Економија
Берзата со промет од 24 милиони денари
![](https://makfax.com.mk/wp-content/uploads/2016/11/3d40c9ee-5548-4564-8d47-58cd7a9a63f3.jpeg)
Македонската берза за хартии од вредност денеска оствари промет од 24.171.888,73 денари, од кои 22.482.781,00 денари беше промет со обични акции
Македонската берза за хартии од вредност денеска оствари промет од 24.171.888,73 денари, од кои 22.482.781,00 денари беше промет со обични акции.
На официјалниот пазар прометот изнесуваше 19.209.859,73 денари при реализирани 241 трансакции. Прометот на редовниот пазар изнесуваше 4.962.029,00 денари, а беше реализиран преку 88 трансакции.
МБИ10 ја зголеми својата вредност за 2,23%, а неговото ниво достигна 3.178,29 индексни поени. МБИД порасна за 1,52%, остварувајќи вредност од 3.271,13 индексни поени. ОМБ оствари намалување од 0,25%, позиционирајќи се на ниво од 105,20 индексни поени.
Од официјалниот пазар најтргувана беше акцијата на Гранит Скопје со промет од 3.692.775,00 денари. Просечната цена изнесуваше 859,78 денари, а беше проследена со дневен раст од 6,50%. Истргувани беа вкупно 4.295 акции кои се реализираа преку 44 трансакции.
Втора по ликвидност од официјалниот пазар беше Алкалоид Скопје со промет од 2.696.050,00 денари. Просечната цена од 5.286,37 денари порасна за 2,68% на дневно ниво. Истргувани беа вкупно 510 акции. Минималната цена која се постигна изнесуваше 5.200,00 денари, а максималната 5.499,00 денари.
Со акцијата на Топлификација Скопје се оствари промет од 1.606.690,00 денари. Просечната цена од 5.598,22 денари по акција значеше пораст од 1,76%. Вкупно се истргуваа 287 акции преку 21 трансакции.
Од редовниот пазар најмногу се тргуваше со Стопанска Банка Скопје чиј промет изнесуваше 1.274.950,00 денари. Просечната цена изнесуваше 324,83 денари, додека дневниот раст беше 4,64%. Истргувани беа 3.925 акции преку 21 трансакции. Цената се движеше од 322,00 денари до 339,00 денари по акција.
Прилепска Пиварница Прилеп оствари промет во вредност од 1.110.218,00 денари. Просечната цена од 11.564,77 денари оствари дневен пад од 8,10%. Вкупно се истргуваа 96 акции преку 10 трансакции. Пет најтргувани хартии од вредност 1. Гранит Скопје2. Алкалоид Скопје3. Топлификација Скопје 4. Стопанска Банка Битола5. Макошпед Скопје Хартии од вредност со најголем пораст 1. Попова Кула Демир Капија 10,00%2. Тетекс Тетово 8,23%3. ТТК Банка Скопје 7,50%4. Гранит Скопје 6,50%5. УНИ Банка Скопје 5,56% Хартии од вредност со најголем пад1. ЕМО Охрид 25,00%2. Прилепска Пиварница Прилеп 8,10%3. ИЦН – Фарм Скопје 3,93%4. Бетон Скопје 3,00%5. Охридска Банка Охрид 1,20%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Некои од горивата од ноќеска поевтинуваат
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,52 % во однос на одлуката од 2.9.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 5,683%, кај дизелот за 1,869%, кај екстра лесното масло за 2,561% и кај мазутот има намалување за 3,570%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,6747%.
Од 7.9.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 74,50 (денари/литар)
Моторен бензин ЕУРОСУПЕР БС – 98 78,50 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,780 (денари/килограм)
Малопродажната цена на бензинот ЕУРОСУПЕР БС-95 се намалува за 2,00 ден/лит.
Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V), Екстра лесното масло за домаќинство на (ЕЛ-1) и на Мазутот М-1 НС не се менуваат
Економија
Благ пад на светските цени на храната во споредба со јули
![](https://makfax.com.mk/wp-content/uploads/2024/09/677z381_677z381_677z381_Organska-hrana-politika.rs_.jpg)
Светските цени на храната благо паднаа во август во споредба со јули, објави денеска Организацијата за храна и земјоделство на Обединетите нации (ФАО).
Светскиот индекс на цените на храната за август изнесува 120,7 поени, што е нешто помалку од 121 во јули, соопшти ФАО. Ова резултира со пад на индексот на цените на месото, шеќерот и житото, а во исто време е забележан и раст на растителните масла и млечните производи. Вредноста на индексот на цените на месото во август изнесува 119,5 поени, што е 0,7 отсто помалку од јули, а пад е забележан и кај живината, свинското и овчото месо.
Како што е наведено, индексот на цените на шеќерот падна 4,7 отсто, на 113,9 поени во август, пред сѐ, поради подобрувањето на производствените изгледи за сезоната 2024/2025 на Тајланд и во Индија по врнежите што се значајни за културите на шеќерна трска. Вредноста на индексот на цените на житото беше на ниво од 110,1 поен, 0,5 отсто помалку од јули, откако неколку месеци по ред цените на пченицата паѓаат поради слабата побарувачка и силната конкуренција меѓу извозниците, пренесува „Танјуг“.
Растителните масла поскапеа и индексот на цените на овие производи месечно се зголеми 0,8 отсто, на 136 поени, особено поради повисоките цени на палминото масло, кои растат веќе три месеци по ред. Најмногу поскапува просечната цена на млечните производи, 2,2 отсто месечно, на 130,6 поени. Во август е забележан значителен пораст на цените на путерот, како и на обезмасленото млеко, сирењето и другите производи.
Економија
Поврзување на Македонија и Србија преку интерконекторот за гас – тема на средбата на потпретседателите Николоски и Стоилковиќ со министерката Бедовиќ Хандановиќ
![](https://makfax.com.mk/wp-content/uploads/2024/09/IMG-86ec3beb646157e59d9c9783d36586f2-V.jpg)
Заменик претседателот на Владата и министер за транспорт Александар Николоски и заменик претседателот и министер за односи меѓу заедниците Иван Стоилковиќ во Белград остварија средба со министерката за рударство и енергетика Дубравка Бедовиќ Хандановиќ.
„Имавме изворедна посета на Република Србија овие два дена, се сретнавме со целокупниот државен врв, политичките односи се одлични, треба да бидат следени и надградени и од добри економски односи, од односи кои ќе значат подобри и поплатени работни места и за граѓаните на Македонија и за граѓаните на Србија.
Денеска целиот фокус на разговорите го посветивме на економијата од сите аспекти на економијата. Во делот на енергетиката разговаравме за изградба на интерконектор или гасно поврзување меѓу Македонија и Србија што треба да следи после гасното поврзување или интерконекторот меѓу Македонија и Грција“, кажа по средбата, потпретседателот Николоски во своето обраќање пред медиумите.
„На тој начин ќе се изгради целокупен гасовод кој што ќе оди од Грција преку Македонија и Србија до Унгарија, Австрија и Централна Европа и ќе се заврши еден проект кој што генерации политичари пред нас го спомнувале за изградба на гасовод низ Македонија со кој што Македонија ќе го заземе централното место во делот на снабдување со гас на Централна Европа, што во услови на криза на Истокот и воена агресија во Украина ќе значи уште повеќе за македонската економија затоа што прво ќе може снабдувањето со гас во Македонија да се диверзифицира и да имаме три или четири извори на гас за Македонија а не само еден и второ многу поважно е низ Македонија да оди транзит гас кој што ќе оди до големите европски држави со што македонското стопанство со само тоа што ќе наплаќа транзит на гас ќе остварува големи приходи, а стратешки Македонија ќе ја постави на мапата да не биде избегнувана и од една страна каде што некои други влади сакаа Македонија да ја направат слепо црево во делот на инфраструктурата и во делот на поврзувањето, ние сакаме да ја направиме центар во поврзувањето.
Така што клучен гасовод кој што оди до Централна Европа, изградба на брза пруга со 200 km на час која што исто така оди до Централна Европа, завршување на Коридор 8 во делот на автопатско поврзување со Бугарија и Албанија и во перспектива и железничко, како и изградба на мултимодуларен комплекс кај Трубарево каде што треба да изградиме пристаниште на суво како што се нарекува, каде што треба да се претовара целата роба која што ќе доаѓа од солунското, драчкото и атинското пристанште, мислам дека македонската економија во следните 10-15 години ќе ја стави во центарот на Балканот, што е наша основна задача, да ја покренеме Македонија, луѓе да доаѓаат во Македонија а не да си одат, да има повеќе работни места и да има добро платени работни места.
Можам да ја оценам посетава како навистина успешна, сега очекуваме посета на премиерот Вучевиќ во Македонија на крајот на септември или почетокот на октомври, а до крајот на годината да имаме заедничка седница на двете влади, а од следната година да имаме по две седници на влади заеднички како уште повеќе би ја подобрувале економската и политичка соработка“, изјави министерот Николоски.
На новинарско прашање за изградба на брзата пруга, министерот Николоски одговори:
„Тоа е еден од првите приоритети на кој што јас трошам многу време и енергија. Нашата цел е да во многу брзо време да ја испроектираме и да ја изградиме брзата пруга, не сакам да давам рокови но ако успееме во рамки на извесните два мандати кои што ќе ги има оваа оваа влада, зашто да нема и три, ќе е одлична работа за Македонија. Некаде таму помеѓу 2030 и 2032 година да имаме функционална брза пруга со 200 кm на час што ќе значи препород за цела Македонија“, истакна Николоски.