, се додава во соопштението од Народната банка.
Економија
100.000 во твојот џеб за 15 минути! Сѐ што ти треба,на дофат на рака со Mint Visa Card

Во светот каде времето е сѐ поважно, Mint Visa картичката доаѓа како одговор на потребата за брз и едноставен пристап до финансии. Процесот на аплицирање е целосно дигитален и трае само неколку минути, по што одобрените средства се веднаш достапни на картичката. Ова ги елиминира долгите чекања и сложената документација, овозможувајќи им на корисниците да ги решат своите финансиски потреби веднаш.
Со Mint Visa од 100.000 денари преку Mint Credit, конечно имаш картичка што го следи твоето темпо – спремна за само 15 минути. Брзо. Безбедно. Секогаш достапно.
Mint Visa картичката ти стои на располагање 24/7. Аплицирај денес и добиј ја твојата Mint Visa.
• 100.000 денари достапни веднаш.
• Без депозити, без бескрајни формулари.
• Потполно онлајн преку One ID – каде и да си.
Зошто Mint Visa?
• Смарт шопинг – Плати безбедно на сите интернет продавници.
• Спонтано патување – Резервирај билети и хотели брзи и едноставно.
• Секојдневна сигурност – Подготвен си за сите непланирани трошоци.
• За 15 минути си спремен да купуваш – Онлајн, во продавници, каде и да си.
Заборави на комплицирани процедури и бесконечна документација. Со Mint Visa, добиваш пристап до 100.000 денари, точно тогаш кога ти се најпотребни – за што и да посакаш.
Без чекање. Без хартија. Без нервози. Само сигурен пристап до средства, токму кога ти требаат.
Добиј ја твојата Минт виза картичка во една од нашите филијали или преку Mint Credit платформата или јави се на 15 107 за повеќе информации.
ПР