Македонија
Започнува светскиот економски форум во Давос, Македонија повторно без преставник

Швајцарија односно туристичкото место Давос е домаќин на 47-от годишен состанок на Светскиот економски форум (WEF).
Политички лидери, извршни директори на најголемите светски економии, како и светски познати личности, актери и пејачи се очекува да бидат дел од овој форум кој почнува денеска, а ќе трае до 20-ти јануари.
На форумот се очекува да присуствуваат околу 3.000 учесници, од околу 100 земји. Џи Јинпинг ќе биде првиот кинески претседател кој ќе присуствува на годишниот собир на светските и бизнис лидерите на швајцарските Апли во 47-годишната историја.
Учеството на кинескиот претседател, го поздрави и основачот на WEF, Клаус Шваб, кој апелираше до сите годинешни учесници „да го надминат актуелното расположение на раздор и негативизам“.
Иако новоизбраниот американски претседател Доналд Трамп нема да присуствува на форумот, бидејќи в петок го презема претседателскиот мандат, еден од неговите главни советници, Ентони Скарамучи, веќе утре ќе зборува за новите планови на американскиот претседател.
Извештајот на WEF за глобалните ризици, објавен во пресрет на оддржувањето на форумот, покажаа дека растечката нееднаквост, популизмот и климатските промени, се најголемите ризици за светот во следните десет години.
За само една година од минатогодишното собирање на светската елита во швајцарските Алпи, светот драстично се промени, како најголеми промени изборот на Доналд Трамп за американски претседател, одлуката на Велика Британија да истапи од Европската Унија, како и длабокото незадоволство на јавноста од процесот на глобализација.
Од регионит како и минатата така и оваа година во Давос ќе биде и српскиот премиер Александар Вучиќ, додека пак Македонија 14 година по ред нема да присуствува на ова светско случување.крај/мф/дѓс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Првите четири банки од земјава впишани во регистарот на Европскиот совет за плаќања – започнува членувањето во СЕПА

Европскиот совет за плаќања (ЕПС) ги впиша првите четири банки од нашата земја – станува збор за три големи и една средна банка – во регистарот на учесници во шемата за кредитни трансфери на СЕПА. Овој важен чекор е резултат на успешно поднесени барања од страна на овие банки, а со тоа официјално започнува и членувањето на нашата земја во СЕПА.
Овие банки ќе започнат со вршење на кредитните трансфери во СЕПА од 6 октомври 2025 година.
Се очекува и останатите осум деловни банки, кои најавија дека ќе поднесат барања во периодот од јуни до август оваа година, ќе бидат впишани во регистарот на ЕПС и ќе започнат со вршење на плаќањата во рамките на СЕПА до 6 октомври.
Да потсетиме, на 6 март 2025 година ЕПС го прифати барањето за членство коешто го достави Народната банка за нашата земја, со што станавме членка на Единствената област за плаќање во евра (СЕПА). Со ова се овозможи приклучување на домашните банки во европските платежни шеми преку кои се извршуваат плаќањата во евра, во географски опсег од 41 земја членка.
Интеграцијата на банките од земјава во европскиот платежен екосистем носи бројни придобивки за граѓаните и за компаниите – пред сѐ побрзи, поефикасни и поевтини прекугранични плаќања во евра, како и поголема економска поврзаност и активност.
Народната банка, како институција којшто ги координираше активностите за членство во СЕПА, останува целосно посветена на процесот на интеграција на банките и ќе продолжи редовно и навремено да ја информира јавноста за постигнатиот напредок.
Економија
Владата: Исплатени се субвенции на 70.000 земјоделци во вредност од повеќе од 9 милијарди денари

Исплатени над девет милијарди денари субвенции на над 70.000 земјоделци.
Владата соопшти дека се врши редовна исплата на субвенциите и со тоа им се дава директна поддршка на земјоделците да продолжат со своето производство.
„За една година, Владата и МЗШВ успеа да ги исплатат заостанатите субвенции на земјоделците за сите категории од 2021, 2022, 2023 година, а се исплаќаат и тековните субвенции. Покрај ова, како Влада успеавме да ги подобриме земјоделските политики и наместо земјоделските производи да се фрлаат, истите сега се откупуваат по пристојни цени од страна на откупувачите. Промените се очигледни. Тие се случуваат. Времето на промените е тука, работиме и ја вреднуваме маката на земјоделците“, велат од владината прес-служба.
Се додава дека оваа Влада е земјоделска и земјоделците после седум години конечно имаат партнер.
Економија
Од полноќ поскап дизел

Од полноќ максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 76,00 (денари/литар)
– Моторен бензин – ЕУРОСУПЕР БС – 98 – 78,00 (денари/литар)
– Дизел гориво – ЕУРОДИЗЕЛ БС (Д-Е V) – 72,00 (денари/литар)
– Масло за горење – Екстра лесно 1 (ЕЛ-1) – 70,00 (денари/литар)
– Мазут М-1 НС – 40,928 (денари/килограм)
Малопродажнaта цена на ЕУРОДИЗЕЛ (Д-Е V) се зголемува за 2,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат.
Ова се максималните цени на нафтените деривати од 00:01 часот на 21.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.