Македонија
Македонско-руската стопанска комора го прослави својот 10 годишен јубилеј
Македонско- руската стопанска комора во средата на свечен начин го одбележа 10 годишниот јубилеј на активно и успешно делување.
На свеченоста присуствуваа бројни видни гости, претставници на македонската Влада, на компаниите членки на комората, претставници на Дипломатскиот кор и специјални гости деловниот свет од Руската Федерација.
Меѓу говорниците беа вицепремиерот и министер за финансии Зоран Ставрески, рускиот амбасадорот, Олег Николаевич Шчербак, заменик претседателот на стопанската комора на Руската Федерација, Георги Георгевич Петров, претседателот на Македонско –руската стопанска комора Ѓорѓи Дика и Извршниот директор на комората Дејан Бешлиев.
Почесни гости кои по овој повод допатуваа од Русија беа Михаил Бобров – почесен конзул на Република Македонија во Санкт Петерсбург и Владимир Дмитриевич Солоцински – поранешен амбасадор на Руската Федерација во Република Македонија.
Свеченоста на одбележувањето на 10 годишниот јубилеј ја отвори Ѓорѓи Дика кој во своето обраќање ја истакна улогата на Македонско–руската стопанска комора која 10 години е мост на економско поврзување меѓу Република Македонија и Руската Федерација. Тој се наврати на главните моменти од воспоставувањето на првите контакти и големиот ентузијазам со кој група на македонски и руски бизнисмени сакаа своите успешни деловни односи да ги институционализираат и во официјална стопанска комора. Во оваа прилика Дика се заблагодари за големата помош добиена од амбасадата на Руската Федерација во Република Македонија и од амбасадата на Република Македонија во Руската Федерација како и од тимовите во дипломатските претсавништва.
Министерот Зоран Ставрески потсети на традиционално добрите и пријателски односи помеѓу Република Македонија и Руската Федерација. Вицепремиерот истакна дека целите на комората и на скромниот почеток и денес кога комората прерасна во институција на постојан и значаен партнер за унапреување на трговските односи меѓу Македонија и Русија се исти.
Ставрески истакна дека Комората функционира како ефикасен стопански мост и субјект во процесот на остварување на бизнис релациите помеѓу нашата земја и пазарот од 144 милиони потрошувачи во пријателската Руска Федерација. Рускиот пазар е секако голем предизвик за македонските компании, наште врати за руските комании се отворени, постојат одлични можности за проширување на рускиот бизнис во Македонија.
Јубилејот на Комората го поздрави Амбасадорот на Руската Федерацја во Република Македонија Олег Николаевич Шчербак кој ја истакна улогата на комората во градењето на бизнис релациите меѓу двете земји.
„Изминативе 10 гдини македонско-руската стопанска комора ја докажа својата ефикасност даде голем придонес за проширување и зацврстување на директните врски меѓу деловните кругови на Русија и Република Македонија. Клучните елементи на нејзиниот успех се добрите разгранети контакти со стопанските комори на различни руски региони, активно учество во меѓународни специјализирани саеми одржани на деловни мисии и промоции на македонските компании во Русија и руските во Македонија,“ рече Шчербак.
Георги Георгиевич Петров – Заменик претседател на стопанската комора на Руската Федерација кој поздравувајќи ги присутните во салата ја пренесе пораката од денешната средба со Претседателот на Република Македонија Ѓорѓе Иванов. Претседателот Иванов честитајќи го 10 годишниот јубилеј ја истакнал важноста на комората и посакал во иднина со многу работа и успешни проекти да се прослави и 100 годишен јубилеј на оваа институција. Меѓу другото, во разговорот, станало збор за важната улога на економската соработка со Русија во развојот на Македонија. Се дискутирало за подобрување на условите и неопходноста за отстранување на постоечките пречки. Тој истакна дека во 2014 година растот на БДП се зголеми за 3,8% и во таа бројка значаен е и рускиот удел. Посебен осврт бил направен кон претстојната изградба на гасоводот со кој ќе биде опфатена Република Македонија, а, воедно го решаваме проблемот со клирингшкиот долг на поранешниот СССР кон поранешната СФРЈ. Проблем за чие решение беа потребни повеќе години.
Извршниот директор на македонско-руска стопанска комора Дејан Бешлиев со чие излагање се затвори говорничкиот дел дел на настанот, се осврна кон иднте планови и визијата. Тој изјави дека се создадени услови да се изработи Национална стратегија за економска соработка со конкретни региони во Руската Федерација, по примерот на повеќе земји членки од Европската унија како што се Словенија, Унгарија, итн. Втора суштинска работа што е акцентирана е образованието на стручен кадар во македонските компании кој ќе биде двигател на идните економски односи меѓу двете земји.
На настанот беа промовирани монографијата по повод 10 годишниот јублеј, како и иновативната идеа на комората: Македонско – руски аудио видео бизнис разговорник, со кој ќе се помогне во понамошната полесна меѓусебна бизнис комуникација на македоските и руските стопанственици. Раговорникот содржи аудио и видео приказ на фрази на макодонски и руски јазик, кои се најчесто употребувани при деловата комуникација.
Македонско-руската стопанска комора по повод 10 годичниот јубилеј, како израз на благодарност за значајниот придонес во создавањето, развојот и поддршката на делувањето, додели плакети на поединци, институции и компании. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.