Економија
Берзата продолжи со позитивен тренд
Македонската берза за хартии од вредност во вторник продолжи со позитивен тренд, но со намален интензитет.Двата главни акциски индекси остварија пораст, додека вкупниот промет се зголеми во однос на последните неколку трговски денови.
Македонската берза за хартии од вредност во вторник продолжи со позитивен тренд, но со намален интензитет. Двата главни акциски индекси остварија пораст, додека вкупниот промет се зголеми во однос на последните неколку трговски денови. Причина за ова беше блок трансакцијата со Мода АД Свети Николе, преку која се истргуваа 83.893 акции по цена од 61,20 денари по акција. Вкупната вредност на трансакцијата беше 5.134.251,60 денари, а предмет на тргувањето беше 5,86% од основната главнина. МБИ10 продолжувајќи ја позитивната тенденција се зголеми за 0,35% и достигна вредност од 2.933,45 индексни поени. МБИД оствари зголемување од 0,77%, а неговата вредност се покачи на 3.114,86 индексни поени. ОМБ оствари намалување од 0,21% позиционирајќи се на 109,83 индексни поени.Од официјалниот пазар најликвидна беше Гранит Скопје со промет од 1.939.880,00 денари. Просечната цена од 761,04 денари беше благо под вчерашниот просек, односно се намали за 0,62%. Иако, почетната цена со оваа акција изнесуваше 770,00 денари, што претставуваше максимум за трговскиот ден, сепак при крајот се тргуваше и по цена од 759,00 денари. Вкупно се истргуваа 2.549 акции кои се реализираа преку 21 трансакции.Следеше Алкалоид Скопје со промет од 1.933.047,00 денари, а со просечната цена од 5.007,89 денари постигнато беше дневно зголемување од 0,43%, со што беше продолжен позитивниот тренд од понеделникот. Ценовниот распон се движеше од 4.950,00 денари до 5.100,00 денари. Истргувани беа 386 акции кои се истргуваа преку 25 трансакции.Трета хартија од вредност од официјалниот пазар според ликвидност беше државната обврзница за денационализација од осмата емисија со промет од 739.424,75 денари. Просечната цена изнесуваше 84,98% од номиналната вредност, што значеше минимален пораст од 0,01%. Истргувани беа вкупно 14.220 обврзници кои се реализираа преку 10 трансакции.На редовниот пазар, при редовното тргување, најголем промет оствари акцијата на Македонски Телекомуникации Скопје, чиј износ беше 2.732.000,00 денари. Просечната цена од 429,76 денари предизвика раст од 2,29%. Истргувани беа 6.357 акции кои се реализираа преку 27 трансакции.Од редовниот пазар со ликвидноста се истакна и Тутунска Банка Скопје со промет од 2.011.870,00 денари. Со просечната цена од 4.813,09 денари се постигна дневен раст од 0,95%. Истргувани беа 418 акции кои се реализираа преку 16 трансакции. Пет најтргувани хартии од вредност 1. Мода Свети Николе2. Македонски Телекомуникации Скопје3. Тутунска Банка Скопје4. Гранит Скопје5. Алкалоид Скопје Хартии од вредност со најголем пораст 1. Арцелормиттал (ХРМ) Скопје 9,88%2. Макстил Скопје 2,65%3. Македонски Телекомуникации Скопје 2,29%4. Комерцијална Банка Скопје 1,88%5. Тутунска Банка Скопје 0,95% Хартии од вредност со најголем пад1. АДУТ Македонија Битола 45,65%2. Ветеринарно сточарски центар Куманово 27,93%3. РЖ Услуги Скопје 7,34%4. Фустеларко Борец Битола 5,88%5. Жито Вардар Велес 4,26%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.