Економија
Американската продажба на автомобили скокна во април

Продажбата на автомобили во САД скокна во мај, поттикната од поволните временски прилики и календарските фактори, покажа најновиот месечен извештај на специјализирата интернет страница Autodata.
Во минатиот месец во САД се продадени 1,6 милиони возила, 11 отсто повеќе во однос на истиот месец од минатата година, покажаа податоците на Autodata.Во 12-месечен период заклучно со крајот на мај, продажбата на автомобили достигна највисоко ниво од јули 2006 година, со продадени 16,8 милиони возила.Меѓу факторите кои во минатиот месец го поттикнаа пазарот од Autodata ги издвојуваат поволните временски прилики, петте викенди, поволните кредити, како и попустите на производителите.„Мај е еден од оние месеци во кои се’ се поклопи-имавме пет викенди, а имавме и еден продажен ден повеќе“, толкува челникот на брендот Toyota, Бил Феј.Најголем скок на продажбата од 17 отсто бележи Chrysler, благодарение во прв ред на 58-отстотниот скок на продажбата на брендот Jeep по воведувањето на новите модели.Речиси идентичен скок на продажбата бележи и Toyota, а двоцифрена стапка на раст забележа и General Motors, кој продаде 12,6 отсто повеќе автомобили во споредба со истиот период лани.Осетно послаб резултат забележа Ford, кој ја зголеми продажбата за три отсто, покажуваат податоците на Autodata. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.