Цената на становите во Македонија и покрај условите за намалување ќе остане непроменета и во наредниот период, затоа што пазарот го диктираат пет фирми, а за тоа да се промени потребен е влез на странски градежни компании, сугерира анализата на „Фортон“, консултантска компанија за недвижности:
 

Цената на становите во Македонија и покрај условите за намалување ќе остане непроменета и во наредниот период, затоа што пазарот го диктираат пет фирми, а за тоа да се промени потребен е влез на странски градежни компании, сугерира анализата на „Фортон“, консултантска компанија за недвижности:

Во првата половина од годинава споредено со втората полугодие од минатата година продажбата на станови е зголемена за 30,5 отсто, но зголемената пазарна побарувачка к не влијаела на просечните пазарни цени кои останале стабилни на 979 евра за метар квадратен.Влатко Богоевски, генерален директор на „Фортон Македонија“, информира дека изградба на метар квадаратен станбена површина, инвеститорите ги чини од 443 евра до 650 евра. „Вкупно цената за изградба чини 443 евра по метар квдаратен односно 650 најскапо. Ако земеме предвид дека 979 евра  е просечна цена во тој случај доаѓаме до тоа дека внатрешната стапка IRR интернал рејт оф ретурн  за инвеститорите на становите се движи од 20 до 45 проценти. Овде се работи за огромни профити и се некарактеристични за поразвиените  земји,   како на пример Австрија, Унгарија, Полска, Бугарија, каде обично профитите се движат од 8 до 15 отсто“, рече Богоевски. Според него, потребно е подобрување на целосната бизнис клима за да има повеќе заинтересирани странски инвеститори за секторот на недвижности. Се очекува банките дополнително да ја конкуренцијата на пазарот на станбени кредити со понуда на ниски каматни стапки. До крајот на 2016 година се очекува на пазарот да се испорачаат 4.392 нови станбени единици. Поголемиот дел, речиси 70 отсто од новата понуда ќе биде во општина Аеродром, општина Карпош и во општина Центар”.Во Општина Аеродром просечната пазарна цена изнесува 940 евра за метар квадратен, во Центар 1.161 евро, а во Општина Карпош 1.100 евра.Најбарани се становите со површина од 67 квадрати, а во Скопје такви се 83 отсто од изградените станови. Најпродавани се становите со 54 и 59 квадрати со две спални.Според анализата на „Фортон“ политичката криза во државата најмногу го погоди сегментот на деловниот простор.„Вкупната закупена површина  на деловен простор во  првата половина на годинава се зголеми за 94 проценти во споредбата со втората половина од минатата година.  Ова е многу голем раст  и ако не настанеше политичката криза овој процент ќе беше многу поголем. Од политичката криза најпогоден беше секторот на деловниот простор  од причина што најактивни беа  ИТ компаниите и КОЛ центрите кои што доаѓаат  и кои донесоа најмногу одлуки да ги одложат своите инвестиции поради политичките случувања.  Овој сектор има голем раст, но ако не се случеше кризата ќе имаше уште поголем раст“, наведе Богоевски.Кај хотелите, пак, просечното ниво на исполнетост се задржало на 44 отсто. Во споредба со крајот на 2014 година, просечната дневна цена се намалила на нивото од 110 евра, а пресметаниот приход по соба се намали на 55 евра./крај/мф/ап