Македонија
Македонија ги престави туристичките потенцијали на Светскиот туристички саем

Македонија, преку Агенцијата за промоција на туризмот ги престави своите потенцијали на Светскиот туристички саем (ВТМ), кој од 7. до 9.ноември се одржа во Лондон.
Македонија своето преставување го имаше во повеќе области; археологија, историја, култура, лов и риболов, рурален туризам, носе престави и преку класичниот класичен туризам како дел од традицијата (Галичка свадба) и настани како што се карневалите.
ВТМ брои 5.000 учесници од целиот свет и 50.000 професионалци од светската туристичка индустрија. На овој саем на масата на туристи им се нудат нови понуди и им се откриваат нови дестинации.
Основна работа на ВТМ не е да биде само манифестација на која ќе се прават зделки за пакет арнажмани, туку да стане вистинска берза на која секоја земја ќе може да го прикаже она што го нуди, она за што верува дека ќе ги привлече купувачите, истакнуваат од Агенцијата.
На македонскиот штанд во големиот изложбен простор Ексел, во источнот дел од Лондон, со свои понуди присутни беа и агенциите Фибула, Визит МК и Го-Балкан.
На манифестацијата, традиционално, сите учесници се трудат да уредат атрактивен штанд, нудејќи ги на него, често и раскошно, својата култура, традициите и кујната, во што посебно се истакнуваат африканските, латиноамриканските и карипските земји.
На Светскиот туристички саем учествуваа и Грција односно Турција како најдоминантни земји од овој регион, а свои понуди имаа и Хрватска и Бугарија. Годинава за прв пат своите потенцијали ги престави и Албанија.
Македонија меѓу 2009 и 2015 година бележи раст на туризмот од 13 отсто, а најбројни се гостите од Турција, Грција, Бугарија, Србија и Холандија. крај/мф/дѓ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Првите четири банки од земјава впишани во регистарот на Европскиот совет за плаќања – започнува членувањето во СЕПА

Европскиот совет за плаќања (ЕПС) ги впиша првите четири банки од нашата земја – станува збор за три големи и една средна банка – во регистарот на учесници во шемата за кредитни трансфери на СЕПА. Овој важен чекор е резултат на успешно поднесени барања од страна на овие банки, а со тоа официјално започнува и членувањето на нашата земја во СЕПА.
Овие банки ќе започнат со вршење на кредитните трансфери во СЕПА од 6 октомври 2025 година.
Се очекува и останатите осум деловни банки, кои најавија дека ќе поднесат барања во периодот од јуни до август оваа година, ќе бидат впишани во регистарот на ЕПС и ќе започнат со вршење на плаќањата во рамките на СЕПА до 6 октомври.
Да потсетиме, на 6 март 2025 година ЕПС го прифати барањето за членство коешто го достави Народната банка за нашата земја, со што станавме членка на Единствената област за плаќање во евра (СЕПА). Со ова се овозможи приклучување на домашните банки во европските платежни шеми преку кои се извршуваат плаќањата во евра, во географски опсег од 41 земја членка.
Интеграцијата на банките од земјава во европскиот платежен екосистем носи бројни придобивки за граѓаните и за компаниите – пред сѐ побрзи, поефикасни и поевтини прекугранични плаќања во евра, како и поголема економска поврзаност и активност.
Народната банка, како институција којшто ги координираше активностите за членство во СЕПА, останува целосно посветена на процесот на интеграција на банките и ќе продолжи редовно и навремено да ја информира јавноста за постигнатиот напредок.
Економија
Владата: Исплатени се субвенции на 70.000 земјоделци во вредност од повеќе од 9 милијарди денари

Исплатени над девет милијарди денари субвенции на над 70.000 земјоделци.
Владата соопшти дека се врши редовна исплата на субвенциите и со тоа им се дава директна поддршка на земјоделците да продолжат со своето производство.
„За една година, Владата и МЗШВ успеа да ги исплатат заостанатите субвенции на земјоделците за сите категории од 2021, 2022, 2023 година, а се исплаќаат и тековните субвенции. Покрај ова, како Влада успеавме да ги подобриме земјоделските политики и наместо земјоделските производи да се фрлаат, истите сега се откупуваат по пристојни цени од страна на откупувачите. Промените се очигледни. Тие се случуваат. Времето на промените е тука, работиме и ја вреднуваме маката на земјоделците“, велат од владината прес-служба.
Се додава дека оваа Влада е земјоделска и земјоделците после седум години конечно имаат партнер.
Економија
Од полноќ поскап дизел

Од полноќ максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 76,00 (денари/литар)
– Моторен бензин – ЕУРОСУПЕР БС – 98 – 78,00 (денари/литар)
– Дизел гориво – ЕУРОДИЗЕЛ БС (Д-Е V) – 72,00 (денари/литар)
– Масло за горење – Екстра лесно 1 (ЕЛ-1) – 70,00 (денари/литар)
– Мазут М-1 НС – 40,928 (денари/килограм)
Малопродажнaта цена на ЕУРОДИЗЕЛ (Д-Е V) се зголемува за 2,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат.
Ова се максималните цени на нафтените деривати од 00:01 часот на 21.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.