Контакт

Македонија

Нови механизми во следењето на енергетскиот пазар

Објавено пред

Во четвртокoт пред пошироката јавност беа првпат претставени целите и исходите на Твининг проектот финансиран од Европската Унија, под името „Институционално зајакнување на Регулаторната комисија за енергетика“ (РКЕ)

Овој амбициозен проект што ги здружува напорите на проектните партнери од Македонија и Австрија, е насочен кон исполнување на целта поврзана со поддршка на РКЕ при усогласувањето на својот институционален капацитет со законодавството на Европската Унија од областа на енергетиката, во рамките на временски период од 16 месеци. Првите цели предвидени за досегашната утврдена временска рамка се веќе исполнети, велат организаторите.На почетната работилница за овој проект од јавен карактер, којашто се одржа во Инфо-центарот на ЕУ во Скопје, присуствуваа клучните актери на полето на енергетската политика и регулирањето: на претставниците на РКЕ им се придружија колегите од австрискиот регулаторен орган за енергетика – E-Control, претставници на Делегацијата на ЕУ, домашни и меѓународни институции, енергетски органи, создавачи на политики, академици, регулирани компании, како и претставници на медиумите.„Република Македонија е прва земја во регионот чии проекти се одобрени од Европската комисија и прва земја која на 30 октомври 2007 г. ја потпиша финансиската спогодба, што овозможи користење на средствата од ИПА фондовите“, рече вицепремеирот за економски прашања, Владимир Пешевски. Тој додаде дека проекти од типот како што е овој „придонесуваат за развојот на функционална пазарна економија, подобрување на деловната околина и зголемување на меѓународната конкурентност на стопанството“, од кои ефектите водат кон создавање на трајни вредности и придобивки за сите учесници, што во друга изјава го потврди Лукас Мелка од Делегацијата на ЕУ. Дирк Бушле од Секретаријатот на Енергетската заедница истакна дека: „Регулаторните органи се наши природни сојузници кога станува збор за промовирање на зајакнувањето на енергетските пазари во интерес на сите потрошувачи“. Амбасадорот на Австрија, Алоис Краут, истакна, пак, дека постојат навистина многу сличности меѓу двете земји.Преку воспоставувањето партнерски односи меѓу два органа коишто се активни на исти полиња во различни земји, твининг проектите се особено погодни за постигнување одржливи резултати, нагласи  Димитар Петров, претседател на РКЕ, во рамките на неговото обраќање за долгорочните цели на регулирањето во Македонија. Осврнувајќи се токму на овој проект, тој истакна дека: „Проектот несомнено ќе придонесе кон уште поголемо подобрување на капацитетите на РКЕ, особено во однос на следењето на енергетските пазари, лиценцирањето, односите со заинтересираните страни и со медиумите, како и во однос на подобрувањето на внатрешните процедури“. Неговиот колега од австрискиот E Control, Валтер Болц, детално претстави како проектот се вклопува во пошироката слика. „Со воведувањето на третиот енергетски пакет во ЕУ се менува целата регулаторна рамка и тоа порано или подоцна ќе има влијание и врз земјите од Енергетската заедница. Нашиот заеднички твининг проект ќе и’ помогне на РКЕ и во подготовката за таквите идни предизвици“, изјави Болц.Твининг проектот „Институционално зајакнување на Регулаторната комисија за енергетика“ го финансира Европската Унија со вкупен буџет од 600 илјади евра. Проектот заеднички го спроведуваат Агенција за европска интеграција и економски развој (АЕИ), E-Control, aвстриски регулаторен орган за пазарите на електрична енергија и на гас; Регулаторна комисија за енергетика во Македонија; EXAA, австриска енергетска размена; TÜV, австриски институт за стандардизација; како и AGEN-RS, регулаторен орган за енергетика на Република Словенија.Временскиот период утврден за спроведување на Твининг, како што спомнавме претходно изнесува шеснаесет месеци, а од него се очекуваат да даде резултати во воведувањето ефикасен систем за следење на сообразноста со лиценците, со примена кај производството на електрична енергија и на топлинска енергија. Исто така, се очекуваат и значајни резултати во преносот на електрична енергија и природен гас; дистрибуција на електрична енергија, топлинска енергија и природен гас; снабдување, трговија со и прекуграничен пренос (увоз, извоз, транзит) на електрична енергија, како и соодветна обука за системот за следење на сообразноста. Со оваа програм е планирано воспоставувањето механизми за следење на пазарот коишто би гарантирале недискриминација, ефикасна конкуренција, и ефикасно функционирање на пазарот, потоа ревидирање и спроведување на процедурите за управување со квалитетот, со акцент на внатрешните процедури за комуникација, процедурите за архивирање и за управување со документи, како и на внатрешните правила за намалување на ризикот од коруптивно однесување; како и соработка со релевантните заинтересирани страни, зајакнување на мрежата на заинтересирани страни, и подобрување на соработката меѓу РКЕ и релевантните органи на национално, регионално и на европско ниво.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Ангеловска-Бежоска на 43. средба на Клубот на гувернерите

Објавено пред

Гувернерката на Народната банка, Анита Ангеловска Бежоска учествуваше на 43. средба на Клубот на гувернерите на централните банки од Централна Азија, Црноморскиот Регион и Балканот, која заради околностите коишто ги наметнува пандемијата на Ковид-19 се одржа телеконференциски.

На средбата учествувале гувернери и други претставници на централни банки од околу дваесет земји.

На настанот особено биле посочени активностите за обезбедување поповолни услови за отплата на банкарски кредити од страна на кредитокорисниците погодени од кризата и стимулирање натамошно поповолно кредитирање, особено на погодените сектори.

„Сите овие мерки се дел и од веќе преземените мерки на нашата централна банка. Тоа уште еднаш потврдува дека и во текот на актуелната корона-криза, Народната банка, во рамки на своите надлежности остварува максимален придонес за македонската економија“, се наведува во соопштението за настанот.

Во текот на дискусијата било укажано и на потребата централните банки да имаат постепен пристап при преземањето на мерките и да остават дополнителен простор, со оглед на присутната неизвесност во однос на времетраењето на кризата.

Гувернерите ја потврдиле заложбата за водење политики кои ги поддржуваат ценовната и финансиската стабилност, а дополнително, во рамки на просторот за делување на централните банки, и поддршка на економското заздравување во времетраење колку што е потребно за да се надмине кризата предизвикана од пандемијата.

Учеството на Ангеловска-Бежоска на средбата на Клубот на гувернерите е уште една потврда на определбата на Народната банка да биде активен учесник во активностите на централнобанкарската заедница и во период на корона-кризата.

 

Прикажи повеќе...

Економија

Изминатите три месеци 11.904 луѓе останале без работа

Објавено пред

По основ на прилив од работен однос, во периодот од 11 март до 31 мај, во Агенцијата за вработување, статус на невработени лица стекнале 11.904 лица, а за кои претходно имало регистрирана пријава во задолжително социјално осигурување.

Според основот на престанок на работниот однос, од 11.904 лица, кои стекнале статус на невработени, 5.703 лица (47,9 отсто) се поради истек на определено време, 3.082 лица (25,9 отсто) се поради спогодбен престанок на работен однос, 1.169 лица (9,8 отсто) се поради отказ од работодавецот, 1.112 лица (9,3 отсто) се поради отказ од страна на работникот, 380 лица (3,2 отсто) се поради отказ од деловни причини (технолошки, економски, организациски и слични промени), 104 лица (0,9 отсто) се поради стечај – ликвидација, 76 лица (0,6 отсто) се поради престанок на дејноста на работодавецот, а преостанатите 278 лица (2,3 отсто) се поради други основи на престанок (записник од Државниот инспекторат за труд, судска пресуда и сл.).

Според претежната дејност на работодавецот, најголем дел од приливот на невработени лица од работен однос е од преработувачката индустрија, 4.230 лица или 35,5 отсто, потоа од дејноста трговија на големо и трговија на мало, 2.324 лица или 19,5 отсто, како и од дејноста објекти за сместување и сервисни дејности со храна, 1.432 невработени лица или 12,0 отсто.

Според школска подготовка, од приливот на невработени лица од работен однос, 6.961 (58,5 отсто) лица се со непотполно средно и завршено средно образование, 3.128 лица (26,3 отсто) се без образование и со основно образование, а 1.815 (15,2 отсто) лица се со вишо и високо образование.

Според возраст на лицата, повеќето се на возраст од 30 до 49 години (5.729 лица или 48,1 отсто), на возраст до 29 години се 3.276 лица (27,5 отсто), а на возраст над 50 години се 2.899 лица (24,4 отсто).

Вкупниот број на невработени лица евидентирани во Агенцијата за вработување во периодот март – мај 2020 година бележи зголемување од 12.297 лица.

Прикажи повеќе...

Економија

380 компании симнале апликација за брзо закрепнување од Ковид-19, жените прептприемачи имаат предност

Објавено пред

jovan-despotovski

За да не изразуваме жалење одново и одново поради тоа што малку компании раководени од жени аплицираат за државна поддршка, воведовме поткритериум со кој ќе им дадеме предност и шанса плус на овие компании, вака директорот на Фондот за иновации, Јован Деспотовски, го најави последниот повик за државна помош за компании за брзо закрепнување од последиците од Ковид-19. Од Фондот велат дека иако сè уште немаат податоци колку компании раководени од жени аплицирале, има интерес за оваа поддршка за која аплицирањето почна во петокот. Освен за компаниите раководени од жени, предност е дадена и на компании од помалку развиените региони.

„ На јавниот повик Кофинансирани грантови за технолошки развој за надминување на последиците од Ковид-19 од објавувањето на 29.05 до 03.06 се симнати 380 апликациски пакети, што покажува дека има голем интерес кај компаниите. Ова е прв повик во кој директно се поттикнува рамномерен регионален развој и женско претприемништво“, велат од Фондот за иновации.

Компаниите раководени од жени и компаниите од помалку развиените региони ќе имаат предност во бодувањето. За нивото на технолошки развој и степенот на дигитализација предвидени се 35 од сто поени, за квалитетот на изготвениот предлог 10 од 100, за капацитетот на проектниот тим 10 од сто и за влијанието на проектот можни се 45 од сто поени. Поткритериумите за предност на женско претприемништво и за рамномерен регионален развој се сместени во критериумот влијание, кој носи најмногу поени.

„Во однос на застапеноста на жени сопственици и управители во самите компании, бодувањето е многу едноставно. Сите апликанти кои во сопственичката структура или во управувачката структура имаат жена ќе имаат 5 поена, сите останати ќе имаат нула. Тоа значи дека во рамки на овој поткритериум во делот на влијание, охрабруваме, и ја користам оваа прилика повторно да ги охрабрам жените претприемачи да аплицираат“, објасни директорот Деспотовски кога го претстави овој инструмент за брзо закрепнување од последиците од Ковид – 19.

Во рамки на критериумот за влијание е сместен и поткритериумот со кој се дава предност на компании од помалку развиените региони.

„ Компанија која доаѓа од Северозападниот Плански Регион ќе има максимален број по тој поткритериум, додека компанија која доаѓа од главниот град ќе има минимален број. Тоа значи дека сите компании од помалку развиените региони имаат шанса плус, предност при аплицирањето и ги охрабрувам да аплицираат“, рече директорот Деспотовски.

Во рамки на критериумот влијание има поткритериуми кои се однесуваат на потенцијалот за генерирање  приходи и добивка на самиот бизнис план. Има критериум колку самиот проект предвидува спроведување на заштитни мерки за вработените и потрошувачите, и, она што од Фондот сметаат дека е многу важно, има соодветен поткритериум кој оценува како самиот апликант ќе се однесува во однос на работните места кои во моментот ги има компанијата. Овозможено е соодветно оценување, односно наградување на сите оние кои ќе предвидат, не само задржување, туку и зголемување на бројот на работни места во компанијата.
Новина со овој повик е и тоа што нема подарок пари од државата, како што вели директорот Деспотовски, туку компаниите кои добиле грант, кога ќе почнат да остваруваат добивка, ќе враќаат пари на државата. Оние кои нема да остварат добивка нема да имаат таква обврска.

Буџетот на Фондот за овој повик е 3,3 милиони евра, пари со кои може да се обезбеди поддршка за околу 150 микро, мали и средни компании. Компаниите може да аплицираат со проекти за дигитализација во компаниите, воведување протоколи за заштита на вработените, подобрување на организациската структура и реорганизација на работните процеси, воведување нови производи и услуги или значително подобрување на постојните, особено на оној сегмент за којшто постои зголемена побарувачка и во време на криза и за кој се очекува дека ќе постои побарувачка и во време на посткризниот период, обука за среднорочно планирање на бизнисот и обука за вработените, како и сите мерки кои компаниите сметаат дека ќе им помогнат не само во подобро прилагодување туку и во развој.

Во овој повик, за разлика од претходните од Фондот, дозволено е платите за луѓето кои ќе го реализираат проектот да бидат прикажани како трошоци кои може да се покријат од грантот.

Повикот ќе биде отворен со 26 јуни.

Прикажи повеќе...

Најново

Македонија19 минути

Осумдесет од новите случаи кажале дека немале контакт со заболено лице

Сто лица од новите 180 заразени со коронавирус кажале дека во изминатиот период имале контакт со потврден случај инфициран од...

Македонија52 минути

НАкС: Со одлуката на Владата повеќе нема правна дилема за спроведување на изборите на УКИМ

Со одлуката на Владата  да се стават во мирување сите активности за избор на органи на управување повеќе нема правна...

Регион1 час

Вучиќ: Нема среќно решение за Косово

Српскиот претседател, Александар Вучиќ, изјави денеска дека кога станува збор за Косово, нема среќно решение за Србија и дека, какво...

Свет2 часа

Минеаполис им забрани на полицајците да применуваат сила со задушување при апсење

Градското собрание на Минеаполис донесе одлука за забрана за задушување на лице за време на полициско апсење. Одлуката доаѓа по...

Свет4 часа

(Видео) Џастин Трудо клекна на колена во знак на поддршка на демонстрантите

Премиерот на Канада, Џастин Трудо, клекна на колена во знак на солидарност со демонстрантите на вчерашниот протест против расизмот што...

Свет4 часа

(Видео) Трамп: Ова е прекрасен ден за Флојд

Претседателот на САД, Доналд Трамп, за време на конференцијата за економското закрепнување на Америка, зборуваше и за протестите по убиството...

Спорт5 часа

Брендот Џордан ќе донира 100 милиони долари за борбата против расизмот

Брендот „Џордан“ во наредните 10 години, поради убиството на Џорџ Флојд и новонастанатата ситуација во САД, ќе донира 100.000.000 долари,...

Македонија15 часа

Влада: 30 милиони денари за здруженија и фондации за справување со корона кризата

Владата на денешната седница ја разгледа и усвои Програмата за финансирање на програмските активности на здруженијата и фондациите за мерки...

Свет18 часа

СЗО: Секој треба да носи маска на јавен простор

Светската здравствена организација ги ажурираше своите насоки во борбата против Ковид-19 и сега препорачува дека секој треба да носи маска...

Македонија20 часа

Не се планираат рестрикции од понеделник и покрај бројките на новозаболени

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко...

Македонија21 час

Заболени 11 здравствени работници од ГОБ „8 Септември“

Единаесет здравствени работници од ГОБ „8 Септември“ се заболени од коронавирусот. Дополнително, новозаболени има и од Гинеколошко-акушерската клиника, соопшти министерот...

Македонија21 час

Филипче: 90 отсто од новозаболените се асимптоматски, кластерите се под контрола

Ситуацијата е под контрола, убедува министерот за здравство Венко Филипче откако денеска земјава го достигна пикот според новозаразени. Тој не...

Македонија22 часа

Регистрирани 180 случаи на коронавирус, 109 се од Скопје

Министерството за здравство информира дека во последните 24 часа се направени 1272 тестирања, а регистрирани се 180 нови случаи на...

Македонија22 часа

Петровска: Пронајдени се снимките од кафеаната каде што беше Мицкоски

Одземен е уредот за снимање од кафеаната каде што седел лидерот на ВМРО-ДПМНЕ, Христијан Мицкоски, кога инспектори беа спречени да...

Македонија23 часа

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија1 ден

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет1 ден

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ1 ден

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа1 ден

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Свет1 ден

(Видео) Илјадници луѓе на комеморацијата за убиениот Џорџ Флојд

Илјадници луѓе присуствуваа на комеморацијата за Афроамериканецот Џорџ Флојд, кој беше убиен за време на полициско апсење во Минеаполис. Меѓу...

Досие