Македонија
Самитот на Македонија2025 повикува на одржлив економски развој со акцент на обновливи извори на енергија и паметни технологии
На 20-ти и 21-ви октомври во Скопје ќе се одржи петиот Македонија2025 Самит. Самитот е широка платформа за споделување на знаење за бизнис, инвестиции, напредни технологии, иновации и лидерство.
На 20-ти и 21-ви октомври во Скопје ќе се одржи петиот Македонија2025 Самит. Самитот е широка платформа за споделување на знаење за бизнис, инвестиции, напредни технологии, иновации и лидерство.
Поконкретно, оваа година самитот ќе ги обележи насоките на одржлив економски развој преку меѓународни инвестиции во обновливи ресурси и развој на „паметни“ и „зелени“ сектори. Организаторот и оваа година носи повеќе од 35 говорници од светско реноме кои доаѓаат од преку 20-тина различни земји.
Главниот говорник Гуру Банавар од Вотсон центарот за истражување на вештачка ингелигенција на компанијата ИБМ во Њујорк, ќе презентира како технологијата може да ги реши најголемите проблеми со кои се соочува светот како предизвиците кон исхраната, здравјето и животната средина.
На самитот ќе зборуваат Карина Барнхолд Клепер од Нордискиот центар за обновливи енергии, Петар Казначеев од Центарот за ресурсни економии при Претседателската академија во Москва, професорот Шуичи Фукуда од универзитетот Кеио во Токио, Марко Буткович од Европската вселенска агенција, Здравко Почивалшек, Министер за економски развој на Словенија, Михаил Мизрахи, директор на центарот за иновации во Ерусалем како и други извонредни умови. Ќе се дискутира за најактуелните теми поврзани со паметни градови, био-гас и био дизел, соларна енергија, „tele-health“, интелигенција меѓу машини, електрични возила, еколошки домови, емоционален инженеринг, енергенси и природни ресурси, иновации во телекомуникациите, циркуларна економија, итн.
Самитот ќе ја позиционира Македонија како земја со потенцијал да биде центар за паметни технологии и истражувања. За таа цел се поканети светски компании кои веќе отвориле претставништва за аутсорсинг во Македонија во области како софтвер за здравство, берзански трансакции, напредни ИТ истражувања и сл. Настанот ќе биде одлична можност за запознавање помеѓу експерти и членови на деловните заедници на земјите од регионот. Македонија2025 на овој начин ја исполнува својата визија за економско интегрирање на Македонија со остатокот од регионот во насока на подинамичен економски развој. Од организацијата ги покануваат сите заинтересирани компании и претприемачи да ја разгледаат програмата и бидат дел од еден процес за напредок што не може да се оствари без целокупна инволвираност на успешни и иновативни луѓе и компании.
Сите што се заинтересирани за учество на самитот можат да се информираат на страната на Македонија2025 или да се регистрираат на http://mk2025summit.com/selection/. Од организацијата нудат поволности за микро и мали претпријатија, како и за учество на повеќе претставници од иста компанија./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ковачевски: Поддршката за домашните компании продолжува, СДСМ нема да се откаже од подобра и европска иднина за државата
Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.
Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.
„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.
Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.
„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.
На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.
„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.
При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.
„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.