Австриските компании кои работат во Македонија се пооптимистични во однос на лани, а уште пооптимистични во поглед на 2015 година, но бараат подобрување на инфраструктурата, намалување на бирократијата и во борбата против корупцијата.

Ова се резултатите истражување на бизнис климата меѓу австриските компании кои работат во Македонија, што во средата во Скопје на пре сконференција ги претстави Трговското одделение при Австриската Амбасада.

„Во 2014 спроведовме анкета за бизнис климата во Македонија, по втор пат. Во споредба со резултатите од лани, австриските компании се за нијанса пооптимистични за 2014 и уште поомтимистични за 2015 година. Половина од компаниите очекуваат поголем промет и планираат нови вработувања и зголемување на инвестициите. Сепак, постојат и бројни предизвици. Трите врвни приоритетни барања (очекувања) на австриските компании во однос на mакедонската Влада се подобрување на инфраструктурата, намалување на бирократијата и борбата против корупцијата. Нaшата канцеларија, проактивно, поддржува голем број австриски компании кои се соочуваат со тешкотии на македонскиот пазар, посебно кога се работи за јавни набавки “, вели Герхард Шлатл, шеф на Трговското одделение при Австриската амбасада во Скопје.

Тој информираше дека во однос на општите услови за работа, најголемите разлики меѓу очекувањата и реалноста се јавуваат во областите како платежен морал, борбата против корупцијата и напредокот во ЕУ интеграциите.

Австриските компании во Македонија најмногу се задоволни од човечките ресурски, од локалните добавувачи од процедурите за добивање на дозвола и од царинскиот систем,

Целна група на истражувањето биле менаџерите на австриските компании во Македонија, а стапката на одговор на анкетата изнесувала 28%.

На прашањето како ја оценувате моменталната економска состојба, 39 отсто до анкетираните одговориле задоволителна, 36 отсто незадоволителна, а 23 отсто добра, што според Шлатл е благо подобрување во однос на лани.

Запрашани како ја предвидуваат економската состројба во Македонија во 2015 година, 55 отсто до испитаниците одговориле иста како и 2014 година, а 40 отсто очекуваат подобра година.

Многу попозитвни одговори се дадени кога е во пррашање состојбата во секторот во кој работат компаниите, како и за состојбата во самата компанита. Така, повеќето од половината од испитаните, или 54 отсто очекуваат дека малку ќе се подобри состојбата во нивниот сектор во следната година, додека 50 отсто ја оценуваат како задоволителна моментата состојба во нивната компанија, а 32 отсто сметаат дека состојбата е добра.

За 2015 година, 60 % од австриските компании очекуваат раст на прометот, нови вработувања и зголемување на инвестициите.

На прашањето како го оценувате досегашниот развој на Македонија во однос на привлекување на странски инвеститори, 51 отсто рекле задоволителен, 26 отсто добар, 13 отсто многу добар, а 10 отсто незадоволителен.

Според најновата официјална статистика на Народната банка на Македонија, вкупниот износ на австриските директни инвестиции во земјава изнесува 437 милиони евра до крајот на вториот квартал на 2014 година.

Австрија е еден од најголемите инвеститори во Македонија и се наоѓа на третото место по Холандија и Грција.

Во Македонија се основани повеќе од 45 претријатија со австриски капитал, но речиси и да нема компанија која се занимава со производство.

Трговското одделение при Австриската Амбасада најви дека во средината на октомври ќе организира посета на Виена за македонски компании од прехранбениот сектор и воспоставување на контакт со автриски компании./крај/