Економија
4 работи што ги прават Daikin прочистувачите на воздух супериорни

Со новите прочистувачи на воздух, Daikin останува на ветувањето за обезбедување на почиста и поздрава атмосфера во вашите домови, канцеларии и на останатите комерцијални простории. Во нив се вградени најнови технологии кои ги прават овие прочистувачи максимално ефикасни во заробување на штетните честички, отстранување на непријатни мириси како и деактивирање на вируси.
Електростатички HEPA филтер
HEPA филтрите се златен стандард кога станува збор за филтрирање на воздухот. Со електростатички филтер кој се користи во прочистувачите, Daikin оди чекор понатаму. Електростатичкиот ЕПА филтер заробува PM2.5 so 99.97% успешност и притоа не ја намалува ефикасноста на прочистувачот како обичните HEPA филтри.
Flash Streamer технологија
Flash Streamer технологијата е уникатна за Daikin прочистувачите на воздух. Со помош на овој уред вграден во повеќе производи на Daikin (неколку модели на клима уреди и сите прочистувачи на воздух) преку процес на оксидација ги разградува бактериите, мувлата, поленот и спори од мувла кои се заробени во филтерот.
Според последното истражување на Daikin Industries во соработка со универзитетот во Токио и Окајама, откриваат дека по 3 часа озрачивање Flash Streamer технологијата успешно онеспособува 99.97% од SARS-CoV-2.
Супериорен сензор за квалитет на воздух
Новата генерација на Daikin прочистувачи на воздух се опремени со напреден сензор за мерење на квалитетот на воздухот во просторијата, кој го мери количеството на прашина и PM2.5 честички како и непријатен мирис.
Со помош на овој сензор е овозможен автоматскиот режим на работа, што самостојно го регулира протокот на воздух низ прочистувачот и го вклучува и исклучува Flash Streamer уредот во зависност од нивото на загаденост, без потреба вие да се грижите за тоа.
Беспрекорна и тивка работа
Удобноста во домот или на работа не подразбира само чист воздух туку и тивок и релаксирачки амбиент. Тивкиот режим на работа на Daikin прочистувачите го овозможува токму тоа, со неверојатни 19dB јачина на звук при работа кога тивкиот режим е активен, што е еднакво на шепот.
Прочитајте и информирајте се повеќе за прочистувачите на воздух на DAIKIN на следниот линк: daikin.mk/procistuvaci
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.