Македонија
Македонската традиционална зимница на Агрофуд 2015
Главоболките околу купувањето на зеленчук и овошје за подготовка на ајвар, печени пиперки, кисели краставички, џемови и останатата традиционална зимница стануваат минато, бидејќи од 1 до 4 октомври на Скопски саем ќе се одржи Меѓународниот саем за широка потрошувачка, Агрофуд 2015, каде продажниот аспект на готовата традиционална зимница е гаранцијата за полните тегли.
Главоболките околу купувањето на зеленчук и овошје за подготовка на ајвар, печени пиперки, кисели краставички, џемови и останатата традиционална зимница стануваат минато, бидејќи од 1 до 4 октомври на Скопски саем ќе се одржи Меѓународниот саем за широка потрошувачка, Агрофуд 2015, каде продажниот аспект на готовата традиционална зимница е гаранцијата за полните тегли.
Освен квалитетната зимница, новитет се органските производи и македонската традиционална зимница, кои што се одгледани по најстрогите законски стандарди од исклучиво македонски производители. „Продажниот аспект на саемот е гаранцијата дека секое семејство може лесно да се снабди со зимница од исклучиво природни состојки. На „Агрофуд 2015“ меѓу многуте изложувачи ќе имате можност да ги посетите и штандовите за македонска зимница и традиционални производи на ДИЕМ-ГП, Бонум, Best Food, Млекара Ѓорѓиев, Ука Комерц, Минерална вода Суна“, рече проект манаџерот на Скопски саем, Магдалена Хамбова.На Саемот ќе се одржат и македонско–унгарски бизнис средби, чија цел е остварување директни контакти со компаниите од Унгарија со креирање на можности за воспоставување на конкретна деловна соработка и зголемување на продажбата на македонските производи. „Бизнис делегацијата од Унгарија ја сочинуваат осум компании од агробизнис секторот од различни дејности“, додаде Хамбова.Органските производи кои ќе бидат презентирани исклучиво од македонските органски производители се големиот новитет оваа година на Агрофуд 2015. Во Македонија расте потрошувачката за здрава храна, а со тоа расте и производство и преработката на органски производи. Increasing Market Employability IME или Програмата за зголемување на пазарната вработливост е пет годишна програма на Швајцарската агенција за развој и соработка (SDC) која е имплементирана од Swisscontact. Еден дел од програмата се фокусира на развој на пазарот на органски производи и помош на производителите на органска храна во Македонија . Токму затоа одлучивме да го потпомогнеме организираното претставување на македонските производители на органски производи на Агрофуд. Ги повикуваме сите македонски фармери да го посетат нашиот штанд на Агрофуд и да се информираат за тоа како да станат производители на органски производи, изјави одговорниот за комуникации во IME, Дејан Стојанов.Отворањето на Агрофуд 2015 ќе биде во четврток, 1 октомври во 11 часот, каде ќе говорат министерот за земјоделство, шумарство и водостопанство Михаил Цветков, амбасадорот на Унгарија, Јожев Бенце, амбасадорот на Швајцарија, Стефано Лазарото и Валентина Димитрова, комерцијален директор на Скопски саем – Групација ЕРА.На изложбено-продажните штандови, освен прехранбените производи како храна, пијалoци и стоки за широка потрошувачка, ќе можат да се разгледаат и набават најразновидни и најнови машини и опрема за амбалажирање, земјоделска и друга приклучна механизација, како и внатрешен транспорт.Влезот на саемот Агрофуд 2015 е бесплатен./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Мицкоски од Германија: Нови компании изразија интерес за инвестирање во Македонија, ќе преговараме
Премирот, Христијан Мицкоски имаше излагање во Стопанската комора на Германија (OA-Ost-Ausschuss der Deutschen Wirtschaft) каде ги презентираше економските планови и плановите за инвестиции во енергетиката и инфраструктурата и можностите за соработка и инвестиции на германските компании кои веќе се присутни на македонскиот пазар.
Покрај веќе присутните компании на домашниот пазар во државата, интерес да инвестираат кај нас пројавија и нови странски компании, премиерот најави дека многу скоро денеска ќе се отворат преговорите за можно нивно инвестирање.
„Можам да кажам дека имавме многу отворен, искрен и продуктивен состанок со претставниците на германската Стопанска комора делот којшто е одговорен за инвестиции во источна и југоисточна Европа. Голем дел од компаниите коишто беа присутни на овој состанок се веќе присутни со свои производни погони кај нас. Имаше и такви компании коишто недвосмислено изразија желба да инвестираат кај нас да бидат присутни на македонскиот пазар. Нормално разменивме детали за понатамошен контакт и мислам дека многу скоро денеска ќе бидеме посетени ќе ги отвориме преговорите за можно нивно инвестирање. Наша цел како Влада уште од самиот почеток беше подобрување на инвестициската клима и зголемување на инвестициската активност на компаниите, не само домашните и странските исто така. Мислам дека ова во Германија е исклучителна доволна можност имајќи предвид дека нашата трговска размена надминува повеќе од пет милијарди евра, илјадници наши граѓани работат во компаниите каде што се сопственици германски инвеститори и ние како Влада имаме и обврска, но и одговорност да продолжиме со промоција во најголемата би рекол европска економска сила. Промоција на инвестициските можности и капацитети. Денеска тоа го направивме во неколку области како што се услугите, туризмот, енергетиката, производството итн. и мислам дека имавме исклучително позитивен состанок и мислам дека по овој состанок да бидам попрецизен, сигурен сум ќе имаме уште неколку нови инвеститори во периодот којшто следи.“, изјави премиерот Мицкоски.
Задоволство од целите на македонската Влада која е насочена во зголемување на инвестициските активности на странските компании на македонскиот пазар изрази и Мајкл кој посочи дека дискусијата била ефикасна.
„Јас морам да кажам дека дискусијата беше многу ефикасна и надежна, за тоа имавме деклариран впечаток, бидејќи премиерот изјави дека оваа Влада е навистина бизнис ориентирана. Разговаравме за прашања поврзани особено со енергетиката и инфраструктурата, како и за фармацевтските производи и дигитализацијата.“, изјави Мајкл Хармс.
Приоритет на Владата е економско стабилизирање на државата и да бидеме пријатели со бизнис заедниците. Важно е да се отворат што повеќе работни места да им се помогне на македонските граѓани да имаат добро платено работно место и подобар стандард со цел да останат дома, наместо да се селат надвор.
Економија
Среќата не се чека, почнуваат Lucky Days во Нептун!
Ви треба клима уред, компјутер, правосмукалка? Истражувате…
Старите слушалки губат контакт… Истражувате…
Машината за алишта веќе не пере како порано… Истражувате…
Имате 1000 прашања и дилеми, не знаете кој уред е најдобар за вас, не сакате да згрешите во изборот, ниту да се покаете дека сте купиле нешто што не вреди за парите…
Толку многу информации на располагање, но се уште не може да донесете одлука?
Од 14.10.2024 почнуваат Lucky Days во Нептун, со огромни попусти, неверојатни заштеди и супер поволности за плаќање до дури 60 рати. Од 14.10.2024 најголемиот бренд за производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење од над 15 врвни брендови ги отвора своите најдобри понуди и иновативни решенија за домот по извонредно ниски цени.
Lucky Days е периодот кога треба да зачекорите онаму каде што живее техниката, бидејќи никој никогаш до сега не ги победил најдобрите цени во овие „среќни денови“ што се реализираат само неколку пати во годината.
Дополнително, од почетокот на 2024 година, Нептун направи и огромни инвестиции во развој, реновирање и прилагодување на десетина продавници со цел да го подобри квалитетот и корисничкото искуство. Таа стратегија продолжува и во 2025, со цел Нептун секогаш да го понуди најдоброто на своите купувачи.
Затоа, облекувајте патиките за спринт и доаѓајте, бидејќи почнуваат Lucky Days во Нептун! Единствената и уникатна кампања на пазарот која е повеќе од само продажна атракција, затоа што освен најдобрите понуди, огромни попусти, намалување до 55%, можност за плаќање до 60 рати, ќе бидете пречекани и од врвен, способен, едуциран и искусен тим, што ќе ви понуди одлична навигација низ портфолиото на производи, ќе ви овозможи споредба на карактеристики, функционалност и демонстрација на посакуваниот уред.
Никој не прави поголем продажен спектакл од Нептун со своите Lucky Days! Ајде во НЕПТУН!
(ПР)
Економија
Народната банка одржа обука за царинските работници за препознавање фалсификувани пари
Преку постојано зајакнување на капацитетите на институциите, Народната банка го јакне системот за справување со фалсификуваните пари. Имајќи предвид дека јавните службеници, вршејќи ја својата должност, секојдневно доаѓаат во контакт со книжни и ковани пари и се првата бариера во заштитата на интегритетот на парите, нивното обучување за воочување сомнителни примероци, за нивно отстранување и за доставување до Народната банка е суштинско во борбата против фалсификатите. Оттаму, во Народната банка, во рамките на соработката со Царинската управа, обучувачи од Дирекцијата за трезорско работење одржаа обука за царинските работници за препознавање сомнителни пари и за справување со нив.
Како препорака од твининг-проектот „Јакнење на капацитетите на системот за борба против фалсификување евра“, Народната банка започна да организира обуки за претставници од институциите вклучени во системот за справување со фалсификување пари, односно од Министерството за внатрешни работи, Царинската управа, Јавното обвинителство и од Финансиската полиција. Исто така, редовно се организираат задолжителни обуки за запознавање со заштитните елементи на домашните и на странските валути за вработените во банките и центрите за готовина. Само минатата година низ обуките поминаа повеќе од 200 професионалци.
Народната банка инаку е единствената овластена институција за утврдување на автентичноста на книжните и кованите денари и странски валути. Во изминатиот период, засилено се врши и размена на податоци со националните и меѓународните институции за спроведување техничка анализа и откривање фалсификувани пари.