Економија
Руско-украинските преговори за гасот без резултати
Осумчасовните трилатерални преговори меѓу Русија, Украина и Европската комисија за гасот завршија рано утрото во вторникот без постигнат договор за условите за испорака на рускиот природен гас, со што повторно се поттикнати стравувањата за недостиг од гас во Европа.
Русија се закани дек доколку Украина не си ги плати долговите од неколку милијарди долари до вторник навечер, како и долгот за јуни, државната енергетска компанија „Газпром” ќе ги прекине испораките, што може да ја поремети испораката на рускиот гас до европските потрошувачи која оди преку украинската инфраструктура, имајќи предвид и дека во претходните вакви случаи Москва го обвинуваше Киев дека ги поткраднува испораките за Европа кои одат преку неговиот гасоводен систем.
Украинскиот министер за енергетика, Јуриј Продан, изјави дека разговорите водени во Брисел со посредство на Европската комисија не довеле до договор поради рускиот предлог за механизмот за одредување на цената на гасот, кој би ги поврзувал пониските цени со извозните постројки.
„За жал, рускиот став во врска со механизмот за одредување на цената се промени””, изјави Продан.
Рускиот министер енергетика Александар Новак изјави дека предложил „многу конструктивен план, за кој верувам дека би требало да го прифатат сите заинтересирани страни”.
Портпаролката Европската комисија изјави дека преговорите треба да продолжат во Брисел, во вторник навечер или во среда наутро.
Од друга страна извор од рускиот енергетски гигант „Газпром” за агенцијата Reuters изјавил дека испораката на рускиот гас за Украина во вторник се одвива стабилно и во вообичаениот обем, како и дека нема информации за можно сопирање на испораката.
Украина ја отфрла цената којашто ја одреди Русија, откако во февруари на власт стапи прозападната украинската власт. Станува зор за највисока цена за некоја европска земја.
На почетокот од април годинава Русија објави дека го повлекува намалувањето на цената на својот гас за Украина постигнат во договор со сега соборениот украински претседател Виктор Јанукович, ланскиот декември. Според тој договор, цената беше намалена за повеќе од третина и се симна на 268 долари за 1.000 кубни метри гас. Покрај тоа, Украина уживаше и попуст од дополнителни 100 долари во цената на гасот, според договорот потпишан за користење на базата на руската Црноморска флота на полуостровот Крим кој во меѓувреме, со референдум се присоедини кон Русија. Така сега со укинувањето на сите договори и попусти, цената на рускиот гас за украинските потрошувачи се зголемува на 485 долари за илјада кубни метри. Европа, инаку, плаќа цена од 380 долари за илјада кубни метри руски гас./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Меморандум за соработка во полето на гасниот сектор помеѓу Македонија и Србија: ќе се испитува можноста за развој на нова директна врска меѓу двата системи за гас
Министерство за енергетика, рударство и минерални суровини на Република Северна Македонија склучи Меморандум за соработка во полето на гасниот сектор со Министерството за рударство и енергетика на Република Србија, во просториите на Владата.
Гасниот интерконектор Северна Македонија – Србија е означен како Водечки проект за енергетиски мрежи во рамки на ЕУСАИР (EU Strategy for the Adriatic and Ionian Region) со што ќе се обезбеди сигурност во снабдувањето за регионот на Југоисточна Европа и ЕУ по пат на имплементација на проектите од Јужниот гасен коридор на ЕУ и Трансбалканскиот гасен прстен, преку диверзификација на рутите и изворите за снабдување со гас.
Со меморандумот се предвидува испитување на можноста за развој на нова директна врска меѓу двата системи за гас. Во рок од 9 месеци ќе се изработи Физибилити студија и Студија за оценка на влијание на проектот врз животната и социјалната средина за новата гасна интерконекција помеѓу државите.
Врз основа на резултатите од техничките и пазарни истражување и земајќи ја во предвид постојната инфраструктура за пренос на гас кај двете страни, Страните ќе ги анализираат и ќе превземат соодветни одлуки за реализација на проектот и координирање на понатамошни дејствија.
Економија
Зголемување на цената на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,81% во однос на одлуката од 30.9.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,00 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит.
Малопродажната цена на Мазутот М-1 НС се зголемува за 1,108 ден/кг и сега ќе изнесува 42,780 ден/кг.
Економија
Претседателката на ММФ: Живееме во свет на бавен економски раст и високи долгови
Меѓународниот монетарен фонд може да им помогне на земјите да се приспособат на бавниот економски раст и високиот долг бидејќи ова е светот во кој моментно живееме, изјави денеска претседателката на Меѓународниот монетарен фонд (ММФ), Кристалина Георгиева, на конференцијата за одржливост во Хамбург.
Според неа, тоа значи дека реформите што придонесуваат за раст, подобрување на инвестициската клима и напредок на пазарот на трудот треба безмилосно да се одложат.
„Меѓународниот монетарен фонд може да им помогне на своите членки да ги спроведат неопходните реформи, со што овие земји ќе имаат потенцијал да го зголемат растот на БДП во текот на четири години за осум отсто“, додаде Георгиева, пренесува „Танјуг“.
Конференцијата беше отворена со говорот на германскиот канцелар, Олаф Шолц.