Економија
Подобрување на енергетската ефикасност во градежните објекти

Побарувачката на електрична енергија во домаќинствата и јавните објекти во Македонија ќе се намали преку создавање на основни услови за енергетска ефикасност во градежниот сектор.
Побарувачката на електрична енергија во домаќинствата и јавните објекти во Македонија ќе се намали преку создавање на основни услови за енергетска ефикасност во градежниот сектор.
За таа цел денеска во Скопје беше промовиран Македонско-австриски проектот за создавање на средина за енергетска ефикасност на градежни објекти во Македонија.
Тенденција е на среден и на долг рок да се намали интензитетот на потрошувачката на електрична енергија во Македонија, која е за над 40 отсто поголема во однос на ЕУ.
Вредноста на проектот изнесува 1,7 милиони евра, а ќе биде финансиран од Австриската агенција за развој (АДА), Државниот секретаријат за економски работи на Швајцарија и македонското министерство за економија.
Проектот ќе трае до септември 2012 година и ќе има едукативен карактер, при што ќе се организираат наставни програми со цел онаму каде што е можно, затоплувањето да не се базира на електрична енергија, туку на некој друг вид на енергија, односно зградите да бидат барем термички изолирани.
Министерот за економија Фатмир Бесими истакна дека учеството на домаќинствата и комерцијалниот сектор во вкупната потрошувачка на струја во Македонија е поголемо од 40 отсто што укажува на потребата за инвестирање во насока на примена на мерките за енергетска ефикасност во овој сектор.
„Успешното спроведување на овој проект е од исклучително значење за Македонија и во остварувањето на националните интереси, но и од аспект на процесот на евроинтеграциите со создавање на еден контактибилен енергетски систем во рамките на правилата на ЕУ“, изјави Бесими.
Шефот на Канцеларијата за австриска техничка соработка Хајнц Хабертоер во име на донаторот АДА укажа дека Македонија треба да ја подобри својата енергетска ефикасност и да го стимулира користењето на обновливи енергии.„Одлуката на македонската влада за воведување на мерки за борба против недостатокот на енергија согласно регулативите на енергетската заедница е вискоценета од европските земји“, рече Хабертоер. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Објавен јавен повик за финансиска поддршка за набавка на трактори

Министерството за земјоделство, шумарство и водостопанство објави јавен повик за доставување на барања за користење на средства од Програмата за финансиска поддршка на руралниот развој за 2025 година, наменет за модернизација на земјоделските стопанства преку набавка на трактори.
Максималната поддршка по корисник изнесува 600.000 денари, поддршката се исплаќа на годишно ниво според реализацијата на деловниот план.
Јавниот повик се однесува исклучително за набавка на трактори – приклучната земјоделска механизација не е покриена.
Право на користење на средствата имаат земјоделски стопанства кои се запишани во Единствениот регистар на земјоделски стопанства во Министерство за земјоделство, шумарство и водостопанство, согласно Закон за земјоделство и рурален развој.
Земјоделци кои во претходните десет години користеле финансиска поддршка за набавка на трактори преку ИПАРД Програмата или Националните програми за рурален развој, не се прифатливи како корисници на оваа мерка.
Крајниот рок за доставување на барањата е 07.07.2025 година.
Економија
Берзите реагираат бурно на расправијата Трамп-Маск, акциите на „Тесла“ паѓаат

На Вол Стрит, берзанските индекси паднаа, главно поради наглиот пад на цената на акциите на „Тесла“, додека пазарот беше поддржан од веста за разговорот помеѓу американскиот и кинескиот претседател Доналд Трамп и Си Џинпинг. Индексот Дау Џонс падна за 0,25 проценти на 42.319 поени, додека S&P 500 се лизна за 0,53 проценти на 5.939 поени, а индексот Nasdaq падна за 0,83 проценти на 19.298 поени.
Акциите на Тесла паднаа за 14 проценти
Цената на акциите на производителот на електрични автомобили „Тесла“ падна за повеќе од 14 проценти, откако јавната расправија помеѓу извршниот директор Илон Маск и Трамп се интензивираше.
Цената на акциите падна во четири од последните пет трговски дена, откако Трамп и Маск ја започнаа својата вербална војна, за време на која „Тесла“ изгуби околу 150 милијарди долари пазарна вредност.
Маск ги засили критиките кон огромниот закон за даночни стимулации на претседателот во последните денови, додека Трамп тврди дека Маск е вознемирен затоа што законот ги елиминира даночните олеснувања за купување електрични возила.
„Последиците за акциите на ‘Тесла’ се очигледни. Но, не гледам никакви значајни последици за остатокот од пазарот, освен мало влијание врз индексите. Генерално, берзата има многу проблеми, но ‘Тесла’ не е еден од нив“, рече Марк Шпигел, менаџер за портфолио во Stanphyl Capital.
Сепак, пазарот беше поддржан од телефонскиот повик меѓу Трамп и Си. Нема дополнителни информации за разговорите, освен дека тие се поканија еден со друг на официјални посети. И тоа беше оценето како позитивно од пазарот, бидејќи неодамнешниот спор околу клучните минерали се закани да го наруши кревкото трговско примирје меѓу двете најголеми економии во светот.
Економија
АД ЕСМ со најповолна понуда за електрична енергија, соопшти „ЕВН хоме“

ЕВН Хоме како универзален снабдувач на електрична енергија, на тендерот за набавка на електрична енергија за задоволување на потребите на корисниците за периодот јули-декември 2025 доби најповолна понуда од АД ЕСМ со купопродажна цена на електрична енергија од 62 евра за мегаватчас, за покривање на 100% од вкупно планираните количини, соопштија од таму.
Оваа цена, како што појаснуваат, е идентична со претходната која беше добиена на последниот тендер на Универзалниот снабдувач (јануари-јуни 2025), кога АД ЕСМ понуди купопродажна цена од 62 евра за мегаватчас.
„Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметри.
Како и секогаш, во крајната цена влегуваат: цената по која АД ЕСМ ја продава електричната енергија на ЕВН Хоме, цената на Преносниот систем оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција“, се истакнува во соопштението.