Контакт

Компании

ВВ „Тиквеш“ исплати над 30% од сумата предвидена за откупот на преземеното грозје во 2016 година

Објавено пред

Винарската визба „Тиквеш“ во 2016 година откупи околу 17,5 милиони килограми грозје со вкупна вредност од 263,5 милиони денари и заклучно со 13.12.2016 исплати околу 84 милиони денари што е над 30% од вкупната вредност на откупот.

Со тоа винарницата ја исполни законската обврска која предвидува до 15-ти декември на лозарите да им бидат исплатени 20% од откупеното грозје во тековната година.

„Исплатувајќи ја првата рата пред определениот рок и над предвидениот износ со Законот, ВВ „Тиквеш“ и годинава покажува со каква сериозност и посветеност го градиме партнерскиот однос со лозарите кои ни го предаваат својот род и чијшто приоритет е квалитетот на грозјето. Ова партнерство е еден од столбовите на потенцијалот на винарницата континуирано да создава врвни вина кои ќе се носат со големите предизвици на висококонкурентните светски вински пазари. Ние ќе продолжиме да вложуваме во него и во иднина“, вели генералниот директор на винарската визба „Тиквеш“, Игор Илиевски.

Партнерството со производителите на грозје е една од стратешките развојни цели и определба на винарницата континуирано да обезбедува исклучиво висококвалитетно грозје за производство на врвни вина. Оваа соработка со лозарите, физички и правни лица, подразбира и стручни совети и нивна едукација за примена на современи агро – технички методи и практики во одгледување и заштита на лозовите насади, со што се креираат услови за производство на грозје со одличен квалитет. На лозарите кои ги почитуваат насоките и упатствата, ВВ „Тиквеш“ им гарантира откуп на грозјето со висок квалитет и обезбедува дополнителен бонус при исплата на тоа грозје. /крај/со/ст

Економија

MyIute – нова мобилна апликација за брзо и лесно аплицирање за кредит

Објавено пред

Следејќи ги најновите светски трендови за дигитализација на личните финансии, Иутекредит Македонија ја лансираше мобилната апликација MyIute, која обезбедува врвно корисничко искуство и достапност до финансии 24/7.

Со ова го олеснуваме начинот на аплицирање за кредит бидејќи сега имаме целосно дигитално решение кое овозможува најбрзо да дојдете до потребните финансиски средства со само неколку кликови од вашиот телефон.

Отсега преку MyIute корисниците ќе можат брзо и лесно да аплицираат за кредит, да ги прикачат сите потребни документи онлајн и во истиот момент да ги добијат парите на својата сметка.

Сето тоа може да се направи онлајн и од каде било – без никакви процедури и потреба од физичко присуство, туку директно од мобилен телефон!

А покрај можноста да се дојде до потребните финансиски средства веднаш, MyIute на корисниците им овозможува во секое време да го следат статусот на нивниот кредит, да платат рата од удобноста на својот дом, да добиваат персонализирани понуди од Иутекредит и партнерите во партнерската мрежа и многу други одлични поволности и бенефити.

Апликацијата е достапна за сите и истата може да ја пронајдете на Google Play и App Store на овој линк.

Иутекредит Македонија е првата небанкарска институција во Македонија и регионот која лансираше мобилна апликација за целосна дигитализација на своите услуги.

(ПР текст)

Прикажи повеќе...

Економија

Патничко осигурување од „Кроација“ со покритие за Ковид-19 до 10.000 €

Објавено пред

„Кроација осигурување“ го прошири патничкото осигурување со целосно покритие за Ковид-19. Проширената патничка полиса, нуди покритие за трошоци за медицински прегледи од страна на овластен лекар, за тестирање во случај на појава на симптоми на Ковид-19, за потребни лекови дадени при вонболничко лекување, за болничко лекување во случај на потврдена инфекција и трошоци за репатријација во случај на потврдена инфекција.

„Граѓаните имаат потреба да патуваат и да се чувствуваат безбедно и сигурно каде и да одат дури и во услови на пандемија, а ние како компанија во тоа ја вложивме целата нашата експертиза и искуство на осигурителниот пазар. Овозможивме безгрижност при патувањата од каква било природа, проследено со целосна наша асистенција и со сите потребни чекори и неопходни информации поврзани со здравствени протоколи во земјата каде осигуреникот престојува. Ова осигурително покритие обезбедува поголема заштита и сигурност за безгрижни патувања”, велат од „Кроација осигурување“.

Патничкото осигурување со Ковид-19 од Кроација е достапно како индивидуално или семејно и важи за патувања во земјите од Европа, Египет, Турција и Русија. Со јасно и прецизно дефинираните услови и предности, ова патничко осигурување нуди целосна здравствена заштита и покритие за Ковид-19. Сите подетални информации за понудата се достапни на линкот.

(ПР-текст)

Прикажи повеќе...

Економија

Јацек Олчак, нов генерален директор на „Филип Морис интернешнл“

Објавено пред

На годишното акционерско собрание што се одржа на 5 мај 2021 година за нов генерален директор на „Филип Морис интернешнл“ (ФМИ) назначен е Јацек Олчак, кој досега ја извршуваше функцијата главен оперативен директор. Истовремено Олчак е избран и за член на Управниот одбор. Досегашниот извршен директор Андре Каланцопулос, кој ја извршуваше таа позиција од 2013 година, е избран за претседател на Управниот одбор на компанијата.

При преземањето на функцијата, Олчак се обврза на забрзана транзиција кон производи без чад што започна во 2016 година. Компанијата е фокусирана на развој, научна валидација и одговорна продажба на производи без чад кои се помалку штетни од пушењето, кон целта да се заменат цигарите со овие производи.

„За мене е голема чест и задоволство да го водам ФМИ на патот на забрзана трансформација во компанија што нуди производи без чад. ФМИ е лидер во научна иновација и нашата амбиција е до 2025 година повеќе од половина од нето-приходите да доаѓаат од производи без чад. Нашата долгорочна иднина се заснова на асортиман што постојано го прошируваме. Ќе се потпреме на нашето научно истражување и експертиза и ќе ги примениме нашите колективни вештини и имагинација за да продолжиме со иновации над постојниот опсег и да истражуваме нови области на развој на бизнисот“, изјави Олчак.

Олчак (56) ја започна својата кариера во ФМИ во 1993 година. Прво беше на различни позиции во секоторот за финансии и во генералениот менаџмент низ Европа, вклучително позиции директор на ФМИ за Полска и Германија и претседател на регионот на Европската Унија, пред да биде назначен за главен финансов директор во 2012 година. Тој ја извршуваше оваа функција до 2018 година, кога стана главен оперативен директор. Магистрирал економија на Универзитетот во Лоџ во Полска.

Олчак е еден од главните двигатели на преминот кон производи без чад на компанијата ФМИ, чија продажба започна со лансирањето на IQOS во Нагој, Јапонија, во 2014 година. Под негово раководство како директор за операции, ФМИ го зголеми удделот на производи без чад во вкупните нето-приходи на 28 проценти во првиот квартал од 2021 година и до 31 март 2021 година ги лансираше овие производи на 66 пазари. Тој исто така ја предводеше комерцијалната трансформација на компанија во која потрошувачите се на прво место.

„Како нов извршен директор, Јацек е во идеална позиција да ја реализира визијата за иднина без чад. Неговата потрага по резултати се заснова на страста кон компанијата и нашите вработени, како и на широко познавање на нашите производи, системи, вредности и инвеститори. Убеден сум дека тој е идеален лидер кој гарантира постојан раст на нашата деловна активност и реализација на вредноста за акционерите. Драго ми е што ќе продолжам да соработувам со него, како претседател на Управниот одбор“, рече Каланцопулос.

„Од самиот почеток, Јацек беше еден од предводниците на трансформацијата на компанијата ФМИ кон производи без чад на меѓународно ниво. Неговите способности и експертиза отвораат ново возбудливо поглавје за нашата компанија. Под негово водство, ние го лансиравме минатата година првиот тутунски производ без чад во Македонија и среќни сме што секоја година сè повеќе луѓе стануваат свесни дека има подобри алтернативи од продолжување со пушењето “, рече Иван Костиќ, извршен директор на Филип Морис Тутунски комбинат Прилеп (ФМТКП).

(ПР-текст)

Прикажи повеќе...

Најново

Македонија1 час

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет1 час

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион3 часа

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ3 часа

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија4 часа

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија4 часа

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија5 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет5 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија6 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет7 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет18 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион20 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт21 час

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ24 часа

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија1 ден

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија1 ден

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија1 ден

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Досие