Контакт

Македонија

Што се гори во печките на „Дрисла“ и каде се инспекторите, прашуваат активистите

Објавено пред

Што се гори во печките на „Дрисла“, што се складира, каков отпад и каков е третманот на тој отпад, дали се запазуваат законите и стандардите, се дел од прашањата кои активистите од „Движењето за чист воздух“ вчера ги доставиле до раководството на скопската депонија. Тие исто така бараат од „Дрисла“ и од Град Скопје да одговорат дали имаат прецизна листа на компании кои депонираат отпад и каков вид отпад, а доколку одговорот е потврден, тие прашуваат дали „Дрисла“ го согорува тој отпад.

Активистите што минатата недела направија петнаесетминутна блокада  пред влезот на „Дрисла“ повикуваат на одговорност и транспарентност околу прашањата кои создадоа голем сомнеж во јавноста дека еден од главните причинители за енормното загадување на Скопје е незаконското и несовесното менаџирање со отпадот во „Дрисла“.

„Ние членовите на ‘Движењето за чист ВОЗДУХ’ на 01.02.2019 при блокадата на ЈП ‘Дрисла’ ги поставивме следниве прашања и ве молиме да ни одговорите на истите: Што се гори во печките на ‘Дрисла’, што се складира, каков отпад и каков е третманот на тој отпад, дали се запазуваат законите и стандардите? Дали ЈП ‘Дрисла’ и Град Скопје имаат прецизна листа на компании кои депонираат отпад и каков вид отпад? Доколку одговорот е позитивен, дали евентуално ЈП ‘Дрисла’ го согорува тој отпад? Дали ЈП ‘Дрисла’ се придржува кон максималниот капацитет на горење на печката? Колкава е температурата на печката за согорување на медицинскиот отпад? Имајќи предивид дека водениот филтер како филтрациска технологија е апсолутно неадекватен за гасниот дел на филтрацијата дали и кога е извршено мерење на гасната структура на филтерот? Каде можат да се видат тие податоци?“, пишува во барањата на активистите.

Тие бараат одговорност и од надлежните  државните органи и прашуваат: каде се инспекторите? Дали некогаш биле вклучени граѓански екоактивисти при реализација на инспекциски надзор?

„Дали имате обезбедено 24-часовен надзор на работата и влијанието на депонијата врз околината и дали подлежите под таков 24-часовен мониторинг? Дали има ноќни и ненајавени контроли.  Кога ќе биде набавен одамна најавениот нов инценератор и какви карактеристики и спецификации поседува, односно кое регулациско тело ги има пропишано истите? Дали сте ги преземале и спровеле законски пропишаните регулативи за мерење на влијанието на трите медиуми: воздух, почва и подземни води? Што точно содржат тие во ‘Дрисла’ и околината на ‘Дрисла’? Имајќи го предвид фактот дека сè уште немате постројка за третман на опасни отпадни води и исцедоци каде завршува контаминираната вода, колкава количина е излеана до денес и на кој начин е депонирана?“, прашуваат активистите.

„Движење за чист воздух“ очекува дека одговорите ќе ги добие во рок од 7 дена, а  доколку одговорот не го добијат во овој временски рок, тие велат дека ќе преземат други активности вклучувајќи долготрајни блокади.

Во битката за намалување на загадувањето тие ќе ги поддржат протестите на иницијатива „Канцерогено општество” што ќе се одржи в сабота пред Собранието.

 

Економија

Бабовски: Со Програмата за рурален развој, неколку села првпат добијa канализација и реконструирани селски чешми

Објавено пред

Директорот на Агенцијата за финансиска поддршка во земјоделството и руралниот развој , Николче Бабовски, и градоначалникот на Општина Чешиново – Облешево, Горанчо Крстев, денеска направија увид на двата проекта кои се реализирани со средства од Програмата за рурален развој.

„Наша приоритена цел е граѓаните на овие населени места да добијат квалитетни услови за живот во селата. Со средствата од Агенцијата за финансиска поддршка, реализиравме два проекта, и тоа реконструиравме стари селски чешми и партерно ги уредивме. Исто така со овие пари за првпат село Бања доби канализациска мрежа, што е од витално значење за жителите на оваа населено место“, истакна градоначалникот Крстев.

Директорот на Агенцијата за финансиска поддршка во земјоделството и руралниот развој, Бабовски, истакна дека преку двата проекта во овој дел од државава се инвестираат близу 18 милиони денари.

„Преку проектот кој денеска го посетивме, обезбедивме вода за селата Стераци, Спанчево, Бања и Соколарци. Додека преку ‘Изградба на фекална канализација во селото Бања’ овозможивме над 300 жители на оваа село за прв пат да добијат канализација со што ќе им го подобриме квалитетот на живот, а позитивно ќе влијаеме и на заштита на животната средина“, истакна Бабовски

Тој истакна дека средствата се неповратен грант, општината треба само да го плати ДДВ-то.

Средствата за реализација на овие проекти се обезбедени од буџетот на Република Северна Македонија поточно од Програмата за рурален развој.

Прикажи повеќе...

Економија

ЕСМ бара бравари, инженери, ракувачи на машини во термоелектрани, електро и машински монтери

Објавено пред

АД ЕСМ бара бравари, инженери, ракувачи на машини во термоелектрани, електро и машински монтери и други стручни лица потребни во производниот процес на компанијата. Огласите се отворени за сите граѓани што ја имаат соодветната стручна подготовка.

Од компанијата велат дека вработувањата се спроведуваат според редовниот план и се спроведуваат по неколку основи: пензионирање работници, зголемен обем на работа, подобрување на технолошко-производниот процес, воведување нови капацитети, како што е когенеративната електрана КОГЕЛ во рамките на подружницата „Енергетика – Скопје“, потоа почнување со изградба на нови капацитети, како што е фотоволтаичната електрана во Осломеј итн.

„АД ЕСМ се соочува со неповолна старосна структура на вработените, односно просечната возраст изнесува 58 години, факт што го обврзува секое одговорно раководство да преземе мерки за одржлив кадровски систем, кој има ефекти на долг рок. АД ЕСМ вработува и сега и ќе продолжи да вработува во согласност со потребите за производство на електрична енергија, ископ на јаглен и развој на најголемата и стратегиски најважна компанија во сопственост на државата“, соопшти компанијата.

Прикажи повеќе...

Економија

Жерновски: За две години, во земјата се инвестираа 741 милион евра директни странски инвестиции

Објавено пред

Заменик-министерот за надворешни работи, Андреј Жерновски, пред одржувањето на редовната 4-та седница на Владата во Штип, а во рамките на теренските настани, ја посети компанијата за текстилна индустрија „Семак фешн“.

Оваа фирма е основана од германска компанија, која 20 години работи во нашата држава. Во самиот погон има 300 вработени, но вкупниот број ангажирани лица што учествуваат во целокупниот процес изнесува 1.000 вработени.

При посетата на „Семак фешн“, заменик-министерот Жерновски истакна дека за две години во Северна Македонија се инвестираа 741 милион евра директни странски инвестиции. „Причините за овој позитивен тренд се јасни – надминување на политичката криза, решавање на сите наши билатерални спорови со соседите и откочување на евро-атлантските интеграции. Фокусот на економијата, заедно со членството во НАТО, ќе донесе уште повеќе странски инвестиции“, изјави Жерновски.

Денеска, на Северна Македонија се гледа како на безбедна и заштитена земја со Влада која стимулира нови бизниси и инвестиции, посочи заменик-министерот Жерновски.

Како резултат на добрите услови за водење бизнис, Реублика Северна Македонија е рангирана на 10-то место во категоријата ease of doing business во извештајот од Светската банка за 2019 година (Doing Business Report 2019). Како за споредба со земјите членки на ЕУ, Чешка се наоѓа на 35-тото, Словенија на 40-тото место, Хрвтска на 58-тото и Бугарија на 59-тото место.

„Семак фешн“ е една од најголемите производители на женски кошули во Германија, а облеката се испорачува во 2.000 продавници – бутици во Европа и светот. Годишно произведуваат 650.000 кошули, кои се доставуваат до над 2.000 продавници во светот.

Прикажи повеќе...

Најново

Култура11 час

Владата ќе ги плати трошоците за патување на екипата на „Медена земја“ на „оскарите“

Владата ќе ги плати патните трошоци за патувањето на петчлената филмска екипа и за хероината на филмот „Медена земја“ Атиџе...

Свет12 часа

Прв случај на мистериозниот вирус во САД

Официјални лица од здравствените власти го потврдија првиот случај на мистериозниот корона вирус во САД, кој уби шест луѓе во...

Спорт13 часа

Норвежаните во полуфинале по триумфот над Исланд (видео)

Норвешката ракометна репрезентација се приклучи на Хрватска и на Шпанија во полуфиналето на Европското првенство, откако во нордиската пресметка со...

Свет14 часа

Папата до учесниците на форумот во Давос: Луѓето, а не профитот, мора да бидат во центарот на политиката

Папата Франциско испрати писмена порака за да ги потсети делегатите на годинешниот Светски економски форум во Давос на моралната обврска...

Регион16 часа

Брисел: Летот меѓу Белград и Приштина е чекор кон нормализација на односите

Воспоставувањето на комерцијален лет помеѓу Белград и Приштина е добар чекор кон нормализирање на односите, изјави денеска Питер Стано, портпарол...

Свет18 часа

Паника во светот поради новиот вирус, ригорозни контроли на аеродромите и железничките станици

Земјите во Азија и другите делови на светот почнаа со проверки на телесната температура на аеродромите, железничките станици и автопатиштата....

Македонија19 часа

(Видео) Ѓорчев: 10.000 граѓани лани се иселиле во Германија

Речиси 10.000 граѓани во 2019 година добиле работни визи и заминале во Германија, рече опозицискиот пратеник Владимир Ѓорчев, кој додаде...

Македонија20 часа

Димитров во Давос: Крајно време е да тргнеме напред

Крајно време е Северна Македонија да направи чекор напред на својот европски пат: отворање на заслужените пристапни преговори со ЕУ,...

Македонија21 час

Дерковски: Избирачкиот список никогаш не може да биде идеално чист

Претседателот на Државната изборна комисија, Оливер Дерковски, се надева дека на престојните избори нема да има злоупотреба на лични карти...

Македонија21 час

Османи до партиите: Донесете го Законот за Јавното обвинителство пред изборите

Вицепремиерот Бујар Османи смета дека законот за Јавно обвинителство, кој со месеци е заглавен во Собранието, треба да биде донесен...

Свет22 часа

(Видео) Грета во Давос: Ништо не направивме за климатските промени

Младата активистка за борба против климатските промени, Грета Тунберг, одржа говор на годишниот собир на Светскиот економски форум, кој се...

Свет23 часа

Маж од Австралија со симптоми на смртоносниот корона вирус ставен во карантин

Здравствените власти во Квинсленд потврдија дека во Австралија, најверојатно, се појавил првиот случај на зараза со новиот смртоносен корона вирус...

Свет24 часа

Почнува судењето за импичмент на Трамп, адвокатите повикаа веднаш да се ослободи претседателот

Во Сенатот на американскиот Конгрес почнува судскиот процес за импичмент на претседателот Доналд Трамп. Минатата недела Претставничкиот дом ги испрати...

Економија24 часа

Отворен 50. Светски економски форум во Давос

Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од...

Регион24 часа

Во БиХ секоја година умираат по 3 300 луѓе како последица на загадениот воздух

Во Босна и Херцеговина секоја година прерано умираат околу 3 300 луѓе како последица на изложеноста на воздух загаден со...

Забава1 ден

Автомобилите на Пол Вокер продадени на аукција за 2,33 милиона долари

Дваесет и едно возило во сопственост на трагично починатиот актер Пол Вокер, најпознат по улогата во популарната филмска франшиза „Брзи...

Македонија2 дена

Атиџе од „Медена земја“ добива работа во Општина Лозово и ќе сними две песни

Градоначалникот на општина Лозово, Ацо Велковски, објави дека Атиџе Муратова од филмот „Медена земја“ по турнеите ќе биде работно ангажирана...

Македонија2 дена

Царинска управа: Го подигнавме степенот на проверка на секаков отпад

Во контекст на актуелизирањето на увозот на отпад во земјава, посебно по случувањата во соседството, Царинската управа дополнително го подигнала...

Економија2 дена

Дизелот поевтинува

Од ноќеска на полноќ дизелот ќе поевтини 1,5 денар, а цената на бензините ќе остане иста, соопшти Регулаторната комисија за...

Македонија2 дена

Командир од Полициската станицата Гази Баба сексуално вознемирувал полицајки

Командир во полициската станица Гази Баба сексуално вознемирувал три колешки. Против него ќе биде поведена постапка за утврдување дисциплинска одговорност...

Досие