Македонија
Обука за 220 невработени лица за стекнување напредни ИТ вештини
Министрите за информатичко општество и администрација и за труд и социјална политика, Иво Ивановски и Диме Спасов, како и директорот на Агенцијата за вработување Влатко Поповски денеска го појаснија новиот објавен повик за обука за напредни ИТ вештини за 220 долгорочно невработени лица, активни баратели на работа.
Јава програмер и програмер за Веб апликации, За двете обуки по 110 неврабтнеи лица ќе идат опфатени. Средства ќе се реаизираат од измос 18 милиони денари добиени од ИПА програмата. Сите лица кои ќе ги завршат обуките кои од три до 6 месеци ќе сестекнат со меѓународно признаени сертификати.
Заклучно со 2014 година во вакви обуки учествувале 471 лице, успешно обуките ги завршиле 375 лица, од кои се вработиле 246 односно околу 65 проценти е успешноста на овој проект.
Министерот Ивановски појасни дека овој проект з анапредни ИТ вештини ќе се реализира во три дела, вештина најбарана на пазарот на трудот. За оваа година ДОТ. Нет програмирање, Јава програмирање тј Најави и дополнително 50 лица обука за Кад програмирање.
Поповски за да сес одберат најдобрите ќе се врши предселекција преку трестирање, по што ќе се нарави селекцијата, а ќе има ат можност и за жалба. Тримесечната обука за овие вештини со можност з аполагање и добивање добивање меѓуароден сертификат чини 1.350 евра.
На новинарско прашање какви се реаултатите од проектот „Македонија вработува“, министерот Спасов потенцира дека заклучно со вчера со овој проект се вработени 1.960 лица во 1.465 компании. Од 1.960 вработени досега, нагласи, 696 се млади до 29 години, додека пак 649 се лица до 35 години.Позитивно е, рече Спасов, да се истакне дека и повозрасните лица ги користат бенифициите и веќе полесно и побрзо стигнуваат до работните места.
„Овие 1.960 лица изминатиот месец и неколку дена, практично пред започнување на овој проект беа без работа, сега се веќе на своите работни места во приватниот сектор и остваруваат редовни средства, плата за егзистенција. Од друга страна овие 1.465 компании кои што ги искористија поволностите од проектот „Македонија вработува“ имаат солидна заштеда при отворањето нови работни места меѓутоа исто така во проширувањето на својот бизнис, а и секое ново вработено лице помага во развојот на приватните фирми“, изјави министерот Спасов.Тој изрази уверување дека овој Проект и понатаму ќе продолжи да вродува со резултати и да им помага и на македонските компании и пред се да им помага на невработените лица побрзо да дојдат до работни места.
Во однос на прифатните центри за барателите на азил, министерот Спасов оцени дека условите таму се солидни, а како Министерство за труд и социјална политика во сорботка со меѓународните организации континуирано се вложуваат напори и средства за нивно подобрување.
Прашан за ефектите од субвенциите за самовработување, директорот на Агенцијата за вработување Влатко Поповски информираше дека процентот заклучно со 2014 година, се движи над 70 проценти./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.