Економија
Берзата со најнизок промет во ноември
Македонската берза за хартии од вредност во среда оствари најнизок промет од почетокот на ноември во износ од 8.157.580.16 денари
Македонската берза за хартии од вредност во среда оствари најнизок промет од почетокот на ноември во износ од 8.157.580.16 денари.
МБИ-10 оствари пад од 0,41%, а вредноста ја спушти на 3.438,06 индексни поени, и сега е намален за 12,35% во однос на врвот за тековната година кој беше постигнат на 15.10.2009 год. и изнесуваше 3.922,29 индексни поени. Сегашното ниво на МБИ10 е за 115% повисоко од минимумот за 2009 година кој се постави на 10.03.2009 година, а изнесуваше 1.598,50 индексни поени.
МБИД оствари пад од 1,17% при вредност од 3.523,69 индексни поени. Сегашното ниво на МБИД е за 10,7% помало од максимумот за оваа година кога изнесуваше 3.944,13 индексни поени, а повисок за околу 85% од минимумот за оваа година кога изнесуваше 1.910,16 индексни поени.
ОМБ оствари незначителен пораст од 0,05% позиционирајќи се на ниво од 106,77 индексни поени.
Комерцијална Банка Скопје со промет од 2.909.400,00 денари се искачи на првата позиција според ликвидност на официјалниот пазар. Нејзиниот пад изнесуваше 1,11%, а беше постигната просечна цена од 3.455,34 денари. Истргувани беа 842 акции, додека ценовниот распон се движеше од 3.450,00 денари до 3.490,00 денари. Сегашната просечна цена е за околу 8,8% пониска од највисоката просечна цена за оваа година која беше остварена на 20.10.2009 година, а изнесуваше 3.778,95 денари.
Втора според ликвидност од официјалниот Пазар беше Алкалоид Скопје со промет од 1.304.500,00 денари. Просечната цена изнесуваше 5.849,78 денари, а остварен беше благ пад од 0,60%. Истргувани беа 223 акции кои се реализираа преку 19 трансакции.
Иако со многу послаб промет од 590.750,00 денари, на третата позиција се издвои акцијата на Топлификација Скопје. Просечната цена од 6.218,42 денари забележа благ пораст од 0,59% на дневни ниво. Истргувани беа вкупно 95 акции.Од редовниот пазар убедливо најтргувана беше Македонски Телеком Скопје со промет од 472.300,00 денари. Постигната беше просечна цена од 433,30 денари, а дневниот пад изнесуваше 0,47%. Истргувани беа вкупно 1.090 акции.
Скопски Пазар Скопје објави неревидиран биланс на успех за периодот 01.01. – 30.09.2009 година. За првите три квартали од тековната година остварена е нето добивка од 6.739.000,00 денари што претставува намалување од 59,5% во однос на минатата година кога нето добивката изнесуваше 16.649.000,00 денари. Нето добивката за третиот квартал од оваа година изнесуваше 2.380.000,00 денари и е за 75,5% помала во однос на истиот период за претходната година кога нето добивката изнесувала 9.699.000,00 денари.Пет најтргувани хартии од вредност1. Комерцијална Банка Скопје2. Алкалоид Скопје3. Топлификација Скопје4. Макпетрол Скопје5. Макстил Скопје Хартии од вредност со најголем пораст 1. УНИ Банка Скопје 9,95%2. Топлификација Скопје 0,59%3. Р.Македонија – Денационализација 04 0,35%4. Стопанска Банка Скопје 0,30%5. Р.Македонија – Денационализација 08 0,01%Хартии од вредност со најголем пад1. ИЦН – Фарм Скопје 20,00%2. Макошпед Скопје 9,67%3. ФЗЦ 11 Октомври Куманово 6,60%4. Раде Кончар Скопје 3,50%5. Арцелормиттал (ХРМ) Скопје 2,61%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.