Економија
Берзата со промет од 18,5 милиони денари

Остварениот промет на Македонската берза при тргување во петок изнесуваше дури 18.498.926,09 денари.
Остварениот промет на Македонската берза при тргување во петок изнесуваше дури 18.498.926,09 денари.Индексот МБИ10 од забележа пад од 0,12% и изнесуваше 2.832,04 индексни поени. Индексот на Јавно поседуваните друштва, после тридневниот пораст, во петокот се спушти во црвена зона. Неговиот пад изнесуваше 0,29%, односно 3.085,46 индексни поени. Единствено индексот на обврзниците оствари раст во петокот од 0,08% и се позиционираше на ниво од 110,59 индексни поени. Од компаниите кои котираат на Официјалниот пазар најмногу се тргуваше со Стопанска банка Битола чиј промет изнесуваше 1.836.102,00 денари. Просечната цена од 3.387,64 денари што значеше пад од 0,32%. Истргувани беа 542 акции кои се реализираа преку 16 трансакции. Алкалоид Скопје оствари промет од 1.761.908,00 денари. Просечната цена изнесуваше 4.949,18 денари со што беше остварен пораст од 2,13%. Истргуваната количина од 356 акции се реализираше преку 18 трансакции. Распонот на цената се движеше од 4.900,00 до 5.000,00 денари.Трета по ред во однос на остварен промет беше Комерцијална банка Скопје, а тој изнесуваше 977.116,00 денари. Цената од 2.848,73 денари по акција и донесе на оваа акција пад од 0,04%. Истргувани беа 343 акции.Во однос на тргувањето со обврзниците од денационализација, освен обврзницата од третата емисија, значаен промет направија и обврзниците од седмата и шестата емисија, со промет од 3.261.036,38 денари, односно 1.870.368,20 денари.На Редовниот Пазар најголем промет оствари компанијата Тутунска банка Скопје. Беа истргувани 101 акција по цена од 4.850,00 денари, што претставуваше пораст од 0,60%. Со овие акции беше направен промет од 489.850,00 денари. Акцијата на Македонски Телеком Скопје оствари промет од 415.390,00 денари. Просечната цена изнесуваше 441,90 денари, а беше остварен мал пад од 0,67%. Истргувани беа 940 акции преку 8 трансакции. Пет најтргувани хартии од вредност 1. Р.Македонија-денационализација 032. Р.Македонија-денационализација 073. Р.Македонија -денационализација 064. Стопанска банка Битола5. Алкалоид Скопје Хартии од вредност со најголем пораст 1. Алкалоид Скопје 2,13%2. Гранит Скопје 1,57%3. Арцелормиттал (ЦРМ) Скопје 1,42%4. Фершпед Скопје 1,36%5. Р.Македонија – Денационализација 06 1,18% Хартии од вредност со најголем пад1. Факом АД Скопје 28,57%2. Бетон Скопје 10,16%3. ОКТА Скопје 3,77%4. Макстил Скопје 3,05%5. ФЗЦ 11 Октомври Куманово 1,06%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Објавен јавен повик за финансиска поддршка за набавка на трактори

Министерството за земјоделство, шумарство и водостопанство објави јавен повик за доставување на барања за користење на средства од Програмата за финансиска поддршка на руралниот развој за 2025 година, наменет за модернизација на земјоделските стопанства преку набавка на трактори.
Максималната поддршка по корисник изнесува 600.000 денари, поддршката се исплаќа на годишно ниво според реализацијата на деловниот план.
Јавниот повик се однесува исклучително за набавка на трактори – приклучната земјоделска механизација не е покриена.
Право на користење на средствата имаат земјоделски стопанства кои се запишани во Единствениот регистар на земјоделски стопанства во Министерство за земјоделство, шумарство и водостопанство, согласно Закон за земјоделство и рурален развој.
Земјоделци кои во претходните десет години користеле финансиска поддршка за набавка на трактори преку ИПАРД Програмата или Националните програми за рурален развој, не се прифатливи како корисници на оваа мерка.
Крајниот рок за доставување на барањата е 07.07.2025 година.
Економија
Берзите реагираат бурно на расправијата Трамп-Маск, акциите на „Тесла“ паѓаат

На Вол Стрит, берзанските индекси паднаа, главно поради наглиот пад на цената на акциите на „Тесла“, додека пазарот беше поддржан од веста за разговорот помеѓу американскиот и кинескиот претседател Доналд Трамп и Си Џинпинг. Индексот Дау Џонс падна за 0,25 проценти на 42.319 поени, додека S&P 500 се лизна за 0,53 проценти на 5.939 поени, а индексот Nasdaq падна за 0,83 проценти на 19.298 поени.
Акциите на Тесла паднаа за 14 проценти
Цената на акциите на производителот на електрични автомобили „Тесла“ падна за повеќе од 14 проценти, откако јавната расправија помеѓу извршниот директор Илон Маск и Трамп се интензивираше.
Цената на акциите падна во четири од последните пет трговски дена, откако Трамп и Маск ја започнаа својата вербална војна, за време на која „Тесла“ изгуби околу 150 милијарди долари пазарна вредност.
Маск ги засили критиките кон огромниот закон за даночни стимулации на претседателот во последните денови, додека Трамп тврди дека Маск е вознемирен затоа што законот ги елиминира даночните олеснувања за купување електрични возила.
„Последиците за акциите на ‘Тесла’ се очигледни. Но, не гледам никакви значајни последици за остатокот од пазарот, освен мало влијание врз индексите. Генерално, берзата има многу проблеми, но ‘Тесла’ не е еден од нив“, рече Марк Шпигел, менаџер за портфолио во Stanphyl Capital.
Сепак, пазарот беше поддржан од телефонскиот повик меѓу Трамп и Си. Нема дополнителни информации за разговорите, освен дека тие се поканија еден со друг на официјални посети. И тоа беше оценето како позитивно од пазарот, бидејќи неодамнешниот спор околу клучните минерали се закани да го наруши кревкото трговско примирје меѓу двете најголеми економии во светот.
Економија
АД ЕСМ со најповолна понуда за електрична енергија, соопшти „ЕВН хоме“

ЕВН Хоме како универзален снабдувач на електрична енергија, на тендерот за набавка на електрична енергија за задоволување на потребите на корисниците за периодот јули-декември 2025 доби најповолна понуда од АД ЕСМ со купопродажна цена на електрична енергија од 62 евра за мегаватчас, за покривање на 100% од вкупно планираните количини, соопштија од таму.
Оваа цена, како што појаснуваат, е идентична со претходната која беше добиена на последниот тендер на Универзалниот снабдувач (јануари-јуни 2025), кога АД ЕСМ понуди купопродажна цена од 62 евра за мегаватчас.
„Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметри.
Како и секогаш, во крајната цена влегуваат: цената по која АД ЕСМ ја продава електричната енергија на ЕВН Хоме, цената на Преносниот систем оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција“, се истакнува во соопштението.